Lk 19:38 - Testamente Ledrimpswha ni Mapsalma

³⁸ Vaku: Akukhensiwe Mufumi, lweyi ataka hi vito dra Hosi! A kurula akuve Tilweni, ni kutwala ahenhlahenhla!

Lk 19:38 Referans Kwoze

Lk 13:35

Lavisani a yindlu yenu yitasala vuswayone. Kambe nan'wibyela nili, n'wingahandrivoni, kukota kutlhasa siku ledri n'witakaku: Akutovokisiwe lweyi ataka hi vito dra Hosi.

Mt 21:9

Ku switrhungu: lava afaka vafamba mahlweni ni lava afaka vamulandra, afa vabandlukana vaku: Hozana, N'wana Davida! Akukhensiwe lweyi ataka hi vito dra HOSI! Hozana a henhla-henhla Matilweni.

I Ptr 1:12

Ku vone kupfuleteliwile leswaku afa vangatitireli, kambe afa vatirela n'wine ku mintxhumu leyi swoswi mitivisiwiki ku n'wine hi lava van'wirereliki a Ivangeli hi ntamu wa Moya wa Kuxwenga, lowu wurumeliwiki hi le Tilweni, a mintxhumu leyi nambi tintrumi tidjulisisaka kun'witiva.

I Tmt 1:17

Ke, ku Hosi ya minkama hinkwayu, Xikwembu Nkulukumba lweyi wa mun'we, lweyi ahanyaka hi la kungaheliki; lweyi angavonekiki; akuve ni xihluwa ni kutwala hi minkama ni minkama. Amen.

Ef 1:12

Hikuva hitava lidrumu dra kuphatima kwake, hine lava hilaviselaka ku Kriste.

Mt 25:34

A HOSI yitabyela lava vanga xineneni xa yone: Tanani n'wine n'wikhensiwaka hi Tatana wanga; danani pfindla dra vuhosi lebyi n'wingabekiseliwa byone a misava mingasina tumbuluka.

Ef 1:6

Hakuva kudrumisiwa kuphatima ka timpswalu leti ahinyikiki tone, hi mahala ku Murandriwa wakwe.

Rm 5:1

Leswi hihlayiwiki valulami hi kupfumela, ahiveneni ni kurula ku Xikwembu Nkulukumba ha Hosi yeru Yesu Kriste.

Va-le-Kolosa 1:20

na kone ha Yene ayentxi akurula hi ngati ya xihambano xakwe, hinkonta yake atitlhanganisela mintxhumu hinkwayu, leyi minga lana misaveni ni le tilweni.

Ef 3:21

Ku Yene adrive lidrumo a Kerekeni ni le ku Kriste Yesu, hi minkama ni minkama. Amen.

Ef 3:10

Kambe swoswi nambi mintamu ni minfumu ya le tilweni n'wifanekela kutiva, hi tlhelo dra Kereke a kuyanama ka vutivi bya Xikwembu Nkulukumba.

Mt 2:2

tivutisa tiku: Yikwini a HOSI ya va-Yuda leyi yahakakupswaliwa? Hikusa hivoni a nyeleti ya yone a Vuxeni, kutani hiteli kutatayigandrela.

Mt 25:40

Kambe a HOSI yitavayangula yiku ku vone: Nihlayelamfuri nili ku n'wine: Loko n'wiswiyentxi ku mun'we amakari ka vamakweru lava vatrongo, lava, n'wiswiyentxi ku mine.