Lk 11:49 - Testamente Ledrimpswha ni Mapsalma

⁴⁹ Hilaha-ke na byo vutivi bya Xikwembu Nkulukumba byihlayiki byiku: Nitavarumela vaprofeta ni vapostola, a van'we vata vadlaya, vataxanisa van'wana;

Lk 11:49 Referans Kwoze

I Kor 1:30

Kambe n'wine n'wi vakwe, hi le ku Yesu Kriste, lweyi ku hine andrulukiki vutlhari, ni vululami, ni kuxwenga, ni vutiruli hi kurandra ka Xikwembu Nkulukumba,

Va-le-Kolosa 2:3

Ku yene kufihliwi tinhlengwe hinkwatu ta vutlhari ni ta kuyingelisisa.

Ef 4:11

Hi yene mfuri anga nyika van'we kuva vapostola, ni van'wana kuva vaprofeta, van'wana kuva vavhangeli, ni van'wana kuva vabyisi ni vadondrisi;

I Kor 1:24

Kambe ku lava vavitaniwiki, va-Yuda kumbe va-Girika, Kriste i ntamu wa Xikwembu Nkulukumba ni vutlhari bya Xikwembu Nkulukumba.

Mintiro Ya Vapostola 22:20

Ni loko kuhalatiwa a ngati ya Stefano, a mboni yaku, na mine afa nili kone, niswipfumela; mfuri ni bekisi swiyambalu swa lava afaka vamudlaya.

Mintiro Ya Vapostola 8:3

Kambe Saulo afa ahlasela Kereke, hi kunhingena ndlwini yin'wana ni yin'wana, aya kokovisa vavanuna ni vavasati, ava nyiketa ku bohiweni.

Mintiro Ya Vapostola 7:57

Kambe vone, vabandlukana hi ritu ledri drikulu, vatisiva tindleve, vatitxukumetela hinkwavu a henhla kwake.

Mintiro Ya Vapostola 1:8

Ke, n'witanyikiwa ntamu loko a Moya wa Kuxwenga wutava wuxikeli ku n'wine, kutani n'witava timboni tanga la Yerusalema, ni le tikweni hinkwadru dra Yudeya, ni le Samariya, ni kuyatlhasa avugan'wini bya misava.

Yohana 16:2

Vatan'wihlongola amasinagogeni; na swone a nkama wata lowu mun'wana-ni-mun'wana lweyi atakan'widlaya atakapimisa leswaku atirela Xikwembu Nkulukumba.

Lk 24:47

kutadondrisiwa matiko hinkwawu hi vito drakwe akundruluka, ni kudrivaleliwa ka swihono, akusungula hi Yerusalema.

Mt 22:6

van'wana vakhoma a malandra vamaxanisa, vamadlaya.

Lk 11:48

Hileswo-ke n'witimboni ta leswaku n'wapfumela mintiro ya vatatana venu, hikusa vone vavadlayile, n'wine n'wiyaka maxira.

Mintiro Ya Vapostola 11:27

Amasikwini lawo, van'we vaprofeta vasuka Yerusalema vafulamela Antiyokiya,

Mpfuletelo 16:6

hikusa vahalati ngati ya valulami ni ya vaprofeta, na wene uvanyiki kunwa ngati, hi leswi swivalulameliki.

Mpfuletelo 18:20

Nyoxani, n'wine matilo, na n'wine tinsasi vapostolo ni vaprofeta, hikusa Xikwembu Nkulukumba a wu yavanyiseli tremo drenu.