I Yhn 2:13 - Testamente Ledrimpswha ni Mapsalma

¹³ Nan'witralela vapswele, leswaku n'wamutiva lweyi afaka ana ali kone kehe kusunguleni. Nan'witralela vampswha, hikusa n'wihluli mubihi.

I Yhn 2:13 Referans Kwoze

Yohana 14:7

Loko afa n'winitivile, an'witativa ni Tatana wanga; kusukela swoswi, n'wamutiva, na swone n'wimuvonile.

I Yhn 2:14

Vana vanga, mine ni n'witraleli hikusa n'wamutiva Tatana. Vapswele, mine ni n'witraleli hikusa n'wamutiva lweyi afaka ana ali kone kehe kusunguleni. Vampswha, mine ni n'witraleli hikusa n'witiyile, kutani a Ritu dra Xikwembu Nkulukumba dritrhami ku n'wine, mfuri n'wihluli mubihi.

I Yhn 4:4

Vana vanga, n'wine n'wiva Xikwembu Nkulukumba, kutani mihluli vaprofeta va madrimi, hikusa lweyi atrhamaka ku n'wine i nkulu kutlula lweyi anga misaveni.

I Yhn 1:1

Lexi afaka xikone kehe kusunguleni, lexi hixiyingeliki, lexi hixivoniki hi mahlu yeru, lexi hi xihlaleliki, lexi mandla yeru maxikhumbiki, xinga xa ritu dra vutomi.

Lk 10:22

Hinkwaswu ninyikiwi ha Tatana. Nakone akuna mhunu lweyi ativaka lweyi N'wana anga yene, loko ange Tatana: nambi lweyi Tatana anga yene, loko ange N'wana, ni lweyi a N'wana arandraka kumupfuletela yene.

Yohana 17:3

Kambe a vutomi lebyi byingahelikiki hi byolebyi: leswaku vakutiva, wene unga Xikwembu Nkulukumba wa xihlayelamfuri, na Yesu Kriste lweyi umurumiki.

I Yhn 5:18

Haswitiva leswaku lweyo ni lweyo apswaliwiki hi Xikwembu Nkulukumba angadohi ni kan'we, kambe lweyi apswaliwiki ha Xikwembu Nkulukumba awa mubekisa; kutani a mubihi anganakuswikota kumukhumba.

I Yhn 3:12

Hingafani na Kayini, lweyi afaka ali lwenfani, xiswoswo, angadlaya makwavu. Amudlayi hikola ka yini xana? Hileswi mintiro yake afaka mibihile, na kasi ya makwavu afa milulamile.

Mt 11:27

Hikuva hinkwaswu swinyikiwi mine hi Tatana wanga; anga kone lweyi ativaka a N'wana loko ange Tatana, na kone akuna lweyi ativaka Tatana loko ange N'wana, ni lweyi a N'wana arandraka a kumupfuletela akuva amutiva.

I Yhn 5:20

Haswitiva ha kunene leswaku a N'wana wa Xikwembu Nkulukumba atile, ahi nyiki vutlhari byakuva hitiva leswi inga xihlayelamfuri. Kutani hi le kuxihlayelamfuri, ku N'wanake, Yesu Kriste. Yene i Xikwembu Nkulukumba hi ntshima, na anga vutomi lebyi byingahelikiki.

I Yhn 2:12

Nan'witralela vana vanga, hikusa a swidoho swenu swidrivaleliwile hinkonta yatimpswalu ta vumhunu bya Kriste.

I Yhn 2:1

Vana vanga, nin'witralela timhaka leti, akuva n'wingatxhuki n'widoha. Kambe loko mhunu adohile hini mupfuni ku Tatana, anga Yesu Kriste lweyi wa kululama.

Tito 2:6

Tratriya na vone lava vampswha leswaku vatikhoma;

II Kor 4:6

Hikusa Xikwembu Nkulukumba ati: A livaningo dritavaninga amunyameni. Hikusa Yene mfuri a vaningile timbilwini teru, akuva hi vaninga kutiveni ka lidrumu dra Xikwembu Nkulukumba, amombyeni wa Yesu Kriste.

Yohana 16:3

Vatayentxa swoleswo hikusa avativanga Tatana, nambi mine.

Yohana 14:9

Yesu aku ku yene: Nitrhami na n'wine nkama wunyingi, kutani awusinitiva, Filipi? Lweyi anivoniki, avoni Tatana. Kutani uhlaya ha yini uku: Hikombe Tatana?

Yohana 8:19

Vaku ku yene: A tatana waku akwini? Yesu ayangula, aku: An'winitivi, nambi ali Tatana wanga an'wimutivi; loko afa n'winitivile, an'witativa ni Tatana wanga.

Mt 13:38

a nsimu i tiko. A mbewu yinene hi vana va Mfumu wa Xikwembu Nkulukumba, a lihungu drikombisa a vana va lweyi mfani.

Mt 13:19

Lweyi ayingelaka a ritu dra Mfumu, kambe angadriyingelisisi, kuta lweyi mfani, awutla leswi swibyaliwiki ambilwini yake; hi yene lweyi abyaliwiki andleleni.

I Tmt 5:1

Ungakhate hi kunonon'hwa a mhunu lwe adhuwhaliki, wa xinuna, kambe mutratriye swanga hi tatana waku, lava vampswha, swanga vamakwenu,

Yohana 17:21

akuva hinkwavu vava mun'we, swanga ha wene Tatana unga ku mine, na mine ninga ku wene, akuva na vone vava ku hine, kutani misava mitapfumela leswaku unirumile.

Mt 5:37

Swadringana kuhlaya Im'na, loko kuli im'na, ni Im'hi, loko kuli im'hi. Hinkwaswu leswi switlulaka leswo, i ntiro wa kupfa ku lweyi mfani.

Yohana 16:33

Nin'wibyeli leswo akuva n'wivani kurula ku mine. Amisaveni leyi n'witavani nhlomulu, kambe tiyani ntamu, mine nihluli misava.

Mpfuletelo 2:7

Lweyi angani tindleve ayingiseti leswi a Moya wuswibyelaka a makereke: Ku muhluli, nimunyika a kuda a mihandru ya nsinya wa vutomi, lowu wunga Paradiseni dra Xikwembu Nkulukumba.

Mpfuletelo 12:11

Kutani vone vamuhlulile hi ngati ya Hambana, ni vumboni bya ritu dravu avayalanga kunyiketa vutomi byavu kuyatlhasa kufeni.