I Yhn 3:1 - Testamente Ledrimpswha ni Mapsalma

¹ Lavisani vukulu bya lirandru ledri Xikwembu Nkulukumba Tatana, ahi randriki ha drone, kukota hihlayiwa vana va Xikwembu Nkulukumba! Kutani hine hi vana ha kunene! Hiswoleswo a misava amihitivi, hi laha mingativikiki Xikwembu Nkulukumba.

I Yhn 3:1 Referans Kwoze

Yohana 1:12

Kambe hinkwavu lava vamuyamukeliki, avanyiki ntamu wa kuva vana va Xikwembu Nkulukumba, vanga lava vapfumeliki ku vito drakwe,

Gl 3:26

Hileswo-ke n'wine hinkwenu n'wivana va Xikwembu Nkulukumba, hi kupfumela ku Kriste Yesu.

II Kor 6:18

mine nitava tatana wenu, na n'wine n'witava vana vanga vava vanuna ni vavasati, kuhlaya Hosi ya ntamu hinkwayu.

Yohana 17:25

Tatana, wa kululama! A misava yone amikutivanga, kambe mine nikutivile, ni volavu vaswitivile leswaku hi Wene unirumiki.

Yohana 3:16

Hikusa Xikwembu Nkulukumba arandri misava swakunhati, ako anyika N'wanakwe lweyi apswaliwiki ali swake, leswaku mani na mani lweyi apfumelaka ku yene, angatxhuki alahleka, kambe akuma vutomi lebyi byingahelikiki.

Mpfuletelo 21:7

Lweyi ataka hlula atava mudi wapfindla wa mintxhumu leyi, mine nitava Xikwembu Nkulukumba wakwe, na yene atava n'wananga.

Rm 5:8

Kambe Xikwembu Nkulukumba akombisa lirandru drakwe ku hine, hi leswi Kriste ahifeliki, na hahali vadohi.

Gl 3:29

Ke, loko n'wili vaka Kriste, lahu hinkwenu n'wilixaka dra Abrahamu, ni vadi va pfindla swanga hi xidumbiso.

Rm 8:32

Yene lweyi angatretrelelangakiki a N'wana wakwe, kambe ahinyiketi yene hinkweru, xana angaka angahihanani hinkwaswu kun'we ni N'wana wakwe?

Yohana 16:3

Vatayentxa swoleswo hikusa avativanga Tatana, nambi mine.

Va-le-Kolosa 3:3

Hikusa n'wine n'wifile na Kriste a vutomi byenu byifihliwi kun'we na yene ku Xikwembu Nkulukumba.

Rm 8:21

hikulavisela kaleswi swaku yone misava, siku drin'wana mita ntrhunxiwa vukaraweni ni le kuhahluliweni, akuva mitrhunxeliwa kuphatimeni ka vana va Xikwembu Nkulukumba.

Lk 20:36

Hikusa vafana ni swirun'wa, i vana va Xikwembu Nkulukumba, vanga vana va kupfuka kufeni.

Yohana 11:52

Na swone kunge kufela tiko ntsena, kambe ni kukota kuhlengeleta vana va Xikwembu Nkulukumba lava vahangalakiki, avayentxa van'we.

Yohana 15:21

Kambe vatan'wiyentxa hinkwaswu leswo hinkonta ya vito dranga, hikusa avativi lweyi anirumiki.

Rm 8:19

A misava hinkwayu n'wirindrela hi kunavela lokukulu ampfuletelo wa Xikwembu Nkulukumba ku vana vakwe.

I Yhn 3:2

Varandriwa, swoswi hi vana va Xikwembu Nkulukumba, kambe leswi hitakava xiswone aswinakukombisiwa. Kambe haswitiva leswaku loko Yene ahumelela hita fana na Yene, hikusa hita muvona swanga hileswi anga swone.

I Yhn 3:10

Kuleswo akuhambana ka vana va Xikwembu Nkulukumba ni vana va Diyavulosi, hi loku: lweyo ni lweyo angayentxikiki kululama, mfuri angarandrikiki makwavu angapfi ku Xikwembu Nkulukumba.

I Yhn 4:17

Xileswo a lirandru drihetisekisiwa ku hine, akuva hi siku drakuyavanyisa hitava ni kudumba, swanga hi leswi Yene angaswone, na hine hixiswoswo amisaveni leyi.