Lk 4:42 - Testamente Ledrimpswha ni Mapsalma

⁴² Loko byixile Yesu ahuma handle ka muti aya huleni. Kutani a vhanu lava vanyingi va mudjula, vata laha afaka ali kone, vamudrivata akuva anga hambani na vone.

Lk 4:42 Referans Kwoze

Lk 6:12

Amasikwini lawo, Yesu asuka aya nhaveni a kuyakhongota, aheta vusiku hinkwabyu hi kukhongota.

Yohana 4:34

Yesu aku ku vone: A swakuda swanga hi kuyentxa kurandra ka lweyi anirumiki, ni kuhetisa ntiro lowu anirumiki kuwuyentxa.

Yohana 6:24

Kuti loko ke vhanu vavoni leswaku Yesu ni vadondrisiwa vakwe afa vangehe kone kolahu, vanhingena mabyatrhwini wolawo, vawelela Kapernawume, vayadjula Yesu.

Yohana 4:40

Kolahu, loko va-Samariya vatlhasi ku Yesu, vamuramba akuva atrhama na vone; ahangayatrhama kone masiku mabiri.

Lk 24:29

Kambe vone vamuphikelela vaku: Trhama na hine namuhla, hikusa i madambu, ni dambu dripelile mfuri. Yesu ahanganhingena atrhama navu.

Marka 1:45

Kambe a nuna lweyo, aku awasuka, asungula a kuhuwelela leswi swinyingi ni kudrungula leswi swimuhumeleliki, lakakuva Yesu angahaswikoti ni kunhingena amutini mun'we alivaleni. Kambe afa atitrhamela handle, amimbangwini ya mananga; kutani vaya ku yene, vapfa matlhelweni hinkwawu.