I Yhn 5:7 - Testamente Ledrimpswha ni Mapsalma

⁷ Hikusa kuni vararu lava vanyikaka vumboni a Matilweni: Tatana, ni ritu, ni Moya wakuxwenga, kutani lava vararu i mun'we.

I Yhn 5:7 Referans Kwoze

Mt 28:19

Hileswo-ke, fambani n'wiyadondrisa a matiko hinkwawu, n'wivababatisa hi vito dra Tatana ni dra N'wana ni dra Moya wa Kuxwenga,

Mintiro Ya Vapostola 5:32

Hine hi timboni ta hinkwaswu kun'we ni Moya wa Kuxwenga, lowu Xikwembu Nkulukumba awunyikaka ku lava vamuyingisetaka.

Yohana 1:1

Akusunguleni, a Ritu afa drili kone. A Ritu afa drili na Xikwembu Nkulukumba, kutani Ritu afa drili Xikwembu Nkulukumba.

Mintiro Ya Vapostola 2:33

Hileswo-ke atiki awatlakuxiwa axineneni xa Xikwembu Nkulukumba, ayamukeliki ni xidumbiso xa Moya wa Kuxwenga ku Tatana, atxheli ahenhla kweru leswi na n'wine n'wiswivonaka ni kuswiyingela.

I Yhn 5:6

Lweyi hi Yene lweyi atiki hi mati ni ngati, Yesu Kriste, Yene angatanga hi mati ntsena, kambe hi mati ni ngati. Kutani a Moya hi wone wuhi bekelaka vumboni, hikusa a Moya lowo i xihlayelamfuri.

Yohana 8:54

Yesu ayangula, aku: Loko ni titwalisa ha vuswanga akutwala kwanga akupfuni ntxhumu. Lweyi anitwalisaka hi Tatana wanga lweyi n'wiliki: I Xikwembu Nkulukumba weru;

Mt 17:5

Kaku loko Petrosi ahakhanela, a tlavi dra kuphatima drihumelela drivafukumeta, atlavini kutwala ritu, ledri driliki: Lweyi hi N'wananga lweyi a randrekaka, lweyi nitrhavaka ha yene, muyingisetani.

Yohana 10:30

Mine na Tatana hi mun'we.

Yohana 5:26

Swanga hi leswi Tatana, ha vuswake angani vutomi, hi ndlela yoleyo anyiki N'wana kuvani vutomi na yene, ha vuswake.

Mpfuletelo 19:13

Afa ayambali xiyambalu lexi xipetiwiki ngatini; a vito drakwe atxhuliwa: Ritu dra Xikwembu Nkulukumba.

Yohana 12:28

Tatana, twalisa a vito draku! Kutani kutwala ritu, ledri dripfaka Tilweni driku: Nidritwalisile, nitatlhela nidritwalisa.

Yohana 8:18

Hi mine lweyi nitihambelaka vumboni, na yene Tatana, lweyi anirumiki, ahamba vumboni henhla kwanga.

Mt 18:16

Kambe loko angakuyingeli, vitana mun'we kumbe vabiri, akuva a mhaka hinkwayu yitatiyisiwa hi milomu ya timboni tibiri kumbe tiraru.

I Yhn 1:1

Lexi afaka xikone kehe kusunguleni, lexi hixiyingeliki, lexi hixivoniki hi mahlu yeru, lexi hi xihlaleliki, lexi mandla yeru maxikhumbiki, xinga xa ritu dra vutomi.

Yohana 14:17

wunga Moya wa xihlayelamfuri, lowu a misava mihlulekaka kuwuyamukela, hikusa amiwuvoni, amiwutivi; kambe n'wine n'wawutiva, hikuva wutrhama na n'wine, kutani wutava ndreni kwenu.

Yohana 15:26

Kambe loko kutatlhasa Mutxhaveleli, lweyi nitakan'wirumela yene apfa ku Tatana, wunga Moya wa xihlayelamfuri, lowu wuhumaka ku Tatana, hi yene lweyi atakanihambela vumboni.

I Yhn 5:8

Kutani lava vararu vone vabeka vumboni la misaveni: a Moya wakuxwenga, ni mati, ni ngati, kutani leswi swiraru swatwana a mhakeni yin'we.