I Tsl 5:6 - Testamente Ledrimpswha ni Mapsalma

⁶ Hileswo-ke hingakhutriyeleni swanga hi van'wana, kambe a hi veneni lava valavelelaka ni kuhanya hikutikhoma.

I Tsl 5:6 Referans Kwoze

I Ptr 1:13

Hileswo-ke, pfukani n'witiya akuyanakanyeni kwenu, hanyani hi kutikhoma, na n'wilavisela hi kuhetiseka atimpswalu leti n'wibuyiseliwiki tone akutipfuleteleni ka Yesu Kriste;

Mt 24:42

Hitekani-ke, hikusa an'witivi a siku ledri a HOSI yenu yitakata ha drone.

Lk 22:46

Aku ku vone: N'wikhutriyelela yini xana? Pfukani n'wikhongota, n'wingatinhingena kudringiweni.

I Ptr 5:8

Tikhomani, n'wilavelela! A nala wenu, Diyavulosi, aratela swanga hi nghonyama leyi yidruma-drumekaka, na yidjula lweyi yingamuphatlulaka yimuda;

Mpfuletelo 16:15

Lavisani! Nita swanga hi leswi atisaka xiswone muyivi! Ku katekile lweyi a lavelelaka ni lweyi a bekisaka swiyambalo swake, akuva angafambi na angayambalanga ntxhumu, kutani akhomeka tingana amakari ka van'wana!

Tito 2:12

tihidondrisaka leswaku hidrela vusandri ni kutrika kunavela ka misava leyi, akuva hihanya hi kutikhoma, vululami, ni hi vukhongoti, ankameni lowu,

Ef 5:14

Hileswo-ke kuhlayiwi leswaku: Sisimuka wene uyetleliki, pfuka makari ka vakufa, kutani Kriste ata kuvaninga.

Mpfuletelo 3:2

Hiteka, utiyisa leswi swisaliki, leswi afaka swili kusuhi ni kufa, hikusa nikumi leswaku a mintiro yaku amihetisekanga amahlweni ka Xikwembu Nkulukumba wanga.

I Ptr 4:7

A kuhela ka mintxhumu hinkwayu ku kusuhi. Hileswo-ke tlharihani, n'witikhoma n'witakota akukhongota.

I Kor 16:13

Hitekani, tiyani akupfumeleni, vanani vavanuna, vanani lava va ntamu.

I Tmt 2:9

Hi mayentxela wolawo, na vone a vavasati na vayambali a swiyambalu leswi switxhavisekaka, hi kutikhoma mayentxeleni, vangatixongise hi kulehisa misisi, kumbe hi gole ni maperola, kumbe minkhantxu ya kudula,

Tito 2:6

Tratriya na vone lava vampswha leswaku vatikhoma;

I Tmt 3:2

Hileswo-ke, kudjuleka leswaku a bixopo ava lweyi angasolekiki, anga nuna wa nsati mun'we, adaka ni kunwa hi kutipimelela, atikhomaka, angatitlakuxiki, arurelaka vayeni, ativaka kudondrisa,

Va-le-Kolosa 4:2

Khinyelani aku khongoteni, na n'wihiteka hi mitlangelo.

Ef 6:18

N'wikhongota minkama hinkwayu hi kukhongota hi kutitrongohata hi kutlhangana ni Moya wa Kuxwenga, n'wirindra hikutiyisela ni kutitrongohata ni hikukhongotela tinsasi hinkwatu.

Lk 21:36

Hitekani hi minkama hinkwayu, n'wikombela ku Xikwembu Nkulukumba, akuva n'wikuma ntamu wakuphondla ku hinkwaswu leswi switakayentxeka, n'witakota kuyima amahlweni ka N'wana wa Mhunu.

Lk 12:39

Kambe tivani leswaku loko fanga a n'winyi wa yindlu ativile nkama lowu a muyivi ataka ha wone, ina ahitekile, anga pfumelanga leswaku a yindlu yake yitlhanyiwa.

Mt 25:13

Hileswo-ke hitekani, hikusa an'witivi a siku ni nkama.

Mt 25:5

Leswi a mulovoli afaka ahlwela, a vanhwanyana hinkwavu vakhomiwa hi vurongo vakhutriyela.

Mt 13:25

Kambe avusikwini, loko vhanu hinkwavu vayetlelile, kuta nala atatabyala lihungu amakari ka mavele, ava atifambela.

II Tmt 4:5

Kambe wene hiteka atimhakeni hinkwatu, ukhinyela kuxanisekeni, uyentxa ntiro wa mureri wa Ivangeli, uhetisisa a vutireli byaku.

I Tmt 3:11

Aswive xitanu na vone a vavasati, avave lava vafaneliwaka hi xitxhavu, vangavi va mahlevo, vava lava vatipimelelaka akudeni ni le kunweni, vava lava vadumbekaka ku hinkwaswu.

I Tsl 5:8

Kambe hine hingavanhlikanhi, ahitikhomeni, hiyambala xitlhangu xa kupfumela, ni xa lirandru, ni xilembe xa kudumba ka huluko.

Va-le-Filipiya 4:5

Akunabyala kwenu akutibyiwe hi vhanu hinkwavu; a Hosi yi kusuhi.

I Kor 15:34

Ntrhunxekani, kunene, n'wingadoheni; hikusa van'we avana kutiva ka Xikwembu Nkulukumba; nihlaya leswo akuva nin'wiyentxisa tingana.

Mintiro Ya Vapostola 20:31

Hileswo-ke, hitekani. N'widrimuka leswaku ha malembe mararu anisamanga nitrika a kun'wimamulela mun'wana-ni-mun'wana, hi minyembeti avusiku ni nhlikanhi.

Lk 12:37

Makatekile a malandra lawa a n'winyi atakaku abuya, atatamakuma na malavelela. Nihlayelamfuri nili ku n'wine: a n'winyi atatitrimba likhalu a matrhamisisa kudeni, amatirela.

Marka 13:37

Kambe leswi nin'wibyelaka swone, nibyela hinkwavu nili: Hitekani swinene!

Mt 26:38

A moya wanga wuvaviseka hi kutlulisa, swanga hi kufa. Salani kola n'wilavelela na mine.

I Tmt 2:15

kambe atahuluka hi kubeleka a vana, loko vatrhama akupfumeleni ni le lirandrwini, ni le kubasisiweni hi kutikhoma.

Ef 2:3

Ku vone na hine hinkweru mfuri afa khale hi famba hi kunavela ka nyama yeru, hiyentxa kunavela ka nyama yeru ni miyanakanyu yeru. Hi ntumbuluku afa hili vana vamahlundru, swanga hi van'wana.

I Tsl 4:13

Kambe anirandri, vamakweru, leswaku n'wikohla hi timhaka ta lava vatiyetleleliki, n'wingativaviseka swanga hi van'wana lava vangeke na kudumba.

I Tsl 5:10

lweyi ahifeliki akuva nambi hilavelela, nambi hikutriyela hita hanya kun'we na Yene.