I Tsl 4:6 - Testamente Ledrimpswha ni Mapsalma

⁶ Kungave ni mun'we lweyi a honelaka makwavu kumbe ku mukhunguvanyisa, hikusa a Hosi i mudrihiseli wa hinkwaswu leswo, swanga hi leswi hin'wibyeliki kusunguleni, nakone hatiyisa.

I Tsl 4:6 Referans Kwoze

Va-Heberu 13:4

A vukati abyi bekeliwi xihluwa hi vhanu hinkwavu, na byone likuku byinga nyenyentsisiwi, kambe loko vali vayentxi va vumbuye ni vuwoswi, Xikwembu Nkulukumba ata vayavanyisa.

Rm 12:19

Varandriwa, n'wingayavanyisi hi mavoko yenu. Trikelani mahlundru ya Xikwembu Nkulukumba, hikusa a Hosi yiti a Matralweni ya kuxwenga: A kudrihisa kufanele mine, hi mine nitaka nyika a hakelo.

Rm 1:18

Hikuva amahlundru ya Xikwembu Nkulukumba matikombisa Matilweni ahenhla ka swidoho hinkwaswu ni vubihi hinkwabyu lebyi byindrulutaka xihlayelamfuri hi vubihi.

Yakobe 5:4

Lavisani a muholo wavatiri lava vatrhoveliki masin'wini yenu lowu nw'ingavakanganyisa hi kuvayivela; kutani a kubandlukana ka vatrhoveli kutlhasi tindleveni ta Xikwembu Nkulukumba wa ti yimpi.

Yakobe 2:6

Kolahu-ke, n'wine van'wana n'widrela swisiwana. Kambe xana ahivapfundri lava van'wixanisaka, ahivone lava van'wikokoviselaka a tihubyini ta kuyavanyisa xana?

Gl 5:21

kutrhohoka, kupopswa, makwanga, ni leswi swifanaka na swone; leswi nin'wibyelaka, Swanga hi leswi ninga n'wibyela khale, leswaku avayentxi vakukari vangadi pfindla dra mfumu wa Xikwembu Nkulukumba.

Rm 13:4

hikusa amufumi i mutireli wa Xikwembu Nkulukumba, akuva akuyentxela leswi swinene, kambe loko uyentxa leswi swakubiha, txhava; hikusa a himahala a tameliki lipanga, yene akuva mutireli wa Xikwembu Nkulukumba, lweyi adrihisa, akuva akhatisa lweyi a yentxaka leswi swakubiha

Lk 12:5

Nitan'wibyela lweyi n'wifanekelaka kuva n'wimutxhava; txhavani Xikwembu Nkulukumba, lweyi loko adlayile, angani ntamu wa kutxukumetela akheleni. Ahina nan'wibyela txhavani yelweyo.

II Tsl 1:8

Atata hi le makari ka malangavi ya ndrilo, a kutatakhatisa lava vayalaka Xikwembu Nkulukumba, ni lava vangayingisetikiki a Ivangeli ya Hosi Yesu Kriste.

Ef 5:6

N'winga kanganyisiweni hi mhunu hi maritu ya kuka ndlela. Hikusa hikola ka leswo, amahlundru ya Xikwembu Nkulukumba mawa henhla ka vana lava vangayingisetikiki.

Ef 4:17

Hikolahu ka leswi, na n'wibyela, ni kutiyisa aHosini leswaku, n'wingaha fambeni swanga hi va-Matiko, a miyanakan'wini yavu ya kuka-ndlela.

Marka 10:19

Wayitiva a milawu: Ungayentxi vumbuye, ungadlayi, ungayivi, ungalumbeti mhunu kuloni hi kuhemba, ungakanganyisi van'wana, txhava a tatana waku ni mamana waku.

Ef 4:28

Lweyi afaka ayiva angaha yive! Kambe aatire leswinga swinene hi ntshima ya mavoko yake, akuva atakota a kupfuna ni lava vapfumalaka.

Lk 16:28

Hikusa nina ntlhanu wa vamakweru akuva Lazaro aya vamamulela, suka vatata na vone ku mbangu lowu wa kuxaniseka.

II Kor 7:11

Hikusa lavisani, akuvaviseka kwenu loku, kurandriwaka hi Xikwembu Nkulukumba, kuvanga ku khinyela loku kulu; ni hi kuyangulela, ni hi kuhlundruka, ni hi kutrhava, ni hi kunavela, ni hi kuhiseka, ni hi kudriha! N'wivonekisi hinkwavu leswaku an'wina nandru amhakeni leyo.

I Tsl 2:11

Swanga hileswi n'wiswitivaka, malayela lawa hiviki na wone ni kutxhavelela ku mun'wana-ni-mun'wana, swanga tatana lweyi alayaka n'wanakwe;

Va-Heberu 2:6

Ntrhaku, kavi ni mhunu a bekiki vumboni ku mbangu mun'we aku: We Xikwembu Nkulukumba a mhunu i yini, akuva umudrimuka xana? Kumbe n'wana wa mhunu, i yini akuva utamuyendrela xana?