Lk 13:24 - Testamente Ledrimpswha ni Mapsalma

²⁴ Khinyelani kunhingena hi nyangwa leyi ya kukhuma hikusa nan'wibyela, lava vanyingi vatadjula kunhingena kambe vatahluleka.

Lk 13:24 Referans Kwoze

II Ptr 1:10

Hileswo-ke, vamakweru, hundrisani a kukhinyela ngopfu, kutiyisa vitaniwo ni hlawuliwo drenu; hikusa loko n'wiyentxisa xileswo, n'wingati khunguvanyeka ni kan'we.

Va-Heberu 4:11

Ahikhinyeleni-ke, akunhingeneni ni kuwiseni koloko, leswaku kungavina mun'we lweyi atakawa, hi kulandra ndlela yakuka kuyingiseta.

Lk 21:36

Hitekani hi minkama hinkwayu, n'wikombela ku Xikwembu Nkulukumba, akuva n'wikuma ntamu wakuphondla ku hinkwaswu leswi switakayentxeka, n'witakota kuyima amahlweni ka N'wana wa Mhunu.

Yohana 6:27

N'wingatireleni swakuda leswi swibolaka, kambe tirelani swakuda leswi swingabolikiki, swinga leswi swinyikaka vutomi lebyi byingahelikiki. Leswi i swakuda leswi N'wana wa mhunu atakan'winyika swone, hikusa hi yene lweyi Xikwembu Nkulukumba Tatana amufungiki.

Rm 10:3

Hikusa leswi vakohliki hi vululami bya Xikwembu Nkulukumba, vadjulisisa kubekisa vululami byavu, a vatinyiketanga kululameni ka Xikwembu Nkulukumba.

Va-le-Kolosa 1:29

hikolahu ka leswo ni tiraka, na nilwa hikola ka ntamu wakwe wutiraka ku mine.

Yohana 7:34

Hi nkama lowo, n'wine n'witanidjula kambe n'wingaka n'winganikumi, hikusa an'wina kuya lomu niyaka kone.

Yohana 8:21

Yesu ayengeta aku ku vone: Nafamba, kutani n'wita nidjula, kambe n'witafela akudoheni kwenu. Laha niyaka kone, n'wingaka n'wingayi.

Mt 11:12

Kambe kusukela amasikwini ya Yohana Mubabatisi kutlhasa swoswi, a Mfumu wa Matilo wukumiwa hiwuphangi, vawuwutla hi ntamu.

Yohana 13:33

Vana vanga, nahali na n'wine nkamanyana; n'witanidjula, kambe swanga hi leswi nibyeliki va-Yuda, na n'wine nan'wibyela: Laha ndriyaka kone n'wine an'wina kuswikota kuya.

Lk 13:23

A mun'we mhunu aku ku yene: Hosi, xana lava vahulukaka i vakuhlawa xana? Kambe Yesu aku ku yene:

Yohana 5:4

Hikusa, hi minkama min'wana, yin'we ntrumi afa yixikela vuhlambyini yitatapfindluxa mati; kutani lweyi arangaka anhingena loko a mati mahakupfindluxiwa, afa ahanyisiwa, nambi ani mavabyi ya tinxaka-xaka.]