I Tmt 4:6 - Testamente Ledrimpswha ni Mapsalma

⁶ Loko udondrisa leswo ku vamakwenu, utava mutireli munene wa Yesu Kriste, na uxurisiwi hi maritu ya vupfumeli ni ya dondro leyi yinene, leyi wene uyilandraka;

I Tmt 4:6 Referans Kwoze

Va-le-Kolosa 3:16

A ritu dra Kriste adrihanyi hi kuyandra ku n'wine, akutiveni hi hinkwaku, n'widondrisana ni kukwhavelana van'we ku van'wana hi kuyimbelela hi Mapsalma, ni tinsimu ta moya, n'wiyimbelelela Xikwembu Nkulukumba, n'witlangela hi mbilu hinkwayu.

Tito 2:1

Kambe wene, hlaya leswi swifanelaka ni dondro leyi yinene.

Va-le-Kolosa 4:7

Tikiko a makweru lweyi arandriwaka, lweyi angamutirikulori lweyi wa kudumbeka Hosini atan'winyika madrungula hinkwawu ha mine.

Mt 13:52

Ahangaku ku vone: Loko mun'we mudondrisi wa Nawu apfumela a dondro ya Mfumu wa Matilo afana ni n'winyi wa ndangu, lweyi ativaka a kuhumexa ku vukosi byake, a mintxhumu mimpswha ni ya khale.

Yd 1:5

Nambi loko n'wiswitiva swinene hinkwaswu, ni randra kun'widrimuxa, leswaku a Hosi yati yihuluxa vhanu va yone avukaraweni bya Egipta, yitlhela yi vasuvisa lava vakukala vangapfumelanga.

II Yhn 1:9

Lweyo ni lweyo a humaka dondrweni ya Kriste, angatrhami ku yone, angana Xikwembu Nkulukumba; lweyi a trhamaka na atiyile adondrweni ya Kriste, yene ana Tatana ni N'wana.

I Ptr 2:2

swanga swihlangi leswi swahaka kubelekiwa, navelani a ntrwamba lowu nene wa moya, akuva ha wone n'wikula akuhulukeni,

II Tmt 4:3

Hikusa wutatlhasa nkama lowu vangatiki yamukela dondro leyi hanyisaka, kambe hi kunavela kwavu vatatihlengeletela vadondrisi lava vataka dondrisa leswi vaswitrhavelaka.

II Tmt 3:10

Kambe wene unilandrisisi adondrweni yanga, ni le mahanyeleni, ni le makungwini, ni le kupfumeleni, ni le kunabyaleni, ni le lirandrwini, ni le kutiyiseleni.

II Tmt 1:6

Hileswo-ke, ni kudrimuxa leswaku upfuxa nyiko ya Xikwembu Nkulukumba leyi yinga ku wene hi kutlhantekiwa ka mavoko yanga.

I Tmt 6:3

Loko mhunu adondrisa dondro yimbeni ava angapfumeli a maritu manene ya Hosi yeru Yesu Kriste ni dondro leyi yifambelanaka ni vukhongoti,

I Tmt 4:16

Tibekise wene ha vuswaku, ubekisa ni dondro, utiyisela ku swone; hikuva loko uyentxa leswo utatihuluxa wene, uhuluxa ni lava vakuyingelaka.

I Tmt 1:10

lava vanyamiki ni vavanuna lava vayentxaka a swatingana ni vanuna-kulobye, vayivi va vhanu ni va madrimi, ni lava vatrikaka a kulandra vukhongoti ni lava vahambanaka ni dondro leyi yinene,

I Tsl 3:2

ni kun'wirumela Timotewu, a makweru, a mutiri wa Xikwembu Nkulukumba a Ivhangeleni ya Kriste. Himurumi akun'witiyisa ni kutxhavelela avupfumeli byenu,

Va-le-Kolosa 2:19

Avatitlhanganisanga na Kriste lweyi ayandrisaka miri hinkwayu, amitlhanganisa aswiyengeni swakuhambana, ni kuswiyentxa swiwundleka swanga hi kungu dra Xikwembu Nkulukumba.

Va-le-Filipiya 3:16

Kambe ku leswi kutani hitlhasiki, ahifambeni hi ndlela yoleyo, leyi hiyilandriki kutlhasa swoswi.

Ef 6:21

Akuva na n'wine n'witativa madrungula ya kutlhamuxeleka henhla kwanga ni kuleswi ni swiyentxaka, Tikiko, makweru lweyi arandrekaka ni kudumbeka Hosini, atan'wibyela hinkwaswu,

II Kor 6:4

Kambe kuhinkwaswu, hi tiseketela swanga vatiri va Xikwembu Nkulukumba: Hikutiyisela loku kukulu, amahlomulweni, ni le kutitroneni, ni le kukamiweni ka mbilu,

II Kor 3:6

lweyi ahinyikiki ntamu wa kuva vatireli va xipfumelelanu lexi ximpswha, na inge xipfumelelanu xa nawu wa kutraliwa, kambe xa Moya; hikusa a nawu wa kutraliwa wadlaya, kambe a Moya wahanyisa.

I Kor 4:17

Hikola ka leswo nin'wirumeli Timotewu, anga n'wananga wa kurandreka ni kudumbeka a Hosini, akuva atan'widrimuxa a tindlela tanga ku Kriste, kukotisa leswi nidondrisaka matlhelo hinkwawu akerekeni drin'wana-ni-drin'wana.

Rm 15:15

Nambi swilitanu, ni n'witraleli hi kutiyanyana henhla ka timhaka leti akuva n'witiyanakanya. Niyentxi leswo hinkonta ya ntiro lowu Xikwembu Nkulukumba anirwexiki,

Mintiro Ya Vapostola 20:35

Nin'wikombisi hi tindlela hinkwatu leswaku kudjuleka hipfunisa xiswoswo, hi kutira, lava vangani gome, na kudrimukiwa a maritu ya Hosi Yesu, hikusa Yene, hi ntshima yake ate: Kukateka ngopfu a kuhanana, kutlula a kuyamukela.

Mintiro Ya Vapostola 20:31

Hileswo-ke, hitekani. N'widrimuka leswaku ha malembe mararu anisamanga nitrika a kun'wimamulela mun'wana-ni-mun'wana, hi minyembeti avusiku ni nhlikanhi.

Lk 1:3

Nakone, na mine ntrhaku kakuva nikambisisi hi vunyaminyami hinkwaswu leswi swihumeleliki kusukela akusunguleni, nikumi leswaku swingaxonga kukutralela swone, hi ndlela ya longoloko,

Mintiro Ya Vapostola 1:15

Amasikwini wolawo, Petrosi ayima amakari ka vamakwavu (ke, vahlengeletani kone, a vhanu lava afaka vadjula kuva dzana na makume mabiri (120),) aku:

II Kor 11:23

N'wivatireli va Kriste? Mine ni nandra wa kuyampswa kutlula vone: Hi mintiro, ni swin'wana; ngopfu-ngopfu a madjele; hi kubiwa na kunge na mpimu, amakhombyeni ya kufa hi minkama leyi minyingi.

Va-le-Filipiya 2:20

Hikusa ani mhunu lweyi angani mbilu ya kufana ni yake, lweyi angatikarataka ha n'wine.

Va-le-Filipiya 2:22

Kambe n'wakutiva kudumbeka kwake, leswaku atiri kun'we na mine antirweni wa Ivangeli, swanga hi n'wana ni tatana wakwe.