I Yhn 5:1 - Testamente Ledrimpswha ni Mapsalma

¹ Lweyo ni lweyo apfumelaka leswaku Yesu i Kriste, a pswaliwa hi Xikwembu Nkulukumba. Ni lweyo ni lweyo arandraka Tatana arandra ni lava vapswaliwiki ha Yene.

I Yhn 5:1 Referans Kwoze

I Yhn 2:29

N'waswitiva n'wine leswaku Yene alulamile, ni leswaku lweyo ni lweyo lweyi alulamiki, apswaliwi ha Yene.

Yohana 8:42

Yesu aku ku vone: Loko afa Xikwembu Nkulukumba ali tatana wenu, afa n'witanirandra, hikusa mine nipfa ku Xikwembu Nkulukumba. Anitanga hi kutisungulela, kambe hi Yene anirumiki.

I Yhn 4:7

Varandriwa, ahirandraneni van'we ku van'wana, hikusa a lirandru dripfa ku Xikwembu Nkulukumba. Mun'wana-ni-mun'wana lweyi arandraka apswaliwi hi Xikwembu Nkulukumba, na swone ativa Xikwembu Nkulukumba.

I Yhn 3:14

Haswitiva hine leswaku ahikhaluti hi kulifu hiya vuton'wini, hikusa hi randra vamakweru. Lweyi akalaka angarandri makwavu aha file.

I Yhn 5:4

hikusa lweyo ni lweyo lweyi apswaliwiki hi Xikwembu ahlula misava. Kutani akuhlula loku hi kone kunga henhla ka misava, inga kupfumela kweru.

I Yhn 4:20

Loko mhunu aku arandra Xikwembu Nkulukumba, nakasi ahambula makwavu, ani madrimi. Ha kunene, lweyi angarandrikiki makwavu, lweyi amuvonaka, anganakuswikota akurandra Xikwembu Nkulukumba, lweyi angamuvonikiki!

I Yhn 3:9

Lweyo ni lweyo apswaliwiki hi Xikwembu Nkulukumba angahanyi hi kuyentxa swidoho; hikusa ambewu ya Xikwembu Nkulukumba yitrhami ku yene; angana kuswikota kuhanya hikudoha, hikusa apswaliwi hi Xikwembu Nkulukumba.

Yohana 3:3

Yesu amuyangula, aku: Nihlayelamfuri nili ku wene, akuna mhunu lweyi angavonaka Mfumu wa Xikwembu Nkulukumba, loko angatlhelanga apswaliwa hi vumpswha

Mt 16:16

Simoni Petrosi amuyangula aku: Wene u Kriste N'wana wa Xikwembu Nkulukumba lweyi ahanyaka.

I Yhn 2:10

Lweyi arandraka makwavu atrhami livaningweni akuna xikhunguvanyiso ku yene.

Yohana 15:23

Lweyi anivengaka, avenga ni Tatana wanga.

I Yhn 4:2

Ku leswo n'witativa a Moya wa Xikwembu Nkulukumba: A moya un'wana-ni-un'wana lowu wuhlayaka leswaku Yesu Kriste ati anyameni, iwa Xikwembu Nkulukumba.

I Ptr 1:3

Akukhensiwe Xikwembu Nkulukumba, Tatana wa Hosi yeru Yesu Kriste, lweyi hikola ka lirere drakwe ledri drikulu ngopfu, ahitumbuluxiki ka vubiri, akuva hivani kulavisela loku kuhanyaka, hikola ka kupfuka ku lava vakufa ka Yesu Kriste amakari ka vafi,

Yakobe 1:18

Hikuva hikurandra kwake, Yene ahibeleki hi ritu dra xihlayelamfuri, akuva hi va swirangana swa swivumbiwa swake.

Yohana 6:69

Kutani hine hini kupfumela ni kuswitiva leswaku hi wene Muhlawuleki wa Xikwembu Nkulukumba.

I Yhn 3:17

Kambe loko mhunu ali xipfundri, kutani avona makwavu lweyi apfumalaka, amupfalela mbilu yake, swingakotekisa kuyini leswaku alirandru dra Xikwembu Nkulukumba dringatrhama ku yene xana?

Mintiro Ya Vapostola 8:36

Vaku na vafamba hi ndlela, vatlhasa lomu kungani mati, a ndruna yiku: Hi lawa mati! Xana kuni xa ntxhumu xingasivelaka leswaku nibabatisiwa? [

Yohana 1:3

Hinkwaswu switumbuluxiwi ha Drone, kutani akuna ntxhumu ni mun'we lowu wutumbulukiki loko kungavanga ha Drone.

I Yhn 5:5

Kutani i mani lweyi angaswikotaka kuhlula misava? Loko ange lweyi apfumelaka ntsena leswaku Yesu i N'wana wa Xikwembu Nkulukumba?

I Yhn 5:18

Haswitiva leswaku lweyo ni lweyo apswaliwiki hi Xikwembu Nkulukumba angadohi ni kan'we, kambe lweyi apswaliwiki ha Xikwembu Nkulukumba awa mubekisa; kutani a mubihi anganakuswikota kumukhumba.

Lk 7:5

hikusa yirandra tiko dra kweru, na kone yihi yakeli ni sinagoga.

Mintiro Ya Vapostola 8:37

Filipi aku: Loko upfumela hi mbilu yaku hinkwayu, akuna lexi xingasivelaka. Yene aku: Napfumela leswaku Yesu Kriste i N'wana wa Xikwembu Nkulukumba.]