I Yhn 2:5 - Testamente Ledrimpswha ni Mapsalma

⁵ Kambe lweyi a bekisaka ritu drakwe, a lirandru dra Xikwembu Nkulukumba drihetisekile ku yene; hilaha hiswitivaka ha kone leswaku hi le ku Yene.

I Yhn 2:5 Referans Kwoze

Yohana 14:23

Loko mhunu anirandra, atabekisa ritu dranga, kutani Tatana wanga atamurandra, hitata ku yene, hitrhama na yene.

Yohana 14:21

Lweyi ayamukelaka milawu yanga, ava amibekisa, hi yene lweyi anirandraka; kutani lweyi anirandraka, atarandriwa hi Tatana wanga; na mine nita murandra, niva nitivonekisa ku yene.

Lk 11:28

Kambe Yesu aku: Ngopfu vakatekile lava vayingelaka Ritu dra Xikwembu Nkulukumba vava vadribekisa.

I Yhn 3:24

Lweyi abekisaka swileleto swake atrhama ku Xikwembu Nkulukumba, kutani Xikwembu Nkulukumba ku yene. Hiswoswo ha switivisa leswaku Yene atrhami ku hine hi Moya lowu hi nyikiki.

Mpfuletelo 14:12

Hi loku kukone kutiyisela ka tinsasi, vanga lava vabekisaka swileleto swa Xikwembu Nkulukumba ni kupfumela ku Yesu.

I Yhn 5:2

Hine hitiva leswaku hi randra vana va Xikwembu Nkulukumba, loko hi randra Xikwembu Nkulukumba hi yentxa swileleto swake.

Yohana 15:5

Hi mine nsinya wa vhinya, n'wine n'wi tinkambu. Lweyi atrhamaka ku mine, swanga hi leswi na mine nitrhamaka ku yene, abeka mihandru yakutala; hikusa ahandle kwanga n'wingaka n'wingakoti kuyentxa ntxhumu.

I Yhn 4:18

Alirandrwini akuna kutxhava, kambe alirandru dra xihlayelamfuri dritxukumeta kutxhava kule; kone avutoya byivanga kukhatisiwa, lweyi angani vutoya anga hetisekisiwanga lirandrwini.

II Kor 5:17

Hiswoswo-ke, loko mhunu ali ku Kriste, i xivumbeko ximpswha. A mintxhumu ya khale mi hundrile, hinkwaswu i swimpswha.

Mpfuletelo 12:17

Kutani dragoni drihlundrukela wansati, drisuka driya lwa ni lava vasaliki va lixaka drakwe lava vabekisaka swileleto swa Xikwembu Nkulukumba, ni lava vangani vumboni bya Kriste Yesu.

I Yhn 5:20

Haswitiva ha kunene leswaku a N'wana wa Xikwembu Nkulukumba atile, ahi nyiki vutlhari byakuva hitiva leswi inga xihlayelamfuri. Kutani hi le kuxihlayelamfuri, ku N'wanake, Yesu Kriste. Yene i Xikwembu Nkulukumba hi ntshima, na anga vutomi lebyi byingahelikiki.

I Kor 1:30

Kambe n'wine n'wi vakwe, hi le ku Yesu Kriste, lweyi ku hine andrulukiki vutlhari, ni vululami, ni kuxwenga, ni vutiruli hi kurandra ka Xikwembu Nkulukumba,

Rm 8:1

Kambe swoswi akehena kuyavanyisiwa ku lava vanga ku Yesu Kriste.

Yakobe 2:22

Wa swivona leswaku a kupfumela kutirisana kun'we ni mintiro; hikolahu, i vali hikola ka mintiro kuhetisekiki kupfumela,

II Kor 5:21

Lweyi afa angativi xidoho, kambe Yene amuyentxi xidoho ha hine; akuva ha Yene hiva vakululama ka Xikwembu Nkulukumba.

Yohana 6:56

Lweyi adaka miri yanga ni kunwa ngati yanga, atrhama ku mine, na mine nitrhama ku yene.

I Yhn 4:17

Xileswo a lirandru drihetisekisiwa ku hine, akuva hi siku drakuyavanyisa hitava ni kudumba, swanga hi leswi Yene angaswone, na hine hixiswoswo amisaveni leyi.

II Yhn 1:6

Kutani a lirandru hi ledri: hileswaku hi famba hi swileleto swake. A leleto ledri, swanga hi leswi n'wingaswiyingela kusukela kusunguleni, hileswaku fambani alirandrwini droledro.