I Yhn 4:6 - Testamente Ledrimpswha ni Mapsalma

⁶ Kambe hine hi va Xikwembu Nkulukumba. Lweyi ativaka Xikwembu Nkulukumba, awa hi yingiseta, kasi lweyi a ngeke wa Xikwembu angahiyingeli. Hi xiswoswi hine hawutiva a Moya wa xihlayelamfuri ni moya wa xihono

I Yhn 4:6 Referans Kwoze

Yohana 14:17

wunga Moya wa xihlayelamfuri, lowu a misava mihlulekaka kuwuyamukela, hikusa amiwuvoni, amiwutivi; kambe n'wine n'wawutiva, hikuva wutrhama na n'wine, kutani wutava ndreni kwenu.

Yohana 10:27

A tihamba tanga tiyingela ritu dranga. Tadritiva, kutani tanilandra.

Yohana 15:26

Kambe loko kutatlhasa Mutxhaveleli, lweyi nitakan'wirumela yene apfa ku Tatana, wunga Moya wa xihlayelamfuri, lowu wuhumaka ku Tatana, hi yene lweyi atakanihambela vumboni.

I Yhn 4:1

Varandriwa, n'winga pfumeleni ku mimoya hinkwayu; kambe kambisisani kusungula leswaku i mimoya ya Xikwembu Nkulukumba hi xihlayelamfuri, hikusa kuni vaprofeta vanyingi vamadrimi vahangalakiki misaveni.

I Yhn 4:4

Vana vanga, n'wine n'wiva Xikwembu Nkulukumba, kutani mihluli vaprofeta va madrimi, hikusa lweyi atrhamaka ku n'wine i nkulu kutlula lweyi anga misaveni.

Yohana 18:37

Pilato aku ku yene: Xana u Hosi wene? Yesu ayangula, aku: Uhlaya swone, ni Hosi. Nipswaleliwi swone, niteli swone amisaveni leyi, akuva natatatiyisa xihlayelamfuri. Mun'wana-ni-mun'wana lweyi anga wa xihlayelamfuri, ayingiseta ritu dranga.

I Kor 14:37

Loko a wa kukari apimisaka leswaku i muprofeta kumbe leswaku i wa moya, ativisise leswi nin'witralelaka swone, leswaku i leleto dra Hosi;

II Tsl 1:8

Atata hi le makari ka malangavi ya ndrilo, a kutatakhatisa lava vayalaka Xikwembu Nkulukumba, ni lava vangayingisetikiki a Ivangeli ya Hosi Yesu Kriste.

Yohana 16:13

Kambe yelweyo ataku loko atile, wunga Moya wa xihlayelamfuri, atan'wifambisa axihlayelamfurini hinkwaxu. Hikuva angaka angavulavuli ha swake, kambe hinkwaswu leswi atakaswiyingela ataswihlaya, na kone atan'witivisa ni leswi switakahumelela.

I Yhn 4:8

Lweyi angarandrikiki angativi Xikwembu Nkulukumba, hikusa Xikwembu Nkulukumba i lirandru.

I Tmt 4:1

A Moya wahlayisisa leswaku, aminkameni ya vugamu, van'we vatatlhelela ntrhaku avupfumeleni, vayingisetisisa a mimoya kukanganyisa, ni kulandra tidondro ta mademoni,

Yohana 13:20

Nihlayelamfuri nili ku n'wine: lweyi ayamukelaka lweyi ni murumiki, awaniyamukela; ni lweyi aniyamukelaka, ayamukela lweyi anirumiki.

Yohana 8:19

Vaku ku yene: A tatana waku akwini? Yesu ayangula, aku: An'winitivi, nambi ali Tatana wanga an'wimutivi; loko afa n'winitivile, an'witativa ni Tatana wanga.

Lk 10:22

Hinkwaswu ninyikiwi ha Tatana. Nakone akuna mhunu lweyi ativaka lweyi N'wana anga yene, loko ange Tatana: nambi lweyi Tatana anga yene, loko ange N'wana, ni lweyi a N'wana arandraka kumupfuletela yene.

Yd 1:17

Kambe, n'wine, varandriwa, drimukani maritu lawa mangakhaneliwa khale hi vapostola va Hosi Yesu Kriste.

II Ptr 3:2

akuva n'widrimuka maritu lawa ya khale mahlayiwiki hi vaprofeta lava kuhlawuleka, ni xileleto xa Hosi ni Muhuluxi, lawa n'widondrisiwiki hi vapostola venu.

II Kor 10:7

N'wine n'wilavisisa swa le handle, loko mhunu atidumba leswaku i wa Kriste, aatlhele atiyanakanya leswaku, swanga hileswi yene anga wa Kriste, na hine hiva Kriste.

Rm 11:8

Swanga hileswi Kutraliwiki swaku: Xikwembu Nkulukumba avanyiki a moya wavurongo, ni mahlu lawa ya kuka mangavoni ni tindleve leti takuka tingayingeli, kuko siku dra namunhla.

Rm 1:1

Mine Pawulosi ningamutiri wa Yesu Kriste, nivitaniwiki nihlawuliwa akuva mupostola wa Ivangeli ya Xikwembu Nkulukumba,

Yohana 20:21

Yesu atlhela aku ku vone: A kurula akuve na n'wine! Swanga heswi Tatana anirumiki, na mine nan'wiruma.

Yohana 10:16

Nakone, nini tihamba tin'wana leti tingeke ta ranga ledri. Nifanela kutibuyisa na tone. Titatayingela ritu dranga, kutani titava ntlhambi mun'we, tiva na Mubyisi mun'we.

Yohana 8:23

Aku ku vone: N'wine n'wi va lana hansi; mine ni wa le henhla; n'wine n'wi va misava leyi; mine ani wa misava leyi.

Yohana 10:3

A mulaviseli wa nyangwa awamupfulela, kutani tihamba tiyingela ritu drakwe; avitana a tihamba leti tinga takwe hi mavito ya tone, atihumexa handle.

I Yhn 5:19

Haswitiva leswaku hi va Xikwembu Nkulukumba, ni leswaku a misava hinkwayu mifumiwa hi mubihi.