I Yhn 3:2 - Testamente Ledrimpswha ni Mapsalma

² Varandriwa, swoswi hi vana va Xikwembu Nkulukumba, kambe leswi hitakava xiswone aswinakukombisiwa. Kambe haswitiva leswaku loko Yene ahumelela hita fana na Yene, hikusa hita muvona swanga hileswi anga swone.

I Yhn 3:2 Referans Kwoze

Va-le-Filipiya 3:21

Yene ataka ndruluta miri yeru ya kutrongahateka, akuva mifana ni miri yake ya kuphatima, hi ntamu lowu ha wone aswikotaka kubeka hinkwaswu hansi kwake.

Va-le-Kolosa 3:4

Loko Kriste inga vutomi byenu, ativonekisa, kutani na n'wine n'witavonekisiwa kun'we na yene a kuphatimeni kwake.

II Kor 3:18

Kutani hine hinkweru va mimombo leyi mifukumuliwiki, hi vonekela swanga hi xivonivoni, xa kutwala ka Hosi; handrulutiwa akuphatimeni hinkwaku, axifanisweni xakwe, swanga hi kuyentxa ka moya wa Hosi.

I Kor 13:12

Hikusa swoswi hivona hi xivonivoni, hi liphume; kambe ankameni wolowo, hitavonisisa, liso ni liso; swoswi nitiva hi tlhelo ntsena, kambe ntrhaku nitativisisa swanga hi leswi nitivisiwaka xi swone.

Rm 8:29

Hikusa lava Xikwembu Nkulukumba afaka nana avahlawulile vabekiseli akuva vafana ni N'wana wa wakwe, akuva Yene ava n'wana wakusungula ku vamakwavu lavanyingi.

I Kor 15:49

Swanga hi leswi hiyambaliki a xifaniso xa lweyi wa misava, xiswoswo hitayambala a xifaniso xa lweyi wa tilo.

Mpfuletelo 22:4

Matavona vuso byake, ni le mimombyeni yavu kuni vito drakwe.

II Ptr 1:4

Hikola ka leswo, ahinyiki aswidumbiso swake swalisima ledrikulu ngopfu swinene, akuva ha swone n'wiva ni vuhlengeli bya ntumbuluku wa kuhlawuleka wa le henhla-henhla, n'witrutruma ku swinavelo swakubiha swinga kone misaveni.

I Kor 2:9

Kambe swanga hi leswi kutraliwiki leswaku: Leswi a tihlo dringaswivonangakiki, ni ndleve yingaswiyingelangakiki, swinganhingenangakiki ni le mbilwini ya mhunu, leswi Xikwembu Nkulukumba an'wibekiseliki lava vamurandraka;

I Yhn 3:1

Lavisani vukulu bya lirandru ledri Xikwembu Nkulukumba Tatana, ahi randriki ha drone, kukota hihlayiwa vana va Xikwembu Nkulukumba! Kutani hine hi vana ha kunene! Hiswoleswo a misava amihitivi, hi laha mingativikiki Xikwembu Nkulukumba.

Gl 4:6

Hikusa n'wine n'wi vana, Xikwembu Nkulukumba arumi Moya wa N'wana wakwe atimbilwini teru, lowo wu bandlukana: Abba, swidjulaka kuhlaya leswaku: Tatana!

Rm 8:18

Hikusa ni pimisa leswaku a mahlomulo yeru ya swoswi amana kufanisiwa ni kuphatima loko kutakapfuleteliwa ku hine.

Gl 3:26

Hileswo-ke n'wine hinkwenu n'wivana va Xikwembu Nkulukumba, hi kupfumela ku Kriste Yesu.

Yohana 17:24

Tatana! Nirandra leswaku hinkwavu lava uninyikiki vone, vava na mine laha ningakone: akuva vatahlalela kutwala kwanga loku uninyikiki kone, hikusa unirandrile na misava mingasitumbuluka.

Mt 5:8

Vakatekile lava vabasiki timbilu, hikusa vatavona Xikwembu Nkulukumba!

I Yhn 2:28

Kutani swoswi ke vana vanga, trhamani ku Yene, akuva loko Yene ativonakalisa hita dumba, na hi ngavi lava vasoliwaka mahlweni kwake, akubuyeni kwake.

Va-Heberu 9:28

Hiswoswo ke, Kriste ahumexiwi kan'we kususa swidoho swa vhanu. Ntrhaku ata humelela nangweso, kunge ha kutata susa xidoho, kambe a kutata huluxa lava mulaviselaka.

II Kor 4:17

Hikusa a mahlomulo ya nkama lowu wa swoswi mavevuka, mahitisela lidrumo drakuphatima loku kungahelikiki, loku kungekena kupimanisiwa.

I Yhn 5:1

Lweyo ni lweyo apfumelaka leswaku Yesu i Kriste, a pswaliwa hi Xikwembu Nkulukumba. Ni lweyo ni lweyo arandraka Tatana arandra ni lava vapswaliwiki ha Yene.

Lk 17:30

switayentxisa xiswoswo hi siku ledri N'wana wa Mhunu ataka pfuleteleka ha drone.

Lk 20:36

Hikusa vafana ni swirun'wa, i vana va Xikwembu Nkulukumba, vanga vana va kupfuka kufeni.

Yohana 1:12

Kambe hinkwavu lava vamuyamukeliki, avanyiki ntamu wa kuva vana va Xikwembu Nkulukumba, vanga lava vapfumeliki ku vito drakwe,

Yohana 11:52

Na swone kunge kufela tiko ntsena, kambe ni kukota kuhlengeleta vana va Xikwembu Nkulukumba lava vahangalakiki, avayentxa van'we.

Rm 8:16

Hi wo Moya lowo wu dondrisaka a moya weru leswaku hine hi vana va Xikwembu Nkulukumba.

Rm 8:19

A misava hinkwayu n'wirindrela hi kunavela lokukulu ampfuletelo wa Xikwembu Nkulukumba ku vana vakwe.

I Yhn 2:7

Varandriwa, anin'witraleli nawu wumpswha, kambe wakuva lowu wakhale, lowu afaka n'wili nawu kehe kusunguleni, a nawu lowu wa khale i ritu ledri n'widriyingeliki.

I Yhn 3:10

Kuleswo akuhambana ka vana va Xikwembu Nkulukumba ni vana va Diyavulosi, hi loku: lweyo ni lweyo angayentxikiki kululama, mfuri angarandrikiki makwavu angapfi ku Xikwembu Nkulukumba.

I Yhn 3:21

Varandriwa, loko timbilu teru tinga hiyavanyisi, lahu hini kudumba kukulu amahlweni ka Xikwembu Nkulukumba,

Mpfuletelo 2:28

na kone swanga hi leswi na mine niyamukeliki ku Tatana wanga, nitamunyika a nyeleti ya mixo.