Lk 6:12 - Testamente Ledrimpswha ni Mapsalma

¹² Amasikwini lawo, Yesu asuka aya nhaveni a kuyakhongota, aheta vusiku hinkwabyu hi kukhongota.

Lk 6:12 Referans Kwoze

Va-Heberu 5:7

Yene Yesu, amasikwini ya kuhanya kwake anyameni, ahumexeli hi swidrilo kun'we ni minyembeti leyiminyingi, a swikhongoto ni mintratriyo ku lweyi afaka a kota kumuhuluxa ku lifu, avi ayingeliwa hinkonta ya kutxhava Xikwembu Nkulukumba.

Marka 6:46

Kuti loko avahangalasile asuka aya anhaveni akuyakhongota.

Marka 1:35

Ampundrwini, na kahatimphu, Yesu apfuka, ahuma, atiyela mbangwini wa hula, ayakhongota.

Va-le-Kolosa 4:2

Khinyelani aku khongoteni, na n'wihiteka hi mitlangelo.

Mt 6:6

Kambe wene, loko ukhongota, nhingena andlwini yaku, kutaku loko upfali a xipfalu, khongota Tatana waku lweyi anga xihundleni; Tatana waku lweyi akuvonaka axihundleni, atakunyika a hakelo draku.

Mt 5:1

Yesu atiki avona a xitrhungu, antlhantukela anhaveni kutani atrhamisa. A vadondrisiwa vakwe vatrhindrekela ku yene,

Marka 3:13

Yesu antlhantukeli anhaveni, ativitanela lava avadjuliki. Vatrhindrekela ku Yene,

Lk 5:16

Kambe Yesu asuka aya ahuleni, lomu kutengiki, akuva aya khongota.

Lk 6:11

Kambe vone vahlundruka ngopfu, vasungula kukhanelisana hileswaku vangakota a kuyentxa yini ha Yesu.

Lk 6:17

Yesu afulameli navu hi le nhaveni, ayayima alivaleni. Kone afa kutlhangani vunyingi bya vadondrisiwa vakwe ni vhanu vanyingi va tiko drale Yudeya, ni le Yerusalema ni le kingeni wa le Tiri na Sidoni;

Lk 9:18

Siku drin'wana loko Yesu ali kukhongoteni, vuswake, a vadondrisiwa vakwe afa vatrhindrekela ku yene, avavutisa aku: Xana a vhanu vali ni mani, xana?

Lk 9:28

Afa swidjula kuva ntlhanu wa masiku na mararu a ntrhaku ka maritu lawo, Yesu antlhantukela anhaveni akuya khongota. Ateki Petrosi, na Yohana na Yakobe.

Lk 9:29

Loko ali kari akhongota, a mavonekela ya liso drakwe mandruluka, ni swiyambalu swake swindruluka ntlhohe, swiphatima.

Yohana 6:3

Kutani Yesu antlhantukela nhaveni, ayatrhama ni vadondrisiwa vakwe.