Lk 24:44 - Testamente Ledrimpswha ni Mapsalma

⁴⁴ Yesu ahangaku ku vone: Hiwo maritu lawa ningan'wibyela, loko nahali na n'wine niku: Swifanekeli kuhetiseka hinkwaswu leswi swingatraliwa hinkonta yanga aNawini wa Moxe ni le madrunguleni ya vaprofeta ni le Swidrumiseni.

Lk 24:44 Referans Kwoze

Mintiro Ya Vapostola 13:33

lexi Xikwembu Nkulukumba axihetisiki swoswi ku hine hinga vana vavu, hi kupfuxa Yesu kufeni swanga hi leswi switraliwiki abukwini dra Swidrumiso ku ndrima ya vubiri, hileswaku: Wene u n'wananga; Mine nikubeleki namuhla.

Lk 9:22

Aku ku vone: N'wana wa mhunu atatwisiwa kuvaviseka ngopfu, adreliwa hi vakulukumba ni vaprista lava vakulu ni vadondrisi va Nawu. Vatamudlaya, kambe atapfuka hi siku dra vuraru.

Mpfuletelo 19:10

Kolahu ni wela minengeni ya yone akuva ni yigandrela, kambe yone yiku ku mine: Im'hi! Ungayentxi leswo! Mine ni nandra-kuloni ni wa vamakwenu lava vanga ni vumboni bya Yesu. Gandrela Xikwembu Nkulukumba. Hikuva a vumboni bya Yesu i Moya wa kurera kweru.

Va-Heberu 10:1

Ke, leswi a nawu wungani ntrhuti wa matovoko lawa mataka, na kungeke xifaniso xa kuhetiseka xa timhaka, wa hluleka kuhetisisa ni siku ni drin'we, lava trhindrekelaka hi timhamba, leti tekisaka kutisiwa lembe drin'wana ni drin'wana.

Yohana 5:46

Hikusa loko afa n'wapfumeli ku Moxe, ana n'wipfumeli ni le ku mine; hikusa afa tili timhaka tanga leti angatrala tone.

Va-Heberu 9:8

A Moya wa Kuxwenga wu kombisa kolahu leswaku, a ndlela ya mbangu wa kuxwenga afa yinga si pfuliwa loko ntronga wa kusungula wuyimisiwile.

Yohana 5:39

N'wilavisisa Matralwa, hikusa n'wiyanakanya leswaku, ku wone, n'witakuma vutomi lebyi byingahelikiki, kasi hi wone manihambelaka vumboni.

Yohana 3:14

Kufana ni leswi Moxe angahayeka nyoka huleni, N'wana wa Mhunu na yene atafanela kuhayekiwa hi ndlela yoleyo,

Lk 24:46

aku ku vone: Switralisiwi xiswoswo, leswaku Kriste atatwa kuvaviseka, apfuka makari ka lava vakufa hi siku dra vuraru,

Va-Heberu 7:1

Hikusa Melkisedeki yelweyi afa ali mufumi wa Salema ni muprista wa Xikwembu Nkulukumba wa le henhla-henhla, lweyi anga tlhangaveta Abrahamu loko abuya hi le kudlayeni ka vafumi, kutani amutovokisa.

Va-Heberu 3:5

Moxe afa adumbekile andlwini ya Xikwembu Nkulukumba swanga nandra, abeka vumboni bya leswi afaka switahlayiwa.

Mintiro Ya Vapostola 7:37

Hi yene Moxe lweyi angaku ku vana va Israyele: Xikwembu Nkulukumba atan'wipfuxela amakari ka vamakwenu, amuprofeta lweyi wanga ha mine.

Lk 22:37

Hikusa nan'wibyela nili: leswi swingatraliwa leswi swiliki: Ahlayiwi ni vadohi, swahafanekela kuhetiseka ku mine. Hikusa leswi swihlayiwiki ha mine swini kuhetiseka.

Lk 21:22

hikusa matava masiku ya kudrihisa, lawa kutaka hetiseka hinkwaswu leswi swingatraliwa.

Lk 9:44

Yingisetani swinene leswi atindleveni tenu: A N'wana wa Mhunu atanyiketiwa amandleni ya vhanu.

Mt 26:56

Kambe hinkwaswu swihumeleli akuva a Matralwa ya vaprofeta mahetiseka. Kutani a vadondrisiwa hinkwavu vamusiya vatrutruma.

Mt 26:54

Xana afa matahetisekisa kuyini a Matralwa lawa mahlayaka leswaku swifanekeli swihumelelisa xiswoswo?

Mt 16:21

Akusukela nkama lowo Yesu asunguli kutlhamuxela vadondrisiwa vakwe, leswaku swifaneli aya Yerusalema, kambe a vakulu va tiko, a vaprista lava vakulu ni vatrali, vatamuxanisa ngopfu, vamudlaya, kambe hi siku dra vuraru atapfuxiwa akufeni.

I Ptr 1:11

na vadjulisisa kutiva leswaku atava wini kumbe wa kuyini a nkama lowu a Moya wa Kriste, lowu afaka wuli ku vone wukongometa wone, na wutiyisa hi tlhelo dra tinxanisa leti afaka tikongoma Kriste, ni kuphatima loku afaka kutalandrela, ntrhaku ka leswo.

Mintiro Ya Vapostola 3:18

Kambe Xikwembu Nkulukumba ahetisisi xiswoswo leswi angaranga aswitivisa hi nomu wa vaprofeta; a kuxaniseka ka Kriste wakwe.

Marka 9:31

Hikusa afa adondrisa a vadondrisiwa vakwe aku ku vone: A N'wana wa Mhunu atanyiketiwa amavokweni ya vhanu. Vatamudlaya, kambe atapfuka loko kuhundri masiku mararu.

Mt 1:22

Hinkwaswu leswi swihumeleli akuva kuhetiseka leswi a HOSI yingaswihlaya hi muprofeta lweyi angaku:

Mintiro Ya Vapostola 2:27

hikusa ungaka ungatriki hika dranga a Hades, na swone ungaka unganyiketi Muxwengi waku avona kubola.

Mintiro Ya Vapostola 13:40

Tivonelani-ke, leswaku n'wingahumeleliwi hi leswi switraliwiki ku vaprofeta: