Lk 15:22 - Testamente Ledrimpswha ni Mapsalma

²² Kambe a tatana wakwe aku ku malandra yake: Hangwesani n'wibuyisa a xiyambalu lexi xa kuxonga ngopfu, n'wiva n'wimuyambexa. Behelani xitlan'wana litihweni drakwe, ni swifambu aminkondrweni.

Lk 15:22 Referans Kwoze

Mpfuletelo 6:11

Kutani vanyikiwa, mun'wana-ni-mun'wana a xiyambalu xa ntlhohe, vava vabyeliwa leswaku vawisa hi nkamanyana wutrongo, kukondra kutlhanganisiwa a nhlayo ya malandra-kulobye ni vamakwavu lava na vone afaka vatadlayiwa swanga ha vone.

Mpfuletelo 19:8

Ahananiwa kuyambala swiyambalu swa line dra kuxonga, dra kubasa ni kuphatima. Hikusa a line dra kuxonga drikombisa a mintiro ya kululama ya tinsasi.

Mpfuletelo 7:9

Ntrhaku ka leswo, nivoni ntalu wukulu wa vhanu, lowu afaka kungali na lweyi angakotaka kuhlaya a ntrengo wa wone, vapfaka hi le ku matiko hinkwawu, tinxaka ni tindrimi hinkwatu. Vayimi mahlweni ka xitrhamu-xa-vufumi ni le mahlweni ka Hambana, na vayambali swiyambalu swa ntlhohe, na vani minkindru amavokweni yavu,

Rm 8:15

Hikusa an'wiyamukelanga Moya wa vukarawa, akuva n'wihanya na n'witxhava, kambe n'wiyamukeli a Moya wakuhlayiwa leswaku n'wi vana, lowu ha wone hi bandlukanaka: Abba, swidjulaka kuhlaya leswaku Tatana.

Mpfuletelo 2:17

Lweyi angani tindleve ayingiseti leswi Moya wuswibyelaka a makereke: A muhluli nitamunyika manna lawa mafihliwiki, na kone nitamunyika ni xiribyana xa ntlhohe, mfuri ku xiribyana lexo kutraliwi a vito drimpswha, ledri dringativiwiki ha mhunu, kambe ntsena lweyi adriyamukelaka.

Gl 3:27

Hikolahu n'wine hinkwenu n'wibabatisiwiki ku Kriste, n'wiyambexiwi Kriste.

Rm 13:14

Kambe yambalani Hosi Yesu Kriste, n'winga kokeliweni a nyameni akuva n'wita yentxa a kunavela ka yone.

Mpfuletelo 3:18

nakulaya leswaku utixavela ku mine a gole dra lisima ngopfu, akuva utava xipfundri, utavani swiyambalu swa ntlhohe akuva utiyambexa, tingativoneka a tingana ta vusweti byaku, ni muri wa kutota mahlu yaku, akuva utavona.

Ef 6:15

Na n'wiyambali swifambu minkondrweni yenu, ni kutilulamisa kutivisa Ivangeli ya kurula.

Rm 3:22

Kululama ka Xikwembu Nkulukumba hikola ka kupfumela Yesu Kriste, ka kuhinkwavu (henhleni ka hinkwavu) ku hinkwavu lava vapfumelaka, hikusa akuna ku hambana.

Lk 15:21

Kambe a n'wana aku: Tatana, nidoheli Xikwembu Nkulukumba ni le mahlweni kwaku. Anahafaneli akuva nihlayiwa n'wanaku.

Lk 15:23

N'wibuyisa ni role ledri dra kunona, n'witlhava hida hitrhava,