Lk 18:43 - Testamente Ledrimpswha ni Mapsalma

⁴³ Kutani, hi nomu-lo atlhela avona; ahanga mulandra, atwalisa Xikwembu Nkulukumba. Loko vaswivonile, a vatiko hinkwavu vatwalisa Xikwembu Nkulukumba.

Lk 18:43 Referans Kwoze

Gl 1:24

Kutani afa vadrumisa Xikwembu Nkulukumba hinkonta yanga.

Mintiro Ya Vapostola 26:18

akuva uyapfula mahlu yavu, vatasuka amunyameni vata alivaningweni, vatasuka antan'wini wa Sathana, vata ku Xikwembu Nkulukumba. Kolahu, ntrhaku ka kuvani kupfumela ku mine, vatayamukela a kudrivaleliwa ka swidoho swavu, ni kuda pfindla kun'we ni lava vaxwengisiwiki hi kupfumela ku mine.

Mintiro Ya Vapostola 11:18

Vone kambe, loko vayingeli timhaka leto, vahangarula, vadrumisa Xikwembu Nkulukumba, vaku: Kasi, Xikwembu Nkulukumba anyiki na vone va-Matiko akuva vandruluka vakuma vutomi!

Mintiro Ya Vapostola 4:21

Kolahu a vafumi vatlhela vavatratriya, vavantrhunxa. Avakumanga laha vangavabaka ha kone, hikusa hinkwavu afa vadrumisa Xikwembu Nkulukumba hi leswi swihumeleliki.

Lk 13:17

Atiki Yesu ahlaya leswo, vava ni tingana avalala vakwe hinkwavu. Kambe a xitrhungu hinkwaxu xitrhava hi hinkwaswu leswi swakuxonga leswi swiyentxiwiki ha Yesu.

Lk 5:26

Hinkwavu vahlamala ngopfu vatwalisa Xikwembu Nkulukumba, vatala hi kutxhava, vaku: Namunhla hivoni mahlolana!

Lk 4:39

Yesu akaramiki kusuhi na yene, akhwavela kuhisa ka miri, kutani kahanga mutrika. Hi nomu-lo apfuka, asungula kuvatirela.

Mt 21:14

A vakufa-mahlu ni vakukhuta vatrhindrekela ku Yene a Tempeleni, avahanyisa.

Mt 11:5

Lava vakufa-mahlu vavona, a swilema swafamba, a va nhlokonho vabasisiwa, a vakufa-tindleve vayingela, a vafi vapfuxiwa, a swisiwana switivisiwa a Ivangeli.

Mt 9:8

Loko a switrhungu swivoni leswo, swiveni kutxhava, kutani switwalisa Xikwembu Nkulukumba, lweyi anyikiki ntamu wolowo ku vhanu.

I Ptr 2:9

Kambe n'wine lixaka dra kuhlawuliwa, vuprista bya vuhosi, tiko drakuhlawuleka, xitrhungu xilumbaka ntsena Xikwembu Nkulukumba, akuva n'witivisa a vunene bya lweyi an'wivitaniki amunyameni, an'witisa alivaningweni drakwe dra kuhlamalisa;

Lk 19:37

Loko ahatrhindrekela akufulameleni ka Nhava ya Minhlwari, a xitrhungu hinkwaxu xa vadondrisiwa xisungula kutrhava, xitlangela Xikwembu Nkulukumba hi ritu ledri dritlakukiki hinkonta ya mintamu hinkwayu le vanga mivona.

Lk 9:43

Kutani hinkwavu vahlamala hi vukulu bya ntamu wa Xikwembu Nkulukumba. Vaku na vahahlamala hinkwavu hi hinkwaswu leswi Yesu afaka aswitira, aku ku vadondrisiwa vakwe: