Lk 17:2 - Testamente Ledrimpswha ni Mapsalma

² Afa swingava swinene ku yene loko vamutrimbelela ribye dra kusila anhan'wini, ava atxukumetiwa likhulwini, kunge kukhunguvanyisa mun'we ku lavatrongo lava.

Lk 17:2 Referans Kwoze

Marka 9:42

Yesu aku: Lweyi atakayisa kudoheni mun'we wa lava vatrongo lava vapfumelaka ku mine, swingava swahombe ku yene loko atrimbeleliwa ribye dra kusila anhan'wini, atxukumetiwa likhulwini.

Mt 18:14

Switanu ni le ku Tatana wenu lweyi wa le Matilweni angarandri leswaku ni mun'we wa lava vatrongo alahleka.

Mt 18:10

Tivonelani! N'wingadreli ni mun'we ku vatrongwana lava. Hikusa nan'wibyela leswaku a tintrumi tavu a Matilweni, minkama hinkwayu tilavisa liso dra Tatana wanga, lweyi anga Matilweni. [

I Kor 9:22

Ku lava va gome, nitiyentxi wa gome, akuva nikuma lava va gome; nitiyentxi hinkwaswu ku hinkwavu, akuva hi tindlela hinkwatu, nikota a kuhuluxa van'we.

Mt 26:24

A N'wana wa Mhunu awafamba swanga hi leswi kutraliwiki ha yene; kambe yowee lweyi a mhunu lweyi a N'wana wa Mhunu awongiwaka hi yene! Afa swi swahombe ku mhunu lweyo, loko afa angabelekiwanga.

I Kor 9:15

Kambe mine anisamanga nitipfuna hi mintxhumu leyo, na kone leswi aniswitralelanga leswaku swiva xitanu ku mine; hikuva ku mine swayampswa a kufa, kutlula akuva a mhunu anisusela a kutitwalisa kwanga loku.

Yohana 21:15

Kuti loko vafihlulile, Yesu aku ku Simoni Petrosi: Simoni, n'wana Yohana, xana wanirandra kutlula lava xana? Aku ku yene: Kunene Hosi! Waswitiva leswaku nakurandra, Yesu aku ku yene: Byisa swihambana swanga.

Mt 17:27

Kambe, akuva hingavakhunguvanyisi, yana alwandle uyatxukumetela a ndrovo, utaphasa nhlampfi leyi yitakaranga kuhuma; loko utava upfuli nomu wa yone, utakuma kone statera; xiteke, uvanyika, uhumexela mine na wene.