Lk 11:9 - Testamente Ledrimpswha ni Mapsalma

⁹ Hikola ka leswo nili ku n'wine, kombelani n'witanyikiwa hi Xikwembu Nkulukumba, djulani n'witaswikuma, gongondrani n'witapfuleliwa.

Lk 11:9 Referans Kwoze

Marka 11:24

Hileswo-ke, nan'wibyela nili: Hinkwaswu leswi n'wiswikombelaka hi kukhongota, pfumelani leswaku n'winyikiwile.

Mt 21:22

Ke, hinkwaswu leswi n'witakaswikombela hi kukhongota na n'wikholwa, n'witaswiyamukela.

Yohana 15:16

Ahi n'wine n'winihlawuliki; kambe hi mine nin'wihlawuliki, nin'wibekiki akuva n'wiya n'wibeka mihandru, ni mihandru yenu miva leyi mitrhamiki; akuva nambi n'wikombela yini na yini ku Tatana hi vito dranga, atan'winyika.

Yohana 15:7

Loko n'witrhama ku mine, ni maritu yanga matrhama ku n'wine, kombelani hinkwaswu leswi n'wiswirandraka, n'witanyikiwa.

Yohana 14:13

Kutani nambi n'wingakombela yini na yini hi vito dranga, nitaswiyentxa, akuva Tatana atwalisiwa ku N'wana.

I Yhn 3:22

kutani lexo ni lexi hi xikombelaka, hita xiyamukela ku Yene, hikusa hi bekisi swileleto swake na mfuri hi yentxi leswi switrhavisaka amahlweni kwake.

Yakobe 1:5

Kambe loko wa kukari angenavutlhari bya kudringana a akombele ku Xikwembu Nkulukumba lweyi hananaka hinkwavu mahala na angasoli, kutani atan'winyika.

Va-Heberu 11:6

Kambe a handle ka kupfumela, a swikoteki kutrhavisa Xikwembu Nkulukumba, hikusa swifanekela lweyi a trhindrekelaka ku Xikwembu Nkulukumba akholwa leswaku a kone, hi Yene ahakelaka lava vamudjulaka.

Yakobe 5:15

Kutani axikhongoto xa kupfumela xita huluxa mbabyi, Hosi yita muwololoxa; nambi ayentxi xidoho, yita mudrivalela.

Va-Heberu 4:16

Ahitrhindrekeleni-ke, hi kudumba hinkwaku axiluvelweni xa timpswalu, akuva hiyamukela lirere ni timpswalu ni kukuma kupfuniwa ankameni lowu fanekelaka.

Yohana 4:10

Yesu amuyangula aku: Loko afa utivi nyiko ya Xikwembu Nkulukumba ni leswaku i mani lweyi aliki nihanani ninwa, ana wene ukombeli ku yene, kutani yene afa atakunyika mati lawa mahanyaka

Mt 6:29

Kambe nan'wibyela leswaku nambi mufumi Salomoni, ni kutwala kwake hinkwaku, angayambalanga swanga ha drin'we dra wone.

II Kor 6:2

Hikusa Yene ali: Nikuyingelile, hi nkama lowu afaka unidjula, kutani ni kupfunile, hi siku dra huluxu. Hikusa swoswi hi wo nkama lowu wa hombe, ni siku dra huluku.

Marka 13:37

Kambe leswi nin'wibyelaka swone, nibyela hinkwavu nili: Hitekani swinene!

Rm 2:7

a vutomi lebyi byingahelikiki ku lava vayentxaka hi kutiyisela a mintiro leminene na vadjula lidrumo ni kutwala ni kuka kungaboliwi.

Mt 21:31

Hi wini ku lava vabiri ayentxiki a kurandra ka tatana wakwe? Vamuyangula vaku: Hi lweyi wa kusungula. Kutani Yesu aku ku vone: Hikusa nihlayelamfuri nili ku n'wine: A vahlengisi ni vavasati va vumbuye vatan'wirangela kunhingena a Mfun'wini wa Xikwembu Nkulukumba.

Mpfuletelo 2:24

Kambe swoswi nili ku n'wine, ni ku van'wana a Tiyatira, hinkwavu lava vangaliki ni dondro leyo, lava vangativiki a mintxhumu ya vuyentelelo ya Sathana, kufana ni leswi valiki: Anin'wirwexi ntrhwalu wumbeni,

Lk 11:10

Hikusa lweyo ni lweyo lweyi akombelaka awanyikiwa; lweyi adjulaka awaswikuma; ni lweyi agongondraka atapfuleliwa.