I Yhn 4:12 - Testamente Ledrimpswha ni Mapsalma

¹² Anga kone mhunu lweyi asamaka a vona Xikwembu Nkulukumba ni siku ni drin'we, loko hine hirandranana, van'we ku van'wana Xikwembu ale ku hine, kutani a lirandru drakwe driyentxa hikuhetiseka avutomi byeru.

I Yhn 4:12 Referans Kwoze

Yohana 1:18

Akuna mhunu lweyi asamaka avona Xikwembu Nkulukumba ni kun'we. A N'wana lweyi anga mun'we, lweyi anga xifuveni xa Tatana, hi yene lweyi ahitlhamuxeliki leswi Tatana angaxiswone.

I Yhn 2:5

Kambe lweyi a bekisaka ritu drakwe, a lirandru dra Xikwembu Nkulukumba drihetisekile ku yene; hilaha hiswitivaka ha kone leswaku hi le ku Yene.

I Tmt 6:16

yene ntsena angani kuka-kufa; lweyi atrhamaka alivaningweni ledri dringalikina kutrhindrekeleliwa; lweyi angasamiki avoniwa hi mhunu, mfuri ni mun'we mhunu angamuvonaka. Ku yene akuveni xihluwa ni ntamu lowu wungahelikiki. Amen.

I Yhn 4:20

Loko mhunu aku arandra Xikwembu Nkulukumba, nakasi ahambula makwavu, ani madrimi. Ha kunene, lweyi angarandrikiki makwavu, lweyi amuvonaka, anganakuswikota akurandra Xikwembu Nkulukumba, lweyi angamuvonikiki!

I Yhn 3:24

Lweyi abekisaka swileleto swake atrhama ku Xikwembu Nkulukumba, kutani Xikwembu Nkulukumba ku yene. Hiswoswo ha switivisa leswaku Yene atrhami ku hine hi Moya lowu hi nyikiki.

I Yhn 4:6

Kambe hine hi va Xikwembu Nkulukumba. Lweyi ativaka Xikwembu Nkulukumba, awa hi yingiseta, kasi lweyi a ngeke wa Xikwembu angahiyingeli. Hi xiswoswi hine hawutiva a Moya wa xihlayelamfuri ni moya wa xihono

I Tmt 1:17

Ke, ku Hosi ya minkama hinkwayu, Xikwembu Nkulukumba lweyi wa mun'we, lweyi ahanyaka hi la kungaheliki; lweyi angavonekiki; akuve ni xihluwa ni kutwala hi minkama ni minkama. Amen.

Va-Heberu 11:27

Hi kupfumela, Moxe, asuki Egipta, angatxhavanga mahlundru ya mufumi. Avi lweyi a tiyiki swanga hi loko a vona lweyi angavoniwikiki.

I Kor 13:13

Kambe swoswi kuni leswi swiraru: Kupfumela, kulavisela ni lirandru; kambe lexi xikulu ku swone i lirandru.

I Yhn 4:16

Na hine haswitiva, mfuri ha pfumela alirandro ledri Xikwembu Nkulukumba anganadrone ha hine: Xikwembu Nkulukumba i lirandru, kutani lweyi atrhamaka alirandrwini atrhami ku Xikwembu Nkulukumba, na Yene Xikwembu Nkulukumba trhami ku yene.