I Tsl 3:3 - Testamente Ledrimpswha ni Mapsalma

³ ni kuva n'wingatrekatrekisiwi hi tinxanisa leti; n'wine n'waswitiva ngopfu leswaku hileswi hirindrelaka swone.

I Tsl 3:3 Referans Kwoze

Mintiro Ya Vapostola 14:22

lomu vatiyisiki vapfumeli, ni kuvaleleta leswaku vaya mahlweni vatiyisela kupfumeleni, ni kuvadondrisa leswaku hikola ka mahlomulu lawa manyingi, swifaneli hinhingena a Mfun'wini wa Xikwembu Nkulukumba.

Rm 5:3

Swinge leswo ntsena, kambe hi titwalisa ni le mahlomulweni, hi kutiva leswaku a mahlomulo ma vanga kutiyisela,

Mintiro Ya Vapostola 9:16

Hikusa nitamukomba mahlomulu hinkwawu atakafanela kumayingela hinkonta ya vito dranga.

Yohana 16:33

Nin'wibyeli leswo akuva n'wivani kurula ku mine. Amisaveni leyi n'witavani nhlomulu, kambe tiyani ntamu, mine nihluli misava.

I Kor 15:58

Hileswo-ke, vamakweru lava varandrekaka, tiyani n'wingatrekatreki, n'wivani nkhinkhi yikulu antirweni wa Hosi minkama hinkwayu, na n'witiva leswaku a ntiro wenu a Hosini ahi wa mahala.

Mintiro Ya Vapostola 21:13

Kolahu Pawulosi ayangula aku: Xana n'wiyentxa yini, n'widrila, n'witrhova a mbilu yanga? Hikusa mine anitibekiselanga kubohiwa ntsena, kambe ni kufa a Yerusalema hi vito dra Hosi Yesu.

I Tsl 5:9

Hikuva Xikwembu Nkulukumba angahibekelanga mahlundru, kambe hikuma huluko ha Hosi yeru Yesu Kriste,

I Kor 4:9

Hikuva nipimisa leswaku Xikwembu Nkulukumba ahibeki, hine vapostola, swanga va vugamu; hikombisiwa swanga hiyavanyiseliwi lifu, hikuva hindruluki xihlamaliso amisaveni, amahlweni ka tintrumi ni ka vhanu.

I Ptr 2:21

Ke n'wivitaneliwi swoleswo, hikusa na yene Kriste axanisekeli n'wine ava an'wisiyela a xikombiso, akuva n'wilandra a mintila yake,

Va-le-Kolosa 1:23

Loko kunene, n'witrhamile kupfumeleni, n'wisimekiwa n'witiya, n'winga titrhindreti kule ni kulavisela ka Ivangeli, leyi n'wiyiyingeliki yihlayiwa ku vhanu hinkwavu vahansi ka misava, leyi mine Pawulosi, ni ndrulukiki murumiwa wa yone.

Ef 3:13

Hikolahu nin'wikombela n'winga tikarati hi tinxanisa leti ni taka hundra hi le kutone, hinkonta yenu. Leswo swifanela kuva mhaka yenu ya lisima.

Mintiro Ya Vapostola 2:25

Hikusa Davida ahlayi hitakwe aku: Afa nivona a Hosi yanga nkama hinkwawu amahlweni kwanga; hikuva ale tlhelweni dranga dra xineneni, akuva ningatrekatrekisiwi.

Yohana 16:2

Vatan'wihlongola amasinagogeni; na swone a nkama wata lowu mun'wana-ni-mun'wana lweyi atakan'widlaya atakapimisa leswaku atirela Xikwembu Nkulukumba.

Lk 21:12

Kambe leswo na swingasina humelela, vatan'wikhoma van'wixanisa, van'winyiketa masinagogeni ni le bohelweni, van'wiyisa ku vafumi ni le tindruneni, hinkonta ya vito dranga,

II Tmt 1:8

Hileswo-ke ungave ni tingana hi vumboni bya Hosi yeru, nambi kakuva ha mine, ninga mubohiwa wa yone; kambe yingela kuvaviseka kun'we na mine, a Ivhangeleni leyinene, hi ntamu wa Xikwembu Nkulukumba;

II Tsl 1:4

N'wine n'wimhaka ya kutikulisa kweru makari ka makereke ya Xikwembu Nkulukumba hinkonta ya kulehisa ka mbilu, ni ka vupfumeli loku n'wikukombisaka ku tinxaniso hinkwatu ni kunonon'hwa loku n'winga ni kukurwala.

Mpfuletelo 2:13

Nitiva lomu utrhamaka kone, lomu kungani xitrhamu-xa-vufumi xa Sathana, ni leswi wahabekisaka a vito dranga, na ungalandrulanga a kupfumela ku mine, nambi amasikwini ya Antipasi, a mboni yanga ni mudumbeki wanga, lweyi adlayiwiki amakari kwenu, lomu Sathana atrhamaka kone.

Mpfuletelo 2:10

Ungatxhave ntxhumu ku leswi utakaxanisiwa ha swone. Vona, Diyavulosi atatxukumetela van'we ku n'wine abohelweni, akuva n'widringiwa, mfuri n'witavani nhlomulo wa khume dra masiku. Vana lweyi adumbekaka kukota uyatlhasa akufeni, nitakunyika a ngiyana ya vutomi.

Va-le-Filipiya 1:28

N'wingavi ni vutoya ha ntxhumu hi lava valwaka na n'wine; leswo ku vone, kunene, i xikombiso xa kusuva, kambe ku n'wine, xiva xikombiso xa kuhuluka; leswi swipfa ku Xikwembu Nkulukumba.

Mintiro Ya Vapostola 21:11

loko atlhasi ku hine, ateka bandi dra Pawulosi, atitrimba minenge ni mavoko aku: A Moya wa Kuxwenga wuhlaya leswaku anuna lweyi a bandi ledri dringa drakwe, a va-Yuda vata mutrimbisa xiswoswi a Yerusalema, vamunyiketa amavokweni ya va-Matiko.