I Yhn 3:8 - Testamente Ledrimpswha ni Mapsalma

⁸ Lweyo ni lweyo ayentxaka xidoho i waka Diyavulosi; hikusa Diyavulosi adohile kehe kusunguleni. Hikolaho ka leswo, a N'wana wa Xikwembu Nkulukumba ativonekisi akuva atahelisa mintiro ya Diyavulosi.

I Yhn 3:8 Referans Kwoze

Va-Heberu 2:14

Hi leswi-ke, a vana vaniyavelo drin'we dra ngati ni nyama, e kuyavelisiwa xiswoswo na Yene, akuva hi kufa kwake atahelisa lweyi afaka ani ntamu wa kufa, anga yene Diyavulosi.

Yohana 8:44

N'wine n'wipfa ku tatana wenu, anga Diyavulosi, kutani n'wirandra kulandra a kunavela kwake. Lweyo i mudlayi wa vhanu ni le kusunguleni, kutani angatrhamanga xihlayelamfurini; hikusa akuna xihlayelamfuri andreni kwake. Loko ahlaya madrimi ahlaya leswi swinga kone ambilwini yake, hikusa i muhembi, i tatana wa kuhemba.

Va-le-Kolosa 2:15

kutani ahluli vundruna ni mintamu, a vatrongahatile livaleni, xikombiso xa kuhlula, ha Kriste.

Rm 16:20

Xikwembu Nkulukumba lweyi a nyikaka kurula, atahatla apswhandlasa Sathana a hansi ka minkondro yenu. Ingi a Hosi yeru Yesu Kriste angan'witovokisa.

Yohana 16:11

a kuyavanyisa, hikuva a mufumi wa misava leyi ayavanyisiwile.

Yohana 12:31

Swoswi a misava leyi mikari mayavanyisiwa, kutani mufumi wa misava leyi swoswi atahlongoliwa.

II Ptr 2:4

Ke, loko Xikwembu Nkulukumba angatretrelelanga tintrumi loko tidohile, kambe atitxukumetile a gehena, atinyiketa akheleni dra munyama lana tinyimelaka siku dra yavanyiso.

Marka 1:24

Xana a mhaka yeru na wene hi yini, wene, Yesu wa le Nazarete? U teli kuhisuvisa! Mine nakutiva lweyi unga yene; wene u Muxwengi wa Xikwembu Nkulukumba!

Ef 2:2

Leswi afaka n'wifamba ku swone khale, hi mafambela ya misava, hi mafambela ya mintamu ya minfumu ya le henhla mpfhukeni, wunga moya lowu wutiraka swoswi ku vana lava vakuka vangayingiseti.

Lk 10:18

Yesu aku ku vone: Afa nihlalela Sathana na awa, apfa tilweni swanga hi lihati.

I Yhn 3:10

Kuleswo akuhambana ka vana va Xikwembu Nkulukumba ni vana va Diyavulosi, hi loku: lweyo ni lweyo angayentxikiki kululama, mfuri angarandrikiki makwavu angapfi ku Xikwembu Nkulukumba.

Mt 13:38

a nsimu i tiko. A mbewu yinene hi vana va Mfumu wa Xikwembu Nkulukumba, a lihungu drikombisa a vana va lweyi mfani.

Mpfuletelo 20:10

Diyavulosi, lweyi a ngava kanganyisa, atxukumetiwi tiveni dra ndrilo ni wa xivavula, lomu kunga ni xihari xa kulebya ni muprofeta wa madrimi. Vata xanisiwa nhlikanhi ni vusiku hi madzana ni madzana ya malembe.

I Yhn 5:19

Haswitiva leswaku hi va Xikwembu Nkulukumba, ni leswaku a misava hinkwayu mifumiwa hi mubihi.

I Yhn 3:5

Kutani n'wine n'wiswitiva ngopfu swinene leswaku Yene ativonekiseli kutata susa a swidoho sweru, kutani ku Yene akuna xidoho.

Mpfuletelo 20:15

Kutani lweyi afaka kunga traliwanga vito drakwe abukwini dra vutomi, atxukumetiwi ativeni dra ndrilo.

Yd 1:6

Ni tintrumi leti tingabekisangakiki xiyimu xa tone, kambe tisukeli ambangwini wa tone, Yene atibekisile amunyameni hi timpentxana leti tingahelikiki, kukota kutlhasa tremo dra siku ledrikulu.

Mt 4:3

A mudringi atrhindrekela ku Yene aku: Loko uli N'wana wa Xikwembu Nkulukumba, hlaya leswaku a maribye lawa amandruluki makati.

Mt 12:28

Ke loko mine nihlongola a mademoni hi Moya wa Xikwembu Nkulukumba, leswo swihlaya leswaku a Mfumu wa Xikwembu Nkulukumba wutlhasile ku n'wine.

I Tmt 3:16

Kunene a xihundla xa vukhongoti i xikulu: Lweyi akombisiwiki anyameni, ayentxiwi mululami hi Moya avoniwi hi tintrumi, ahuweleliwi amakari ka matiko (ka va-Matiko), awundliwi lomu misaveni, ayamukeliwi akuphatimeni.

Va-Heberu 9:26

Hikusa loko swilitanu, afa afanekelile kuxaniseka ha kunyingi, kusukela akutumbulukeni ka misava. Kambe swoswi ahumeleli kan'we akuhetisekeni ka minkama, atadrivalela swidoho hi kutinyiketa ava mhamba.

I Yhn 1:2

Hikusa a vutomi bya vonekisiwile, hi byi vonile, hi timboni ta byone, hi n'wibyela vutomi lebyingahelikiki, lebyi afaka byi li ku Tatana, kutani byi vonekisiwi ku hine.