Lk 24:25 - Testamente Ledrimpswha ni Mapsalma

²⁵ Yesu aku ku vone: Yo! Vhanu lava vakuka vangayingeli, lava vatimbilu leti tinanaka kupfumela hinkwaswu leswi vaprofeta vangahlaya swone!

Lk 24:25 Referans Kwoze

Marka 9:19

Kambe Yene avayangula aku: Yoo! Lixaka ledri dringapfumelikiki! Xana nitava na n'wine kuyagama kwini? Xana nitan'wilehisela mbilu kuyagama kwini? Buyisani a mufana lweyo ku mine.

Marka 7:18

Ahangaku ku vone: xana-ke na n'wine an'wingayingelisisi? Xana an'wiyingelisisi leswaku hinkwaswu leswi a mhunu aswidaka kumbe kunwa, loko swinhingena andreni aswikoti kumunyamisa,

Marka 16:14

A vugan'wini, Yesu ahumeleli ku lava va khume na mun'we, na vatrhami kudeni. Avasola hikuva vangana likholo, ni kunonon'hwa ka timbilu, ni leswi vangapfumelangakiki ku vhanu lava vamuvoniki loko apfuki kufeni.

Mt 26:24

A N'wana wa Mhunu awafamba swanga hi leswi kutraliwiki ha yene; kambe yowee lweyi a mhunu lweyi a N'wana wa Mhunu awongiwaka hi yene! Afa swi swahombe ku mhunu lweyo, loko afa angabelekiwanga.

Lk 24:24

A van'wana ku va-kweru, vasuka vaya xireni, vaya kuma swili swoswi a vavasati vahlayisiki xiswone, kambe Yesu avamuvonanga.

Yohana 5:39

N'wilavisisa Matralwa, hikusa n'wiyanakanya leswaku, ku wone, n'witakuma vutomi lebyi byingahelikiki, kasi hi wone manihambelaka vumboni.

I Kor 15:3

Hikuva akusunguleni, nin'winyiketi leswi na mine niswiyamukeliki, leswaku: Kriste a fi hikola ka swidoho sweru, swanga hi kuhlaya ka Matralwa;