Lk 1:6 - Testamente Ledrimpswha ni Mapsalma

⁶ Afa vali valulami hi vubiri byavu amahlweni ka Xikwembu Nkulukumba, vafamba milawini hinkwayu ni le swileletweni hinkwaswu swa Hosi, vangasoliwi ha ntxhumu.

Lk 1:6 Referans Kwoze

Va-le-Filipiya 2:15

Akuva n'wingavina kusoleka, n'wiva lava vabasiki, n'wiva vana va Xikwembu Nkulukumba lava vangeke na nandru amakari ka lixaka ledri dra kusomboloka dra kubiha, ku drone n'wivaningaka swanga hi tinyeleti amisaveni,

Mintiro Ya Vapostola 24:16

Hileswo-ke na mine nikhinyela minkama hinkwayu kuva ni lipfalu ledri dribasiki, amahlweni ka Xikwembu Nkulukumba ni le ku vhanu.

I Tsl 3:13

Yita tiyisa timbilu tenu akuxwengeni ni kukota kutikombisa n'wihetisekile n'wingena nandru mahlweni ka Xikwembu Nkulukumba Tatana weru, akubuyeni ka Hosi yeru Yesu Kriste ni hinkwatu tinsasi.

I Yhn 2:3

Laha hi switivaka ha kone leswaku hamutiva Tatana hi loko hi bekisa swileleto swake.

II Ptr 3:14

Hikola kaleswo varandriwa, leswi n'wahalaviselaka a siku ledro, khinyelani kuyentxa hinkwaswu akuva atan'wikuma hikurula na n'wingenabati mfuri na n'wingenakusoliwa.

I Yhn 3:7

Vana vanga, n'wingatitriki n'wikanganyisiwa hi mhunu! Lweyo ni lweyo ayentxaka kululama a lulamile, swanga ha Yene alulamiki.

I Yhn 2:29

N'waswitiva n'wine leswaku Yene alulamile, ni leswaku lweyo ni lweyo lweyi alulamiki, apswaliwi ha Yene.

Va-le-Kolosa 1:22

Kambe swoswi an'witlhanganisile a mirini wakwe, hinkonta ya kufa kwake, akuva an'wiyisa amahlweni kwake na n'wili lava valulamiki, n'winkhenseka n'wingena nandru.

II Kor 1:12

Hikusa a lidrumo dreru drakuva vumboni bya lipfalu dreru, leswaku hi fambisiwi misaveni, hi vunene ni xihlayelamfuri xa Xikwembu Nkulukumba, akavanga hi vutivi bya vumhunu, kambe a timpswalwini ta Xikwembu Nkulukumba, mfuri ngopfu ku n'wine.

I Kor 11:2

Nan'wikhensa, vamakweru, hikusa n'wanidrimuka ku hinkwaswu, na kone n'wilandra a swileleto hinkwaswu leswi ningan'widondrisa.

Mintiro Ya Vapostola 23:1

Kolahu Pawulosi apondrolela a swiro swa Huvu, aku: Vavanuna, vamakweru! Mine nihanyi hi lipfalu dra kululama hinkwaku amahlweni ka Xikwembu Nkulukumba kutlhasa siku dra namuhla.

Lk 16:15

Yene aku ku vone: N'wine, n'witiyentxa lava valulamiki amahlweni ka vhanu, kambe Xikwembu Nkulukumba ativa timbilu tenu. Hikusa leswi swingani lisima amakari ka vhanu, ku Xikwembu Nkulukumba swibihile.

Lk 1:7

Kambe afa vangena vana hi leswi Elizabeta afaka ali xihiko, mfuri afa vaduhwalile hivubiri byavu.

Lk 2:25

Ankameni lowo afa kuni mhunu a Yerusalema, a vito drakwe ali Simiyoni. A mhunu lweyo afa ali mululami ni mukhongoti, afaka alavisela kumiyetiwa ka Israyele. A Moya wa Kuxwenga afa wu ku yene.

Mintiro Ya Vapostola 2:25

Hikusa Davida ahlayi hitakwe aku: Afa nivona a Hosi yanga nkama hinkwawu amahlweni kwanga; hikuva ale tlhelweni dranga dra xineneni, akuva ningatrekatrekisiwi.

Mintiro Ya Vapostola 8:21

Wene awuna mfanelo ya kuwuyamukela, hikusa amahlweni ka Xikwembu Nkulukumba a mbilu yaku ayilulamanga.

Rm 8:4

Akuva a kululama ka nawu kuhetiseka ku hine hinga fambikiki hi nyama, kambe hi fambaka hi Moya.