Lk 2:11 - Testamente Ledrimpswha ni Mapsalma

¹¹ Hi leswaku namunhla n'wipswaleliwi Muhuluxi anga Kriste Hosi amutini wa Davida!

Lk 2:11 Referans Kwoze

Mt 1:21

Maria atava ni n'wana wa wandrisanyana, wene utamutxhula a vito dra Yesu, hikusa hi yene atakahuluxa tiko drakwe aswihonweni swa drone.

Mintiro Ya Vapostola 2:36

Ke a tiko hinkwadru dra Israyele adriswitive leswaku Yesu yelweyi n'wine n'wingamuvamba, Xikwembu Nkulukumba amuyentxi Hosi ni Kriste.

Mt 16:16

Simoni Petrosi amuyangula aku: Wene u Kriste N'wana wa Xikwembu Nkulukumba lweyi ahanyaka.

Lk 1:43

Kutani xana ni mani mine akuva a mamana wa Hosi yanga aniyendrela?

I Yhn 5:1

Lweyo ni lweyo apfumelaka leswaku Yesu i Kriste, a pswaliwa hi Xikwembu Nkulukumba. Ni lweyo ni lweyo arandraka Tatana arandra ni lava vapswaliwiki ha Yene.

Va-le-Filipiya 2:11

akuva a tindrimi hinkwatu titahlaya leswaku: Yesu Kriste i Hosi, akutwaliseni ka Xikwembu Nkulukumba Tatana!

Yohana 4:42

Vahangaku ku wansati: Ahahapfumeli hinkonta ya ritu draku; hikusa na hine himuyingeli ha sweru, kutani haswitiva leswaku lweyi kunene i Muhuluxi wa misava.

Lk 2:4

Hikola ka leswo Yosefa asuka tikweni dra le Galileya, amutini wa le Nazarete, aya Betlehema tikweni dra Yudeya, lomu angapswaliwa kone mufumi Davida hikusa Yosefa afa ali wa lixaka dra Davida,

Mt 1:16

lweyi avi tatana wa Yosefa a nuna wa Maria, lweyi avi mamana wa Yesu, lweyi atxhuliwaka Kriste.

I Kor 15:47

A mhunu wa kusungula, avumbiwiki kusukela amisaveni, i wa misava, a mhunu wa vubiri i wa tilo.

Mintiro Ya Vapostola 10:36

Hi yone mhaka leyi ayirumeliki vana va Israyele, loko avativisa a Ivangeli ya kurula ha Yesu Kriste; lweyi anga Hosi ya hinkwavu.

Yohana 20:31

Kambe a timhaka leti titraliwi akuva n'wipfumela leswaku Yesu i Kriste, N'wana wa Xikwembu Nkulukumba, ni leswaku hi kupfumela, n'wiva ni vutomi avitweni drakwe.

I Yhn 4:14

Hine hiswivonile kutani hinyika vumboni bya leswaku Tatana arumi N'wana wakwe akuva Muhuluxi wa misava.

Yohana 1:45

Filipi akuma nakulobye Nataniyele, aku ku yene: Lweyi Moxe atraliki timhaka takwe Nawini, ni vaprofeta himukumile: Hi Yesu wa Nazarete, n'wana Yosefa.

Mintiro Ya Vapostola 17:3

Avatlhamuxela ni kuvapfuletela leswaku Kriste afa swifaneli kuva afa ava apfuka kufeni; hi Yesu Kriste lweyi nin'witivisaka Yene.

Mintiro Ya Vapostola 5:31

Kambe yelweyo, Xikwembu Nkulukumba amutlakuxelile axineneni xakwe, ava Hosi ni Muhuluxi, atanyika Israyele akuva andruluka ava adrivaleliwa swidoho swake.

Yohana 6:69

Kutani hine hini kupfumela ni kuswitiva leswaku hi wene Muhlawuleki wa Xikwembu Nkulukumba.

Yohana 1:41

Yene arangi akuma Simoni makwavu, kutani aku ku yene: Hikumi Mesiya (hileswaku Kriste, Mutotiwa, loko kutlhamuxeliwa).

Mt 16:20

Kutani alaya a vadondrisiwa akuva vangabyeli mhunu leswaku yene i Kriste.

Va-le-Kolosa 2:6

Xileswo swanga heswi n'wiyamukeliki Hosi Yesu Kriste, hi ndlela yoleyo n'wifanele kuhanya n'witlhangana na yene,

Va-le-Filipiya 3:8

Mfuri, nihlaya hinkwaswu leswaku i swakuka ndlela, hinkonta ya vutivi lebyi byitlakukiki ngopfu bya Hosi yanga, Kriste Yesu, hikola kwake nilahlekeliwi hi hinkwaswu, niva ni swifananisa ni swanga xambya, akuva nitakota kukuma Kriste,

Yohana 11:27

Aku ku yene: Im'na Hosi. Napfumela leswaku hi wene Mesiya, N'wana wa Xikwembu Nkulukumba, lweyi afaka afanela kuta amisaveni.

Yohana 7:41

Van'wana vaku: Lweyi, akuva yene Kriste. Kambe van'wana vaku: Xana Kriste angahuma Galileya xana?

Lk 2:26

Mfuri afa ativisiwi leswaku angaka angafi na angasanganavona Kriste lweyi atakarumiwa hi Hosi.

Lk 1:69

Ahitumbuluxeliki a ntamu wa kuhuluxa, andlwini ya Davida nandra wakwe.

Yohana 4:25

A wansati aku ku yene: Naswitiva leswaku, Mesiya, lweyi ahlayiwaka Kriste, awata; a siku atakata, atahitivisa hinkwaswu.

Mintiro Ya Vapostola 13:23

Alixakeni dra lweyo, swanga hi xidumbiso, Xikwembu Nkulukumba abuyiseli Israyele a Muhuluxi, anga Yesu.