Lk 16:22 - Testamente Ledrimpswha ni Mapsalma

²² Lweyi wa xisiwana afa, ayisiwa hi swirun'wa axifuveni xa Abrahamu. Naye mufuyi afa, alahliwa.

Lk 16:22 Referans Kwoze

I Ptr 2:24

hi Yene abyatrhiki a swidoho sweru amirini yake amhandreni ya xihambano, akuva hine, na hifeli swidoho, hihanyela a vululami; hi Yene mfuri hi swilondra swake n'wine n'widahiwiki.

Mpfuletelo 14:13

Kutani ni yingela ritu dripfa tilweni na driku: Trala leswi: Kukateke vafi lava kusukela swoswi vafelaka Hosini! Ahina, kuhlaya Moya, akuva vata wisa mintirweni ya yavu, hikuva mintiro yavu mitavalandra.

Yakobe 1:11

Loko adambu drihuma, kuta mumu, wu womisa byanyi, kutani a swiluva swa byone swibuna ni kuxonga kamavonekela ya swone ka nyamalala; hiswoswo ni lweyi wa vupfundri, atabuna mabindrwini yake.

Yohana 13:23

Mun'wana wa vadondrisiwa vakwe, lweyi Yesu afaka amurandra, afa atrhami hi tlhelo dra Yesu, dra xinene;

Marka 8:36

Hikusa switamupfuna yini a mhunu, nambi afuya a misava hinkwayu, hi vugamu atilahla?

Va-Heberu 1:14

Kasi ahi mimoya leyi mitiraka, mirumiwiki kutirela lava vafanekelaka kuda pfindla draku huluka xana?

Mt 24:31

Ataruma a tintrumi takwe hi mpfumawulu wa mhalamhala, akuva swihlengeleta vahlawuliwa vakwe vapfa ku mune wa matlhelo ya misava, kusukela ku tlhelo drin'we kuyatlhasa ku tlhelo drin'wana dra tilo.

Mt 18:10

Tivonelani! N'wingadreli ni mun'we ku vatrongwana lava. Hikusa nan'wibyela leswaku a tintrumi tavu a Matilweni, minkama hinkwayu tilavisa liso dra Tatana wanga, lweyi anga Matilweni. [

Va-Heberu 2:14

Hi leswi-ke, a vana vaniyavelo drin'we dra ngati ni nyama, e kuyavelisiwa xiswoswo na Yene, akuva hi kufa kwake atahelisa lweyi afaka ani ntamu wa kufa, anga yene Diyavulosi.

Yohana 21:20

Petrosi kambe andruluka, kutani avona mudondrisiwa lweyi afaka arandriwa hi Yesu na ali kari avalandra. Hi lweyi afaka atiseketeli axifuveni xa Yesu, loko vali xilalelweni, lweyi angaku: Hosi, hi mani lweyi akuwongaka?

Lk 12:20

Kambe Xikwembu Nkulukumba amubyela aku: We singe, hi vusiku byolebyi kutavitaniwa hika draku. Leswi uswihlengeletiki, xana switava swa mani?

Mt 8:11

Nan'wibyela leswaku: Vanyingi vatapfa a Vuxeni ni le Vupeladambu, vatatatrhamisa vada kun'we na Abrahamu, na Yisaki na Yakobe a Mfun'wini wa Matilo;

Lk 16:21

Afa anavela kuxura hi vuntlhantlha lebyi afaka byiwa tafuleni dra mufuyi, nato timbyana afa tita, titatamunampswela swilondra.

Yohana 1:18

Akuna mhunu lweyi asamaka avona Xikwembu Nkulukumba ni kun'we. A N'wana lweyi anga mun'we, lweyi anga xifuveni xa Tatana, hi yene lweyi ahitlhamuxeliki leswi Tatana angaxiswone.