Lk 18:37 - Testamente Ledrimpswha ni Mapsalma

³⁷ Vamubyela leswaku i Yesu wa le Nazarete akhalutaka.

Lk 18:37 Referans Kwoze

Mt 2:23

Loko atlhasile, ayitrhama amutini lowu valiki i Nazarete. Leswi swihumeleli akuva kuhetiseka leswi swingahlayiwa hi vaprofeta vangaku: Yesu atatxhuliwa mu-Nazarete.

II Kor 6:2

Hikusa Yene ali: Nikuyingelile, hi nkama lowu afaka unidjula, kutani ni kupfunile, hi siku dra huluxu. Hikusa swoswi hi wo nkama lowu wa hombe, ni siku dra huluku.

Mintiro Ya Vapostola 4:10

switivani, n'wine ni tiko hinkwadru dra Israyele, leswaku ahanyisiwi hi vito dra Yesu Kriste, wa Nazarete, lweyi n'wine n'wingamuvamba; kambe Xikwembu Nkulukumba amupfuxiki amakari ka vafi. Ha yene a mhunu lweyi ayimiki mahlweni kwenu i ntomi.

Mintiro Ya Vapostola 2:22

Petrosi aya mahlweni aku: Vavanuna va Israyele yingisetani a maritu lawa: Yesu wa Nazarete, wanuna lweyi angakombisiwa hi Xikwembu Nkulukumba ku n'wine, hi mintiro ya ntamu, ni mahlolana ni swikombiso, leswi Xikwembu Nkulukumba aswiyentxiki ha Yene amakari kwenu, swanga hi leswi n'wiswitivaka na n'wine;

Yohana 19:19

Pilato afa atrali ni papela, adrinameka henhla ka xihambanu. Leswi afaka switraliwile hi leswi: YESU WA NAZARETE HOSI YA VA-YUDA.

Yohana 1:45

Filipi akuma nakulobye Nataniyele, aku ku yene: Lweyi Moxe atraliki timhaka takwe Nawini, ni vaprofeta himukumile: Hi Yesu wa Nazarete, n'wana Yosefa.

Lk 2:51

Yesu kolahu atlheli navu aya Nazarete, ahamba avayingiseta. A mamana wakwe afa abekisa a timhaka leto ambilwini yake.

Lk 18:36

Ayingela xitrhungu lexi xikhalutaka, avutisa leswaku, i mpswini leswo.

Lk 18:38

Yene, abandlukana aku: Yesu, N'wana Davida, niyentxele vurombe!