I Tmt 5:18 - Testamente Ledrimpswha ni Mapsalma

¹⁸ Hikusa a Matralwa mali: Ungavipfala a nomu wa homu leyi yihulaka a mavele; ni leswaku: A mutiri afanekeli hi hakelo drakwe.

I Tmt 5:18 Referans Kwoze

I Kor 9:14

Xiswoswo, a Hosi yileleta lava vareraka a Ivangeli leswaku vahanya hi Ivangeli.

Lk 10:7

Trhamisani andangwini wolowo, n'wida, n'winwa leswi vatakan'winyika swone, hikusa a mutiri afanekeli hi hakelo drakwe. N'wingasukeni n'wiya ndangwini wun'wana ni wun'wana.

Mt 10:10

ni timbuva ta ndlela; n'wingatekeni a mpahla ya kutxintxa ha yone, nambi ti tintangu, kumbe nhonga, hikusa a mutiri afanela hi swakuda swake.

Yakobe 4:5

Kumbe n'wiyanakanya leswaku atralwa drikhanela mahala loko driku: Yene anivukwele hinkonta ya Moya lowu awubekiki ku hine?

Rm 10:11

Swanga hileswi a Matralwa maliki: Lweyi a pfumelaka ku Yene angavina tingana.

Rm 9:17

Hikusa a amatralwa mali ku Faro: Hi mine nikuyentxiki mufumi akuva nikombisa ha wene a ntamu wanga ni kuva wutivisiwa misaveni hinkwayu.

Gl 3:8

Ke, a tralwa dri swivoni khale leswaku Xikwembu Nkulukumba atahlaya va-Matiko valulami hi kupfumela; a Ivangeli yitivisiwile ku Abrahamu leswaku: Ha yene a matiko hinkwawu matakatekisiwa.

Rm 11:2

Xikwembu Nkulukumba angatxukumetanga tiko drakwe, ledri angadrihlawula kehe kusunguleni. Xana n'wine an'wiswitivi leswi a Matralwa ya Kuxwenga ma hlayaka swone ha Eliya lweyi a rambelaka Israyele ku Xikwembu Nkulukumba?

Rm 4:3

Ke, Tralwa driliyini? Abrahamu avi ni kupfumela ku Xikwembu Nkulukumba, hileswo-ke ahlayeliwa kululama.