I Tmt 6:1 - Testamente Ledrimpswha ni Mapsalma

¹ Lava vanga hansi ka mpinga, vanga swikarawa, avative vava vebekisa leswaku a vinyi vavu vafanekeliwa hi xihluwa hinkwaxu, akuva a vito dra Xikwembu Nkulukumba ni dondro swingasoliwi.

I Tmt 6:1 Referans Kwoze

Tito 2:5

vava lava vatikhomaka, lava vabasiki atimbilwini, vabekisaka ha hombe a mindangu yavu, lava vayingisetaka a vanuna vavu, akuva a ritu dra Xikwembu Nkulukumba dringahlayeliwi kubiha.

Rm 2:24

Hikusa, swanga hileswi kutraliwi: A vito dra Xikwembu Nkulukumba drisandriwa amakari ka va-Matiko hinkonta yenu.

I Ptr 3:16

kambe swiyentxani hi kunabyala ni xitxhavu, n'wivani lipfalu ledrinene, akuva, ku leswi van'wifingetaka ha swone, vava ni tingana lava van'wifingetaka hi mahanyela yenu lawa manene ku Kriste.

I Ptr 2:12

n'wiva ni mahanyela manene amakari ka va-Matiko, akuva, leswi van'wihlevaka ha swone swanga tinsulavoya, hi kuvona a mintiro yenu leminene, vatatwalisa Xikwembu Nkulukumba hi siku ledri atakavayendrela ha drone.

Gl 5:1

Akuva hi ntrhunxeka, avi Kriste angahi ntrhunxa. Kolahu-ke, trhamani n'witiya, n'wingahatlheli n'witinhingenisela ku mpinga wa wukarawa.

Mintiro Ya Vapostola 15:10

Loko swili xileswi, xana n'wilwela yini ni Xikwembu Nkulukumba, hi kusindrisa vapfumeli lava kuyentxa ntxhumu lowu nambi vatatana veru, nambi hine, ahawukotanga ku wurwala?

Mintiro Ya Vapostola 10:22

Vone vaku: Hipfa hi ku Korneliyo, a ndruna ya dzana, anga wanuna wa kululama, atxhavaka Xikwembu Nkulukumba, lweyi akhensiwaka hi tiko hinkwadru dra va-Yuda, apfuleteliwiki hi ntrumi ya kuxwenga, akuva akuvitanela a kaya kwake, atayingela leswi utakamubyela swone.

Mintiro Ya Vapostola 10:7

Kuti loko a ntrumi leyi yivulavuliki na yene yifambile, Korneliyo avitana vavanuna vabiri ku malandra yake ni drin'we dra masotxha, ledri dra vukhongoti, amakari ka lawa mamutirelaka.

Lk 17:1

Yesu aku ku vadondrisiwa vakwe: Aswikoteki kuva swikhunguvanyiso swingati, kambe yowee lweyi swihumelelaka ha yene.

Mt 11:30

hikusa a mpinga wanga wabyatrheka, na wone ntrhwalu wanga wavevuka.

I Tmt 5:14

Ke nidjula leswaku a vavasati va mafelwa lava vampswha vatekiwa, vavani vana, vafuma tiyindlu tavu, vanganyiki mukaneti nkama wa kuruka;

I Kor 10:32

N'wingave xikhunguvanyiso nambi ku va-Yuda, nambi ku va-Matiko, nambi ku Kereke dra Xikwembu Nkulukumba,

Mt 11:9

Kambe n'wiyivona yini xana? N'wiyivona muprofeta? Im'na! Nan'wibyela; mfuri hi lweyi atlula ni muprofeta.