Lk 2:39 - Testamente Ledrimpswha ni Mapsalma

³⁹ Kuti loko vaheti hinkwaswu swa Nawu lowu Xikwembu Nkulukumba aleletiki akuva swiyentxiwa, Yosefa na Maria vatlhelela Galileya, amutini wa kwavu wa Nazarete.

Lk 2:39 Referans Kwoze

Lk 2:4

Hikola ka leswo Yosefa asuka tikweni dra le Galileya, amutini wa le Nazarete, aya Betlehema tikweni dra Yudeya, lomu angapswaliwa kone mufumi Davida hikusa Yosefa afa ali wa lixaka dra Davida,

Mt 3:15

Yesu ayangula aku: Swipfumeli swoswi, hikuva swifanekeli swoswo ku hine, hihetisa kululama hinkwaswu. Kutani Yohana apfumela.

Lk 2:51

Yesu kolahu atlheli navu aya Nazarete, ahamba avayingiseta. A mamana wakwe afa abekisa a timhaka leto ambilwini yake.

Lk 1:6

Afa vali valulami hi vubiri byavu amahlweni ka Xikwembu Nkulukumba, vafamba milawini hinkwayu ni le swileletweni hinkwaswu swa Hosi, vangasoliwi ha ntxhumu.

Lk 1:26

Loko Elizabeta ani nyimba ya ntlhanu wa tihweti na yin'we, Xikwembu Nkulukumba arumi ntrumi Gabriyele amutini wa le Galileya lowu valiki i Nazarete,

Lk 4:16

Kutani Yesu aya Nazarete lomu afaka a kuleli kone, anhingena asinagogeni hi siku dra Savata hi matolovelela yake, kutani asekeleka ayimela kuhlaya a matralwa.

Lk 4:23

Yesu ahanga vayangula aku: Kunene n'witanibyela a xihlayahlaya, lexi xaku: We n'anga tihanyise ha swaku. Hinkwaswu leswi hi swiyingeliki leswaku u swiyentxi Kapernawume, swiyentxe ni kola tikweni draku.