hikusa n'wine n'witiva swinene a lirandru dra Hosi yeru Yesu Kriste, lweyi nambi loko ali xipfundri kambe a tindruluti xisiwana hinkonta yenu akuva n'windruluka swipfundri hinkonta ya vusiwana byake.
Nitiva a nhlomulu waku ni vusiwana byaku, kambe uxipfundri, mfuri a kusandra ka lava vatihlayaka va-Yuda, na kasi ahi va-Yuda, kambe vone i sinagoga dra Sathana.
hivi lava vaxukuvalisiwaka, kambe hitrhava hi minkama hinkwayu; swanga swisiwana, kambe hifuyisa lava vanyingi; na hinge na ntxhumu, kambe hive ni hinkwaswu.
Leswo i xikombiso swoswi xa yavanyiso dra kululama, ledri Xikwembu Nkulukumba ataka paluxa mfanelo ya Mfumu wakwe, hi lirandru droledri n'wine n'wirwaliki mahlomulo ya kunhati.
lomu vatiyisiki vapfumeli, ni kuvaleleta leswaku vaya mahlweni vatiyisela kupfumeleni, ni kuvadondrisa leswaku hikola ka mahlomulu lawa manyingi, swifaneli hinhingena a Mfun'wini wa Xikwembu Nkulukumba.
A mun'we ku lava afaka vatrhamisi na Yesu atafuleni, ayingeliki maritu yake aku ku yene: Akatekile lweyi adaka a kati a Mfun'wini wa Xikwembu Nkulukumba!
Hi kone kutakava ni swidrilo ni kuketrela ka menyo, loko n'wivona Abrahamu na Yisaki na Yakobe ni vaprofeta hinkwavu, aNfun'wini wa Xikwembu Nkulukumba, kasi n'wine n'witxukumetiwi ahandle.
A Moya wa Hosi wule henhla kwanga, hikusa yi nitotile, akuva nidrungulela swisiwana a Ivangeli, yi nirumi kuhuwelela kuntrhunxeka ku lava vabohiwiki, ni kubuyisela kuvona ku lava vakufa-mahlu, ni kuntrhunxa lava vaxanisiwaka;
Lava vakufa-mahlu vavona, a swilema swafamba, a va nhlokonho vabasisiwa, a vakufa-tindleve vayingela, a vafi vapfuxiwa, a swisiwana switivisiwa a Ivangeli.