I Tsl 2:12 - Testamente Ledrimpswha ni Mapsalma

¹² akuva n'wifamba hi laha swifanekelaka Xikwembu Nkulukumba, lweyi an'wirambaka kuva n'wiva mfun'wini wakwe ni lidrun'wini.

I Tsl 2:12 Referans Kwoze

Ef 4:1

Hileswo-ke na n'wikombela, mine mubohiwa Hosini, leswaku n'wifamba hi laha swifanekelaka ku vitaniwa loku n'wivitaniwiki ha kone;

I Yhn 2:6

Lweyi aliki atrhama ku Yene afanela kufamba swanga hi leswi na yene afambisiki xi swone.

I Tsl 4:12

akuva n'wifamba hikululama ni lava vanga handle na n'wingavileli ntxhumu ni mun'we.

I Ptr 5:10

Nakone, Xikwembu Nkulukumba wa timpswalu hinkwatu, lweyi an'wivitaneliki akuphatimeni kwake loku kungahelikiki, ku Kriste Yesu, ntrhaku ka kuva n'wixaniseki kutrongonyana, atan'wipfuxeta, an'witiyisa ava an'winyika ntamu.

I Tsl 5:24

Lweyi a n'wihlawuliki a dumbekile, na ata yentxa leswi a dumbisiki swone.

Va-le-Kolosa 1:10

akuva n'wifamba hi kululama amahlweni ka Hosi, n'wimutrhavisa ku hinkwaswu, n'wibeka mihandru amintirweni hinkwayu leminene, na n'wikula akutiveni ka Xikwembu Nkulukumba;

Ef 5:8

Khale n'wine afa n'wimunyama, kambe swoswi n'wilivaningo a Hosini; Fambani swanga hi vana va livaningo.

I Ptr 2:9

Kambe n'wine lixaka dra kuhlawuliwa, vuprista bya vuhosi, tiko drakuhlawuleka, xitrhungu xilumbaka ntsena Xikwembu Nkulukumba, akuva n'witivisa a vunene bya lweyi an'wivitaniki amunyameni, an'witisa alivaningweni drakwe dra kuhlamalisa;

I Tsl 4:1

A vugan'wini vamakweru, ha n'wikombela ni kun'witratriya ku Hosi Yesu leswaku, swanga hileswi n'wiyamukeliki ha hine leswi n'wifanekelaka kufambisa xiswone akuva n'witatrhavisa Xikwembu Nkulukumba, fambisani xiswoswo, akuva n'wiya mahlweni hi kuyandra ngopfu.

Va-le-Kolosa 2:6

Xileswo swanga heswi n'wiyamukeliki Hosi Yesu Kriste, hi ndlela yoleyo n'wifanele kuhanya n'witlhangana na yene,

Ef 5:2

N'wihanya alirandrwini, swanga hileswi Kriste na yene an'wirandriki, lweyi a tinyiketiki havuswakwe hinkonta yeru, swanga gandrelo ni xitlhavelo ku Xikwembu Nkulukumba.

Gl 5:16

Kambe nili ku n'wine: hanyani hi kulandra Moya, n'winga yentxi hi kunavela ka nyama.

I Kor 1:9

Xikwembu Nkulukumba awadumbeka, lweyi ha Yene n'wivitaniweliki kuva kun'we ni N'wanakwe Yesu Kriste, Hosi yeru.

Va-le-Filipiya 1:27

N'wifanela kutifambela hi vunene hi kulandra hi Ivangeli ya Kriste. Akuva nambi ni djula kuta, nita nitan'wivona, nambi ninge kone, niyingela timhaka tenu ta leswaku, n'wile moyeni mun'we, n'wilwa kun'we avupfumeleni bya Ivangeli.

I Ptr 3:9

n'wingatlheliseli vubihi hi vubihi kumbe xiruku hi xiruku, kambe hi kuhambana ni leswo, hlayelani maritu manene hikusa n'wivitaneliwi leswo, akuva n'wiyamukela a pfindla dra nkateko.

II Tmt 1:9

lweyi anga hi huluxa, anga hi vitana hi vitaniwo ledra kuxwenga, kunge ha mintiro yeru, eke ku hi vitana hi kutirandrela kwake, ni hi timpswalu leti hinga hananiwa tone ha Kriste Yesu, na minkama leyi mingahelikiki mingasanganava kone,

Rm 8:28

Haswitiva hine leswaku hinkwaswu switlhanganela akuva switirisa ku lava varandraka Xikwembu Nkulukumba, vanga lava avavitaniki hi kungu drakwe.

Rm 8:30

Lava ava hlawuliki, lavo na vone ava vitanile, ni lava avavitaniki na vone avahlayile valulami, ni lava avahlayiki valulami avatwalisile.

II Kor 4:6

Hikusa Xikwembu Nkulukumba ati: A livaningo dritavaninga amunyameni. Hikusa Yene mfuri a vaningile timbilwini teru, akuva hi vaninga kutiveni ka lidrumu dra Xikwembu Nkulukumba, amombyeni wa Yesu Kriste.

II Tsl 1:10

Dri tava siku ledri a Hosi yitaka tela kubekeliwa xihluwa hi hinkwavu ni vahlawuliwa va yone, ni kukutxiwa hi hinkwavu lava yamukeliki vupfumeli. Na n'wine mipfumeli mhaka yeru ya Ivangeli.

II Ptr 1:3

Hileswi hi ntamu wakwe wa vukwembu (vunkulukumba bya le henhla-henhla), ahi hananiki hinkwaswu leswifaneliki avutomi ni lirere, ni hikutivisisa lweyi ahivitaniki akuphatimeni kwake ni ntamu wakwe.

III Yhn 1:6

Vone lava vangabeka vumboni bya lirandru draku mahlweni ka nhlengeletanu. Utava uyentxa swone loko uvalongelela swa liyendro dravu, kutlhasa vugan'wini, hi ndlela leyi yifanelaka ya Xikwembu Nkulukumba;