Lk 20:47 - Testamente Ledrimpswha ni Mapsalma

⁴⁷ Vone vadaka nhlengwe ya vamafelwa, ni hi kutiyentxisa vakhongota nkama wa kuleha. Kambe Xikwembu Nkulukumba atakhatisa a vana lavo, vatayamukela yavanyiso ledri drihundrisaka hi vukulu.

Lk 20:47 Referans Kwoze

Marka 12:40

Vatekelaka vafelwa a swavu na vatilandrula hi kuhamba swikhongoto swakuleha. Kambe Xikwembu Nkulukumba atavakhatisa ngopfu hinkonta ya leswo.

Yakobe 3:1

Vamakweru, avunyingi byenu n'wingave ndruluka vadondrisi, switivani leswaku hine lava hi dondrisaka hita kuma kuyavanyisiwa loku hundrisaka.

Tito 1:16

Vone vali vamutiva Xikwembu Nkulukumba, na kasi vamulandrula hi mintiro yavu. I vamfani ni vakutiyalisa, vangakotikiki ntxhumu amintirweni hinkwayu leminene.

Lk 12:1

Ankameni lowo a switrhungu swa makume ya madzana swihlengeletana, lakakuva swiva swikandretelana. Yesu asungula a kubyela vadondrisiwa vakwe aku: Tivonelani ku handrelo ya vafarisi, manga mandrendre.

Mt 23:13

Kambe yowee, n'wine vatrali ni vafarisi va mandrendre! Hikusa n'wipfalela vhanu a Mfumu wa Matilo; na kone n'wine an'winhingeni, mfuri an'wivapfumeleli lava varandraka a kunhingena. [

I Tsl 2:5

Nakone, n'waswitiva swinene leswaku ahingita hi maritu ya kutixongisa, nambi kutikulisa. Xikwembu Nkulukumba i mboni ya swone.

Mt 23:14

Yowee, n'wine vatrali ni vafarisi va mandrendre! Hikuva n'wiphangaka a tiyindlu ta mafelwa, n'wititxhavelela hi kuhamba a swikhongoto swakuleha; hinkonta ya leswo n'witayamukela yavanyiso ledri drihundrisaka.]

Lk 20:46

Nikutidjulela switrhamu swale mahlweni amasinagogeni, ni vutrhamu lebyi bya kuranga aswilalelweni.

Lk 21:1

Yesu alavisa, avona lava vakufuya, vatxhela nhlengo wavu axibyeni xa minhlengo.