I Tmt 4:13 - Testamente Ledrimpswha ni Mapsalma

¹³ Tinyiketeli akuhlayeni ka Matralwa, akutratriyeni, ni le kudondriseni kukondra nitlhasa.

I Tmt 4:13 Referans Kwoze

Mintiro Ya Vapostola 6:4

Hine, hitatiyisela akukhongoteni ni le ntirweni wa kuhlaya ritu dra Xikwembu Nkulukumba.

Tito 2:15

Hlaya a mintxhumu leyi na utratriya uva ukawuka hi ntamu hinkwawu; kungavi na mhunu lweyi akudrelaka.

II Tmt 4:2

Rera ritu, utiyisa hi nkama lowu faneliki, ni hinkama lowu wungafanelikiki, khata, khongotela, khwavela hi mbilu ya kuleha, ni hi kudondrisa.

I Tmt 4:16

Tibekise wene ha vuswaku, ubekisa ni dondro, utiyisela ku swone; hikuva loko uyentxa leswo utatihuluxa wene, uhuluxa ni lava vakuyingelaka.

I Tmt 4:6

Loko udondrisa leswo ku vamakwenu, utava mutireli munene wa Yesu Kriste, na uxurisiwi hi maritu ya vupfumeli ni ya dondro leyi yinene, leyi wene uyilandraka;

Mintiro Ya Vapostola 17:11

A va-Yuda lava afa vatxhaviseka kutlula a va-le-Tesalonika, hikusa vayamukeli ritu hi mbilu leyi yivilelaka ngopfu, na vakambisisa a Matralwa hinkwawu masiku, akuva vavona leswaku a timhaka leti Pawulosi atihlayaka ha kunene ti tanu.

Yohana 5:39

N'wilavisisa Matralwa, hikusa n'wiyanakanya leswaku, ku wone, n'witakuma vutomi lebyi byingahelikiki, kasi hi wone manihambelaka vumboni.

I Kor 14:26

Vamakweru, ke, i swakuyini xana? Loko n'wihlengeletana, mun'wana-ni-mun'wana ani psalma, kumbe dondro, kumbe Apfuletelo, kumbe lidrimi drimbeni, kumbe ntlhamuxelo; hinkwaswu aswiyentxeliwi kuyaka.

I Kor 14:3

Kambe lweyi aprofetaka, avulavula ni vhanu, leswi swiyakaka, leswi switratriyaka ni leswi swikhongotelaka.

I Kor 14:6

Kambe-ke, swoswi, vamakweru, loko ningata ku n'wine na nivulavula hi tindrimi, ningan'wipfuna ha yini, loko ningavulavuli na n'wine hi Apfuletelo, kumbe hi vutivi, kumbe hi vuprofeta, kumbe hitavudondrisi?

Rm 12:8

lweyi angani nyiko ya kutiyisa vambeni, a avatiyise; lweyi ayavelaka leswi anga na swone ayavele hi vumbilu, lweyi arangelaka, aswiyentxa hi lipfalu hinkwadru, lweyi a pfunaka lava pfumalaka, avapfune na atrhavile.

II Tmt 3:15

Ni leswaku wa mativi nawehentrongo, a Matralwa ya Kuxwenga, lawa manga ni ntamu waku kutlharihisa, ukota uhuluxiwa hi kupfumela loku kunga ku Kriste Yesu.