I Tsl 4:7 - Testamente Ledrimpswha ni Mapsalma

⁷ Xikwembu Nkulukumba angahi vitanelanga vuwoswini, kambe akuxwengeni.

I Tsl 4:7 Referans Kwoze

Ef 1:4

Swanga hileswi ahi langiki na misava mingasinava kone, akuva hiva vaxwengi, hili lava vangeke na xidoho mahlweni kwake, ni le lirandrwini drakwe.

II Tmt 1:9

lweyi anga hi huluxa, anga hi vitana hi vitaniwo ledra kuxwenga, kunge ha mintiro yeru, eke ku hi vitana hi kutirandrela kwake, ni hi timpswalu leti hinga hananiwa tone ha Kriste Yesu, na minkama leyi mingahelikiki mingasanganava kone,

II Ptr 2:10

ngopfu-ngopfu lava tinyiketelaka kunaveleni lokunfani ka nyama, ni kusandra a ntamu wa vuhosi; vanivurena, avanaxitxhavu ku mintamu ya le tilweni, kuko va misola.

Gl 5:19

Kambe a mintiro ya nyama mile livaleni, minga leyi: A vumbuye, ni vuwoswi, ni xambya,

I Tsl 2:3

Hikusa akurera kweru akavanga hi kukanganyisa, nambi ha xambya, nambi hi marengu.

Va-Heberu 12:14

Djulani kurulisana ni hinkwavu, ni kutixwengisa, handle ka leswo, akuna mhunu angaswikotaka kuvona Hosi,

Ef 4:19

lava Valahliki kuyingiseta hinkwaku, vatinyiketa vusombolokini, akuva hikunavela ka swa xambya, vayentxa vubihi hinkwabyu.

Ef 4:1

Hileswo-ke na n'wikombela, mine mubohiwa Hosini, leswaku n'wifamba hi laha swifanekelaka ku vitaniwa loku n'wivitaniwiki ha kone;

Ef 2:10

Hikusa hi yentxiwa ha Yene, hi vumbiwiki ku Kriste Yesu mintirweni leminene, yoleyo Xikwembu Nkulukumba hi ntshima angayibekisa akuva hi famba ku yone.

Rm 1:7

Nitralela n'wine hinkwenu, Xikwembu Nkulukumba an'wirandriki, an'wivitaniki a kuhanyela Yene. Ingi Xikwembu Nkulukumba, Tatana weru, na Yesu Kriste Hosi yeru vangan'winyika timpswalu ni kurula.

I Kor 1:2

ku Kereke dra Xikwembu Nkulukumba ledri dringa Korinto, lava vaxwengisiwiki ku Kriste Yesu, vavitaneliwiki kuva vahlawuleki, ni hinkwavu, lava mimbangwini hinkwayu vakhongotaka a vito dra Yesu Kriste, Hosi yavu ni yeru.