I Tmt 5:5 - Testamente Ledrimpswha ni Mapsalma

⁵ Hikusa a wansati lweyi anga mufelwa hi xihlayelamfuri, lweyi asaliki vuswake, alavisela ku Xikwembu Nkulukumba, atiyisela amikombelweni ni le swikhongotweni, vusiku ni nhlikanhi;

I Tmt 5:5 Referans Kwoze

I Tmt 5:3

Vana ni swihluwa ku vavasati va mafelwa, lava vanga mafelwa hi xihlayelamfuri.

Lk 2:37

Kutani afaka ali mufelwa, wa malembe lawa madjulaka kuva ya ntlhanu wa makume na makume mararu na mune (84), afa angasuki aNdlwini ya Hosi, na atirela Hosi hi kutitrona ni kukhongota vusiku ni nhlikanhi.

I Ptr 3:5

Hikusa a khale, na vone a vavasati va kuhlawuleka, lava afaka valavisela ku Xikwembu Nkulukumba, afa vatixongisisa xiswoswo, na vatibeka hansi amahlweni ka vanuna vavu,

I Tmt 5:16

Loko kuni wansati wa mupfumeli lweyi angani mafelwa, amalondre, akuva kereke dringabindreliwi, drikota kulondra mafelwa lawa mangalikina n'winyi.

I Kor 7:32

Nidjula leswaku n'wingakarateki. Lweyi angatekangakiki a yanakanya a swa Hosi, leswi angatrhavisisaka xiswone a Hosi.

Lk 18:1

Yesu ayengeta avabyela xifaniso xa leswaku vafanekela kukhongota minkama hinkwayu vangakarali,

Ef 6:18

N'wikhongota minkama hinkwayu hi kukhongota hi kutitrongohata hi kutlhangana ni Moya wa Kuxwenga, n'wirindra hikutiyisela ni kutitrongohata ni hikukhongotela tinsasi hinkwatu.

Lk 18:7

Xana Xikwembu Nkulukumba ana angalulamiseli vahlawuliwa vakwe, lava vabandlukanaka ku yene vusiku ni nhlikanhi, na alehisa mbilu ha vone?

I Kor 7:34

akumeka na ani kuhambana ka miyanakanyu andreni kwake. Kambe a wansati lweyi angatekiwangakiki, ni nhwanyana lweyi angativanikiki ni wanuna, atikaratela a swa Hosi, akuva ali lweyi axwengiki amirini ni le moyeni; kambe lweyi atekiwiki ayanakanya a swa misava, leswi angatrhavisisaka xiswone a nuna wakwe.

Rm 1:12

Hi leswi swaku, akuva kun'we na n'wine, mine nitiyisiwa hi kupfumela loku hinga na kone, ku n'wine ne ku mine.

Rm 1:5

Kuvi hikola kwake hi yamukeliki a timpswalu ni vurumiwa, kuyisela kuyingiseteni ka kupfumela, amakari ka vhanu va-Matiko hinkwawu hinkonta ya vito drakwe.

Mintiro Ya Vapostola 26:7

Hikola ka xidumbiso lexo, a tinxaka teru ta khume na tibiri titiyisaka a kutirela Xikwembu Nkulukumba, vusiku ni nhlikanhi. I hinkonta ya kudumba loko, we hosi Agripa, nirambeliwaka hi va-Yuda.

Mintiro Ya Vapostola 6:1

Amasikwini lawo, hikuva a vadondrisiwa vayandrile, kavini kun'unun'uta ka va-helenista, hinkonta ya va-Heberu, hi leswi a vavasati va mafelwa vavu afaka vasiyiwa akuyaveleni ka siku drin'wana ni drin'wana.

Mintiro Ya Vapostola 9:39

Petrosi afamba navu. Loko atlhasile, vamuntlhantukelisa andlwini ya le henhla. A vavasati va mafelwa hinkwavu vatrandrela Petrosi, na vadrila, vamukomba minkhantxu ni swiyambalu swin'wana leswi swihambiwiki ha Dorkasi.

Mintiro Ya Vapostola 9:41

Petrosi amukhoma hi voko, amusekelekisa; ntrhaku avitana vahlawuliwa ni vavasati lava va mafelwa, kutani avakombisa yene na ahanya.

Va-le-Filipiya 4:6

N'winga hlatiyeleni ntxhumu, kambe atimhakeni hinkwato akukombela kwenu aku tibyiwe hi Xikwembu Nkulukumba, hi kukhongota ni kukombela ni kutlangela.

I Tmt 2:1

Hileswo-ke, hi kusungula, nitratriya, leswaku kuyentxiwa a swikombelo, swikhongoto, kutlangela ni kukombelela a vhanu hinkwavu,

II Tmt 1:3

Ni tlangela Xikwembu Nkulukumba lweyi ni mutirelaka swanga hi vakokwana vanga, hi lipfalu ledri dribasiki; na kone anikaluti kukudrimuka aswikhongotweni swanga vusiku ni nhlikanhi.