Lk 23:8 - Testamente Ledrimpswha ni Mapsalma

⁸ Heroda loko avona Yesu anyoxa ngopfu. Hikusa afa kulikhale na anavela kumuvona, hikusa afa ayingeli timhaka takwe. Na swone afa adumba leswaku atavona xikombiso xin'we xitiriwa hi Yesu.

Lk 23:8 Referans Kwoze

Marka 6:14

A mufumi Heroda ayingeli swa Yesu, hikusa a vito drakwe afa dridrumile matlhelo hinkwawu, na van'we vaku: Yohana Mubabatisi apfukiki kufeni, hi swoswo-ke angani ntamu wa kuyentxa mahlolana.

Mt 14:1

Ankameni lowo Heroda, mutetrarka, (mufumi), ayingeli kutwala ka Yesu,

Mintiro Ya Vapostola 8:19

aku: Ninyikani na mine a ntamu wolowu, akuva lweyi nitakamuntlhanteka mavoko, anyikiwa Moya wa Kuxwenga.

Lk 4:23

Yesu ahanga vayangula aku: Kunene n'witanibyela a xihlayahlaya, lexi xaku: We n'anga tihanyise ha swaku. Hinkwaswu leswi hi swiyingeliki leswaku u swiyentxi Kapernawume, swiyentxe ni kola tikweni draku.

Marka 8:34

Kutani avitana a xitrhungu kun'we ni vadondrisiwa vakwe, aku ku vone: Loko a mhunu arandra a kunilandra, atiyale, atirwexe xihambano xakwe anilandra.