I Tsl 1:5 - Testamente Ledrimpswha ni Mapsalma

⁵ Hikuva, a Ivangeli yeru ayivanga ku n'wine hi ritu ntsena, kambe hi ntamu ni hi Moya wa Kuxwenga, ni hi kutiyisa loku kaxihlayelamfuri swanga hileswi n'wiswitiviki leswi hihanyisiki xiswone makari kwenu, hi lirandru na n'wine.

I Tsl 1:5 Referans Kwoze

Marka 16:20

A vadondrisiwa vasuki vayarera a Ivangeli amimbangwini hinkwayu. Na Hosi yivapfuna ni kutiyisa kurera kwavu hi swikombiso leswi afaka swilandrela a kurera kwavu.

I Tsl 2:13

Nakone ku leswo hi tlangela Xikwembu Nkulukumba, hikukhinyelela, hi kuva n'wiyamukeli ritu dra Xikwembu Nkulukumba hi kurera kweru, ledri driviki ritu ledri n'wiyamukeliki. Hikuva afaka dringe ritu dra vhanu, kambe afaka drili ritu dra xihlayelamfuri, ledri dritiraka ku n'wine vapfumeli.

I Ptr 1:12

Ku vone kupfuleteliwile leswaku afa vangatitireli, kambe afa vatirela n'wine ku mintxhumu leyi swoswi mitivisiwiki ku n'wine hi lava van'wirereliki a Ivangeli hi ntamu wa Moya wa Kuxwenga, lowu wurumeliwiki hi le Tilweni, a mintxhumu leyi nambi tintrumi tidjulisisaka kun'witiva.

II Tsl 2:14

Hikola ka Ivangeli yeru, Xikwembu Nkulukumba an'wivitaneli kutava ni xiyenge xa lidrumu dra Hosi yeru Yesu Kriste.

Va-le-Kolosa 2:2

Akuva a timbilu tavu titiyisiwa, ni kuva vatlhanganisiwa kun'we alirandrwini, akuva vava ni kufuya loku kunga ni kudumbeka loku kakutiya, akuva vayingelisisa swinene a kungu dra Xikwembu Nkulukumba, anga Kriste,

I Kor 4:20

hikuva a Mfumu wa Xikwembu Nkulukumba awutiyisiwi hi ritu, kambe hi ntamu.

Ef 3:20

Hidrumisa Xikwembu Nkulukumba lweyi hi ntamu lowu ahinyikaka ntamu wa kuyentxa kutlula ngopfu ku leswi hiswikombeliki kumbe haswikota kupimisa.

Rm 1:16

Aninatingana hi Ivangeli ya Kriste. Hikusa kunene hi wone ntamu wa Xikwembu Nkulukumba wa kuhanyisa hinkwavu lava pfumelaka, kusungula a va-Yuda ni va-Matiko.

Mintiro Ya Vapostola 11:21

A voko dra Hosi afa drili na vone; kutani a vhanu vanyingi vapfumela, vandrulukela ku Hosi.

II Tmt 2:10

Hi swoswo ni tiyisela ku hinkwaswu hinkonta ya lava vahlawuliwiki, akuva na vone vakuma kuhuluka loku kunga ku Kriste Yesu, kun'we ni kuphatima loku kungahelikiki.

II Tmt 2:8

Drimuka Yesu Kriste, lwanga pfuka kufeni, wa lixaka dra Davida, hilaha nihlayaka ha kone a Ivhangeleni yanga,

Va-le-Filipiya 4:9

Leswi na swone n'widondriki, ni kuyamukela, ni kuswiyingela, ni kuswivona ku mine, swiyentxani; Xikwembu Nkulukumba wa kurula atava na n'wine.

II Ptr 1:10

Hileswo-ke, vamakweru, hundrisani a kukhinyela ngopfu, kutiyisa vitaniwo ni hlawuliwo drenu; hikusa loko n'wiyentxisa xileswo, n'wingati khunguvanyeka ni kan'we.

I Ptr 1:3

Akukhensiwe Xikwembu Nkulukumba, Tatana wa Hosi yeru Yesu Kriste, lweyi hikola ka lirere drakwe ledri drikulu ngopfu, ahitumbuluxiki ka vubiri, akuva hivani kulavisela loku kuhanyaka, hikola ka kupfuka ku lava vakufa ka Yesu Kriste amakari ka vafi,

Va-Heberu 6:11

Kambe hi navela leswaku mun'wana-ni-mun'wana wenu akombisa nkhinkhi leyinga yin'we, akuva a kulavisela kwenu kuva loku kutiyiki kutlhasa vugamu;

Va-le-Filipiya 2:13

Hikusa Xikwembu Nkulukumba hi Yene lweyi a tiraka ku n'wine, i ngava hi kuswinavela kumbe hi kuswiyentxa mayelana ni kurandra kwake.

