Lk 18:19 - Testamente Ledrimpswha ni Mapsalma

¹⁹ Yesu aku ku yene: Xana unihlayela yini lweyi munene? Akuna lweyi munene loko angali Xikwembu Nkulukumba ntsena.

Lk 18:19 Referans Kwoze

Yakobe 1:17

Akuhanana hinkwaku loko ka hombe ni nyiko hinkwayu leyi ya kuhetiseka, swipfa henhla-henhla, swipfa ku Tatana, nhlovo ya livaningo hinkwadru. Ku yene akuna kundruluka nambi ntrhuti ni wun'we wa kundruluka.

Va-Heberu 7:26

Hikusa afa hifanekeliwa hi muprista lwenkulu lweyi waku tanu, wa kuxwenga, lweyi angeke na nandru, ni xambya, lweyi a travukaniki ni vadohi, lweyi angatlakuxiwa henhla ka matilo.

I Tmt 3:16

Kunene a xihundla xa vukhongoti i xikulu: Lweyi akombisiwiki anyameni, ayentxiwi mululami hi Moya avoniwi hi tintrumi, ahuweleliwi amakari ka matiko (ka va-Matiko), awundliwi lomu misaveni, ayamukeliwi akuphatimeni.

Lk 11:13

Nambi n'wine n'wingalava vamfani n'wiswikotaka a kuhanana a vanenu leswi swinene, angopfu Tatana lweyi wa le Tilweni atanyika a Moya wakuxwenga ku lava vakombelaka ku yene!

Lk 1:35

Kambe a ntrumi yimuyangula yiku: A Moya wa Kuxwenga wutaxikela ahenhla kwaku, ni ntamu wa Lweyi wa le henhla-henhla wutakufukumeta swanga hi tlavi. Hileswo-ke lweyi atakapswaliwa i wa kuxwenga, atatxhuliwa N'wana wa Xikwembu Nkulukumba.

Lk 18:18

Mun'we wa ndruna avutisi Yesu aku: Mudondrisi lweyi munene, xana nitayentxa yini akuva nida pfindla dra vutomi lebyi byingahelikiki?

Lk 18:20

Wamitiva a milawu leyi miliki: Ungayentxi vumbuye, ungadlayi, ungayivi, ungahumexi vumboni bya kuhemba, txhava tatana waku ni mamana waku.