I Yhn 2:16 - Testamente Ledrimpswha ni Mapsalma

¹⁶ hikusa hinkwaswu leswi swinga misaveni, akunavela ka nyama, ni kunavela ka mahlu ni kunavela ka nhlengwe, aswipfi ku Tatana, kambe swipfa misaveni.

I Yhn 2:16 Referans Kwoze

Rm 13:14

Kambe yambalani Hosi Yesu Kriste, n'winga kokeliweni a nyameni akuva n'wita yentxa a kunavela ka yone.

Gl 5:17

Hikusa a nyama yini kunavela loku kuyalanaka ni ka Moya, na wo Moya wuyalana ni kunavela ka nyama, hikusa amintxhumu leyo, milwetana kun'we akuva n'wingayentxi leswi n'wiswirandraka.

Ef 2:3

Ku vone na hine hinkweru mfuri afa khale hi famba hi kunavela ka nyama yeru, hiyentxa kunavela ka nyama yeru ni miyanakanyu yeru. Hi ntumbuluku afa hili vana vamahlundru, swanga hi van'wana.

Yakobe 3:15

Lebyo ahi byone vutlhari lebyi pfaka hi le henhla; kambe i bya misava, ahibya Moya, i bya Sathana.

I Ptr 2:11

Varandriwa, nan'witratriya swanga valuveli ni vayendri amisaveni leyi, leswaku n'witrika a kunavela swa nyama, loku kulwaka ni moya;

II Ptr 2:10

ngopfu-ngopfu lava tinyiketelaka kunaveleni lokunfani ka nyama, ni kusandra a ntamu wa vuhosi; vanivurena, avanaxitxhavu ku mintamu ya le tilweni, kuko va misola.

Tito 2:12

tihidondrisaka leswaku hidrela vusandri ni kutrika kunavela ka misava leyi, akuva hihanya hi kutikhoma, vululami, ni hi vukhongoti, ankameni lowu,

II Ptr 2:18

Vavulavula maritu ya kutikulisa ni ya kuka ndlela, na matirela kunavela ka nyama, ni ka vuwoswani, vanga lava yisaka vhanu lava afaka vahatrutruma lava vahanyaka kuhoneni.

I Ptr 1:14

n'wiva swanga vana va kuyingiseta, n'wingayi hi kunavela kwenu ka khale, ankama afaka n'wingasinativa ntxhumu;

Tito 3:3

Hikusa na hine a khale afa hili masinge, hili lava va kuka-kuyingiseta, lava valahlekiki, na hitirela a kunavela ka kubiha ni tinxaka-xaka ta leswi switrhavisaka miri, na hihanya hi vubihi ni xikwele, hili vanyenyiwa, na hivavenga.

Mt 5:28

Kambe mine nan'wibyela leswaku: Lweyi alavisaka a wansati hi kumunavela ayentxi vumbuye na yene ambilwini yake.

Lk 4:5

Kutani Diyavulosi amuntlhantukelisa henhla, amukomba matiko hinkwawu

Gl 5:24

Kambe avaka Kriste Yesu va vambi nyama ni kurandra ni kunavela ka yone.

Mt 4:8

Diyavulosi atlhela mfuri amuyisa ku nhava ya kuleha ngopfu, amukomba a mimfumu hinkwayu ni kuphatima ka yone,

I Kor 10:6

A mintxhumu leyo miyentxiwi xikombiso ku hine, akuva hinganaveli a swakubiha, swanga hi leswi vone vanaveliki.

Yakobe 4:16

Kambe swoswi n'witikutxa hi kutikulisa kwenu. Akutitlakuxa hinkwaku ka kutani, kubihile.