Lk 6:21 - Testamente Ledrimpswha ni Mapsalma

²¹ N'wikatekile n'wine n'wingani ndlala swoswi, hikusa n'witaxurisiwa. N'wikatekile n'wine n'widrilaka swoswi, hikusa n'witahleka.

Lk 6:21 Referans Kwoze

Yohana 6:35

Yesu aku ku vone: Hi mine kati dra vutomi. Lweyi ataka ku mine, angavina ndlala ni siku ni drin'we, ni lweyi apfumelaka ku mine angavina tora ni siku ni drin'we.

Mt 5:6

Vakatekile lava vangani ndlala ni tora dra leswi swakululama, hikusa vataxurisiwa!

Yakobe 1:12

Anindjombo lweyi atiyiselaka mindringweni, hikuva loko akumiwa na atiyiselili andringweni atayamukela a ngiyana ya vutomi lebyi byingahelikiki, lebyi Xikwembu Nkulukumba adridumbisiki lava vamurandraka.

Lk 1:53

Axurisi lava va ndlala hi leswi swinene, ava atlhelisa lava kufuya na vangena ntxhumu.

Mt 5:4

Vakatekile lava vadrilaka, hikusa vatamiyetiwa!

Mpfuletelo 7:16

Vangaka vangahatwi ndlala, nambi tora. A dambu dringahavaweli, nambi hi mumu wa drone,

Lk 6:25

Yowee, n'wine lava vadaka vaxura swoswi, hikusa n'witava ni ndlala. Yowee, n'wine n'wihlekaka swoswi, hikusa n'witadrila n'wiva n'wihlatiyela.

I Kor 4:11

Kutlhasa nkama lowu, hini ndlala ni tora, hiyambala a switlatla, hayamasiwa timpama, ahina vutrhamu bya kutiya,

Yohana 4:10

Yesu amuyangula aku: Loko afa utivi nyiko ya Xikwembu Nkulukumba ni leswaku i mani lweyi aliki nihanani ninwa, ana wene ukombeli ku yene, kutani yene afa atakunyika mati lawa mahanyaka

Mpfuletelo 21:3

Kutani ni yingeli ritu ledrikulu dripfa xiluvelweni driku: Lowu i ntronga wa Xikwembu Nkulukumba kun'we ni wa vhanu. Xikwembu Nkulukumba atatrhama navu, Kutani vone vatava tiko dra Xikwembu Nkulukumba. Yene Xikwembu Nkulukumba atava na vone.

II Kor 12:10

Na nyoxa hikola ka gome, aswiruko, akupfumala, akuxanisiwa ni kubindreliwa hinkonta ya lirandru dra Kriste. Hikusa, loko nini gome, lahu hi kone ninga ni ntamu.

II Kor 11:27

ni vi mintirweni ni minkaralwini, hi minkama minyingi ni vi nivusiku bya kuyandra na ningayetleli, ni vi nindlala nipfumala swakuda, ni kutitrona, hi minkama minyingi ni vi nixirami ni pfumala swakuyambala.

II Kor 6:10

hivi lava vaxukuvalisiwaka, kambe hitrhava hi minkama hinkwayu; swanga swisiwana, kambe hifuyisa lava vanyingi; na hinge na ntxhumu, kambe hive ni hinkwaswu.

Yohana 11:35

Yesu adrila.

Lk 6:20

Yesu alavisa a vadondrisiwa vakwe, aku ku vone: N'wikatekile n'wine swisiwana, hikusa a Mfumu wa Xikwembu i wenu.

Lk 6:22

N'witatovoka loko a vhanu van'wivenga, van'wihlongola, van'wiruka, vasandra ni vito drenu swanga hi loko dribihile, hinkonta ya N'wana wa Mhunu.