I Yhn 4:21 - Testamente Ledrimpswha ni Mapsalma

²¹ Ke, hini leleto ledri hisiyeliwiki ha Yene, ledri draku: lweyi arandraka Xikwembu Nkulukumba na kone afanela akurandra makwavu.

I Yhn 4:21 Referans Kwoze

I Yhn 3:11

Hikusa i ritu ledri n'wine n'widriyingeliki kusukela kusunguleni, ledri draku: hirandrananeni van'we ku van'wana.

I Tsl 4:9

Ku leswi faneliki hi talirandru ku vamakwenu kupfumeleni, a swahafanekeli kun'witralela ntxhumu, hikuva n'wifambisiwa hi Xikwembu Nkulukumba kuko n'wirandrana van'we ni van'wana;

I Ptr 3:8

Hi vugamu, vanani va mayanakanyela man'we, n'wili va kutretrelela, n'wini lirandru dra xikwavu, n'wivani vumbilu ni kutitrongohata,

Gl 5:14

Hikusa hinkwawu nawu wu katrakanyiwa hi leleto drin'we ledri driliki: Utarandra mhunukuloni swanga hi loko u tirandra.

Yohana 15:12

A nawu wanga hi lowu: Hi leswaku n'wirandranana, swanga hi leswi na mine nin'wirandriki.

I Yhn 3:23

Ledri hidrone aleleto drakwe: leswaku hi pfumela ku vito dra N'wana wakwe, Yesu Kriste, hiva hirandrana van'we ni van'wana, swanga hileleto drakwe.

I Yhn 3:14

Haswitiva hine leswaku ahikhaluti hi kulifu hiya vuton'wini, hikusa hi randra vamakweru. Lweyi akalaka angarandri makwavu aha file.

I Ptr 4:8

A henhla ka hinkwaswu, randrananani ngopfu van'we ku van'wana, hikusa a lirandru drifukumeta a vunyingi bya swidoho;

Lk 10:37

Aku: Hi lweyi angamuyentxela lilondro. Yesu ahangaku ku yene: Famba uya yentxisa xiswoswo na wene.

I Yhn 4:11

Varandriwa, loko Xikwembu Nkulukumba ahirandrisi xileswi, na hine hinfanela hirandranana van'we-ku-van'wana.

Gl 5:6

Hikusa ku Kriste Yesu, aku soka ni kuka kusokiwa, aswipfuni ntxhumu, kambe i kupfumela kutiraka hikola ka lirandru.

I Yhn 3:18

Vana vanga, hingarandreni hi maritu kumbe hikuvulavula, kambe hi mintiro ni hi xihlayelamfuri.

Mt 5:43

N'wiswiyingelile leswi swingahlayiwa vaku: Utarandra a wa-le-kwenu, uvenga a nala waku.

I Yhn 2:7

Varandriwa, anin'witraleli nawu wumpswha, kambe wakuva lowu wakhale, lowu afaka n'wili nawu kehe kusunguleni, a nawu lowu wa khale i ritu ledri n'widriyingeliki.