Lk 7:13 - Testamente Ledrimpswha ni Mapsalma

¹³ Loko a Hosi yivona a mufelwa, yimutwela vurombe, yiku ku yene: Ungadrili.

Lk 7:13 Referans Kwoze

Va-Heberu 4:15

Hikusa ahi na muprista lwenkulu, angaswikotikiki kuhitretrelela gome dreru, leswi angadringiwa na Yene ku hinkwaswu kufana na hine, kambe angana xidoho.

Lk 8:52

Hinkwavu afa vamudrilela hi xiviti kambe Yesu aku ku vone: N'wingadrileni, hikusa a nhwanyana anga fanga ekutriyela.

Va-Heberu 2:17

Hileswo-ke afa swimufanelile kuyentxiwa lweyi a fanaka ni vamakwavu hi matlhelo hinkwawu, akuva avamuprista lwe nkulu, lweyi angani lirere ni kudumbeka amahlweni ya Xikwembu Nkulukumba, akuva abasisa swidoho swa vhanu.

Yohana 20:15

Yesu aku ku yene: Wansati! Udjula mani xana? Yene hi kuyanakanya leswaku i mulaviseli wa nsimu, aku ku yene: hosi, loko umususile nibyele lomu umubekiki kone, kutani nitayamuteka.

Marka 8:2

Nitwela vurombe a xitrhungu lexi, hikusa i masiku mararu na vatrhamisi ku mine na vangana ntxhumu xa kuda.

Yohana 11:2

Maria, hi lweyi angasama atota Hosi hi mafura lawa ya kunun'hwela, ava amusula minenge hi misisi yake.

Lk 24:34

lava valiki: Kunene Hosi yi pfukile! Yi tivonekisi ku Simoni!

Lk 17:5

Kutani a vapostola vaku ku Hosi: Hi yengeselele kupfumela.

I Kor 7:30

ni lava vadrilaka, vava swanga hi loko vangadrili; ni lava vanyoxaka, vava swanga hi loko vanganyoxi; lava vaxavaka vava swanga hi loko vangalina ntxhumu;

Yohana 20:13

Kutani swiku ku yene: Wansati, xana udrilela yini? Aku ku swone: Hi leswaku vasusi Hosi yanga, kutani anikutivi lomu vayibekiki kone.

Lk 13:15

Kambe a Hosi yi muyangula yiku: N'wi vamandrendre! A mun'wana-ni-mun'wana wenu xana angantrhunxi a homu yake, kumbe mbongolo, axidelweni hi Savata, ayiyisa kunweni?

Lk 10:1

A ntrhaku ka swone, Hosi Yesu ahlawuli van'wana va ntlhanu wa makume na makume mabiri na vabiri (72), avaruma ha vabiri-vabiri amahlweni kwake, amitini hinkwayu ni le mimbangwini hinkwayu lomu atakafamba ha kone.

Lk 7:19

Kutani avitani vadondrisiwa vabiri avaruma ku Hosi vaya vutisa leswaku: Xana hi wene lweyi afanelaka kuta, kumbe hahafanekela kurindrela mun'wana?

I Tsl 4:13

Kambe anirandri, vamakweru, leswaku n'wikohla hi timhaka ta lava vatiyetleleliki, n'wingativaviseka swanga hi van'wana lava vangeke na kudumba.

Lk 22:61

A Hosi yindrulukiki, yilavisa Petrosi, kahangava laha Petrosi adrimukaka a ritu dra Hosi, leswi afaka yi mubyelisi xiswone leswaku: A nkuku wungasinayimba namunhla, utanilandrula kuraru.

Lk 7:12

Atiki atlhasa kusuhi ni muti, avona na kurwaliwi ntrumbu vaya kuwulahleni, afa ali n'wana wa mun'we ku mamana wakwe, lweyi afaka ali mufelwa. A vhanu lava vanyingi va muti lowu afa vamuheketa.

Lk 7:14

Yahanga trhindrekela yikhumba lihlaka, lava varwaliki lone vayima. Kutani Yesu aku ku mufi: Wandrisanyana, nili ku wene, pfuka!

Lk 11:1

Nkama un'wana Yesu akukhongoteni kwake ku un'wanyana mbangu, loko ahetile, mun'we ku vadondrisiwa vakwe aku ku yene: Hosi, hi dondrise kukhongota, swanga hileswi Yohana Mubabatisi angadondrisa a vadondrisiwa vakwe.

Lk 11:39

Kambe Hosi yiku ku yene: Hileswo n'wine vafarisi n'wibasisa ahandle ka ntrheko ni mbaka, kasi andreni kwenu kutali hivuyivi ni vubihi.

Lk 12:42

Yesu aku: Hiwini a mulaviseli wa yindlu lweyi wa kudumbeka, ava atlhariha, lweyi a n'winyi wakwe ataka mubeka, alavisela vatiri vakwe, akuva atavayavela swakuda hi nkama lowu wufanekelaka?

Lk 17:6

A Hosi yiku: Loko fanga n'wini kupfumela loko kange hi nhleke ya sinapi, afa n'wingaku ku nkuwa lowu: Tisimule uyatisimeka likhulwini; afa wuta n'wiyingela.

Lk 18:6

Kutani Hosi yiku: Yingelani leswi swihlayiwaka hi mutremi lweyi angalulamangakiki.

Lk 19:8

Kambe Zakeya ayima aku ku Hosi: Lavisa, we Hosi, nitapumbela swisiwana vukosi byanga hi le makari; loko nidile xa mhunu, nitamutlhelisela ha ka mune.

Lk 24:3

Vanhingeniki, vangawukumi ntrumbu wa Hosi Yesu.

Yohana 4:1

Kati loko Yesu ativi leswaku a vafarisi afa vayingeli leswaku yene afa akuma vadondrisiwa ni kubabatisa kutlula Yohana,

Yohana 6:23

Kambe kuti mabyatrhu lawa mapfaka Tiberiyasi, matlhasa kusuhi ni mbangu lowu vangada makati ku wone, loko Hosi yitlangelile;

Yohana 11:3

A vamakwavu lavo va vavasati, varumela ritu ku Yesu, vaku ku yene: Hosi, lweyi umurandraka awavabya.