Lk 11:13 - Testamente Ledrimpswha ni Mapsalma

¹³ Nambi n'wine n'wingalava vamfani n'wiswikotaka a kuhanana a vanenu leswi swinene, angopfu Tatana lweyi wa le Tilweni atanyika a Moya wakuxwenga ku lava vakombelaka ku yene!

Lk 11:13 Referans Kwoze

Mt 7:11

Nambi n'wine n'winga vamfani n'witivaka a kunyika mintxhumu leminene ku vanenu, ngopfu Tatana wenu, lweyi anga Matilweni, atanyika leswi swinene ku lava vamukombelaka!

Yohana 4:10

Yesu amuyangula aku: Loko afa utivi nyiko ya Xikwembu Nkulukumba ni leswaku i mani lweyi aliki nihanani ninwa, ana wene ukombeli ku yene, kutani yene afa atakunyika mati lawa mahanyaka

Rm 8:32

Yene lweyi angatretrelelangakiki a N'wana wakwe, kambe ahinyiketi yene hinkweru, xana angaka angahihanani hinkwaswu kun'we ni N'wana wakwe?

Mintiro Ya Vapostola 2:38

Petrosi avayangula aku: Ndrulukani, mun'wana-ni-mun'wana ababatisiwa avitweni dra Yesu Kriste, akuva n'witadrivaleliwa a swidoho swenu, kutani n'witayamukela nyiko ya Moya wa Kuxwenga.

Mt 6:14

Hikusa, loko n'widrivalela vhanu a swidoho swavu, Tatana wenu wa le Tilweni atan'widrivalela na n'wine.

Mt 6:32

Hinkwaswu leswo swidjuliwa hi va-Matiko. Hikusa Tatana wenu wa le Matilweni awaswitiva leswaku n'wipfumala hinkwaswu leswo.

Lk 11:2

Yesu aku ku vone: Loko n'wikhongota, hlayani n'wiku: Tatana a vito draku adrihlawuliwe. Awute a Mfumu waku.

Mt 6:30

Ke loko Xikwembu Nkulukumba ayambexisa xileswi a byanyi bya nhova, lebyi byinga kone namuhla na mundruku byitahisiwa, xana angaka angan'wiyambexi ngopfu n'wine, swipfumelinyana?

Mt 5:45

akuva n'witava vana va Tatana wenu lweyi anga Matilweni, hikusa atlhavisa a dambu drakwe a henhla ka lava vanene ni ku lava vamfani, anisa a mpfula ku lava vanene nambi ku lava vamfani.

Mt 5:16

A kuvaninga kwenu akuvaningisi xiswoswo amahlweni ka vhanu, akuva vatakota kuvona a mintiro yenu leminene, vatatwalisa Tatana wenu lweyi anga Matilweni.

Rm 7:18

Hikusa naswitiva leswaku a vunene abyi trhamanga ku mine, nidjula kuhlaya leswaku antumbulukwini wanga. Nambi nini kunavela ka kuyentxa leswi swinene, aniswikoti leswo.

Rm 5:17

Kutani, loko kuvi hi xidoho xa mun'we, ni leswaku hi xidoho xa mun'we a lifu dri fumile, kambe ngopfu-ngopfu ku lava va yamukelaka a timpswalu hi ntalo ni nyiko leyi ya kululama vatafuma vuton'wini ha mun'we, anga Yesu Kriste.

Tito 3:3

Hikusa na hine a khale afa hili masinge, hili lava va kuka-kuyingiseta, lava valahlekiki, na hitirela a kunavela ka kubiha ni tinxaka-xaka ta leswi switrhavisaka miri, na hihanya hi vubihi ni xikwele, hili vanyenyiwa, na hivavenga.

Lk 11:12

Kumbe loko akombela a tandra, angamunyikaka mubalana xana?

Lk 18:7

Xana Xikwembu Nkulukumba ana angalulamiseli vahlawuliwa vakwe, lava vabandlukanaka ku yene vusiku ni nhlikanhi, na alehisa mbilu ha vone?