I Tsl 2:11 - Testamente Ledrimpswha ni Mapsalma

¹¹ Swanga hileswi n'wiswitivaka, malayela lawa hiviki na wone ni kutxhavelela ku mun'wana-ni-mun'wana, swanga tatana lweyi alayaka n'wanakwe;

I Tsl 2:11 Referans Kwoze

Va-Heberu 13:22

Na n'witratriya vamakweru, leswaku n'wilehisela mbilu ku maritu lawa ya kun'witiyisa. Hikuva nin'witralela mange mangani.

I Tmt 5:21

Nikuleleta hi ntamu, mahlweni ka Xikwembu Nkulukumba ni le ku Hosi Yesu Kriste, ni le ku tintrumi leti tihlawuliwiki, leswaku ubekisa a swileleto leswi, ungarangisi swiyavanyiso swa magugu, ungayentxi ntxhumu hi xihlawu-hlawu.

II Tsl 3:12

Hidjula kun'wileleta hi kuswihanyisisisa ku lava kunhati, hi vito dra Hosi Yesu, leswaku a vatire hikurula ni kukuma kati ledri vadaka.

I Tsl 5:11

Hiswoswo, khongotelanani n'wiyakisana van'we ku van'wana swanga hi laha n'wiyentxiki ha kone kutlhasa swoswi.

I Tsl 2:7

nambi afa hiswikotile, kun'wibindra, swanga mupostola wa Kriste, kambe hidjuli kun'wibekisa hi kunabyala swanga mamana lweyi a vonelelaka vanakwe.

Tito 2:15

Hlaya a mintxhumu leyi na utratriya uva ukawuka hi ntamu hinkwawu; kungavi na mhunu lweyi akudrelaka.

Tito 2:6

Tratriya na vone lava vampswha leswaku vatikhoma;

I Tmt 6:17

Tratriya a vafuyi va minkama leyi leswaku vangatikulisi, ni leswaku vangabeki a kudumba kwavu ku vukosi lebyi byingatiyikiki; kambe ku Xikwembu Nkulukumba lweyi ahinyikaka hinkwaswu hi kuyandra, akuva hikuma a kutrhava;

I Tmt 6:13

Nakutratriya amahlweni ka Xikwembu Nkulukumba lweyi ahanyisaka hinkwaswu, ni le ku Kriste Yesu, lweyi amahlweni ka Ponciu Pilatu, abekiki a vumboni bya kutihlaya loku kunene,

I Tmt 6:2

Nakone lava vangani vinyi lava na vone vanga vapfumeli, vangavadreli hi leswi vanga vamakwavu; kambe avavatireli ngopfu, hikusa lava vatireliwaka i vapfumeli ni varandriwa. Dondrisa a mintxhumu leyi hinkwayu na utratriya.

I Tmt 5:7

Valelete leswo, akuva kungavi na ntxhumu lowu vangasoliwaka ha wone.

I Tsl 4:1

A vugan'wini vamakweru, ha n'wikombela ni kun'witratriya ku Hosi Yesu leswaku, swanga hileswi n'wiyamukeliki ha hine leswi n'wifanekelaka kufambisa xiswone akuva n'witatrhavisa Xikwembu Nkulukumba, fambisani xiswoswo, akuva n'wiya mahlweni hi kuyandra ngopfu.

Mintiro Ya Vapostola 20:2

Loko atremakanyi matiku lawo, ni kutiyisa a vadondrisiwa hi mintratriyo minyingi, akongoma atikweni dra Girika,

Tito 2:9

Tratriya swikarawa leswaku swiyingiseta a vinyi vaswone ku mintxhumu hinkwayu, swiva leswi switrhavisaka, na swingavi vakaneti;

Ef 4:17

Hikolahu ka leswi, na n'wibyela, ni kutiyisa aHosini leswaku, n'wingaha fambeni swanga hi va-Matiko, a miyanakan'wini yavu ya kuka-ndlela.

Lk 16:28

Hikusa nina ntlhanu wa vamakweru akuva Lazaro aya vamamulela, suka vatata na vone ku mbangu lowu wa kuxaniseka.

I Tsl 4:6

Kungave ni mun'we lweyi a honelaka makwavu kumbe ku mukhunguvanyisa, hikusa a Hosi i mudrihiseli wa hinkwaswu leswo, swanga hi leswi hin'wibyeliki kusunguleni, nakone hatiyisa.

I Tsl 5:14

Ha n'wikombela mfuri vamakweru, akuva n'wiluleka lava vakukala vangatibekisi, tiyisani lava vaheliki timbilu, byatrhani lava vagome, n'wilehisela hinkwavu ambilu.

III Yhn 1:4

Akunyoxa kukulu i kutiva leswaku a vananga vahanya hi kufambelana ni xihlayelamfuri.

II Tsl 2:5

Xana a n'widrimuki leswi na n'wibyelile swa mintxhumu leyi hinkwayu, loko nehe na n'wine?