Ef 2:10

Hikusa hi yentxiwa ha Yene, hi vumbiwiki ku Kriste Yesu mintirweni leminene, yoleyo Xikwembu Nkulukumba hi ntshima angayibekisa akuva hi famba ku yone.

Gl 5:5

Hikusa hine, hikola ka Moya hi rindrela hi kulavisela ka kululama loku kutaka hi kupfumela.

Gl 2:2

Niyi kone hi kupfuleteliwa; nivatlhamuxeli Ivangeli leyi ni reraka ku va-Matiko, kambe ni swiyentxi xihundleni ku lava afaka va voneka swanga hi loko vali kutwala ka ntamu ku van'wana, akuva kuyentxeka leswaku, ninga trutrumi, kumbe ni va lweyi atrutrumiki mahala.

II Kor 3:6

lweyi ahinyikiki ntamu wa kuva vatireli va xipfumelelanu lexi ximpswha, na inge xipfumelelanu xa nawu wa kutraliwa, kambe xa Moya; hikusa a nawu wa kutraliwa wadlaya, kambe a Moya wahanyisa.

I Kor 10:33

swanga hi leswi na mine nitrhavisaka hinkwavu ku mintxhumu hinkwayu, ningatidjuleliki leswi swipfunaka mine, kambe nidjulaka leswi swipfunaka lava vanyingi, akuva vahuluxiwa.

I Kor 3:16

Xana an'wiswitivi leswaku n'wi Tempele dra Xikwembu Nkulukumba, ni leswaku a Moya wa Xikwembu Nkulukumba wutrhama amakari kwenu?

I Kor 3:6

Mine nibyalile, Apolo atxheleteli mati, kambe Xikwembu Nkulukumba hi yene amilisiki ava akulisa;

I Kor 1:24

Kambe ku lava vavitaniwiki, va-Yuda kumbe va-Girika, Kriste i ntamu wa Xikwembu Nkulukumba ni vutlhari bya Xikwembu Nkulukumba.

Rm 2:16

Hi siku ledri Xikwembu Nkulukumba, hikola ka Kriste Yesu, atayavanyisa leswi swifihliwiki swa vhanu, swanga hileswi a Ivangeli leyi yinene yingahlayaka;

Mintiro Ya Vapostola 16:14

Mun'we wansati atxhuliwaka Lidiya, muxavisi wa swivunguvungu, wa muti wa Tiyatira, afaka atxhava Xikwembu Nkulukumba, afa ahiyingela swinene, kutani a Hosi yimupfula mbilu akuva atikaratela leswi afaka swihlayiwa ha Pawulosi.

Mintiro Ya Vapostola 2:33

Hileswo-ke atiki awatlakuxiwa axineneni xa Xikwembu Nkulukumba, ayamukeliki ni xidumbiso xa Moya wa Kuxwenga ku Tatana, atxheli ahenhla kweru leswi na n'wine n'wiswivonaka ni kuswiyingela.

II Ptr 1:19

Xileswo, hini kudridumba ngopfu swinene a ritu dravuprofeta, kutani n'wine n'wiyentxa swone loko n'widriyingelisisa, hikusa dri swanga hi motre lowu vaningaka mbangwini wa kumphuma, byiko byixa, na yo nyeleti ya mixo yi vaninga timbilwini tenu.

I Ptr 5:3

n'wingave swanga lava vafumaka hi kubindra lava n'winyikiwiki kuvarangela, kambe swanga swikombiso ku ntlhambi,

Va-Heberu 10:22

A hitrhindrekeleni hi mbilu leyi nene, ni hi kupfumela loku tiyiki, na hili ni timbilu leti tibasisiwiki, ni kubasisiwa lipfalu ledri nfani, ledri n'winhlampsiki hi mati lawa ya kubasa.

Lk 1:1

Murandriwa Teofilo: Lava vanyingi vadringisile kudrungula matimu ya leswi swihumeleliki amakari kweru,

Rm 15:13

Ingi Xikwembu Nkulukumba, lweyi kulavisela kupfaka ku yene, aan'witate hi kutrhava ni kurula kupfumeleni kwenu, akuva n'wiva lava vayandriki akulaviseleni, hi ntamu wa Moya wa Kuxwenga.

I Kor 9:14

Xiswoswo, a Hosi yileleta lava vareraka a Ivangeli leswaku vahanya hi Ivangeli.