I Tmt 3:16 - Testamente Ledrimpswha ni Mapsalma

¹⁶ Kunene a xihundla xa vukhongoti i xikulu: Lweyi akombisiwiki anyameni, ayentxiwi mululami hi Moya avoniwi hi tintrumi, ahuweleliwi amakari ka matiko (ka va-Matiko), awundliwi lomu misaveni, ayamukeliwi akuphatimeni.

I Tmt 3:16 Referans Kwoze

Yohana 1:14

A Ritu drandruluki nyama, driva driyaka makari kweru, kutani hihlaleli kuphatima ka drone kunga kuphatima ka n'wana lweyi wa mun'we wa Tatana; afa atali hi timpswalu ni xihlayelamfuri.

Va-Heberu 1:3

Yene lweyi angakuphatima ka lidrumu drakwe, ni ritu dra kuhetiseka dra vumhunu byake, atameli mintxhumu hinkwayu hi ritu dra ntamu wakwe. Ntrhaku ka kuva a yentxile ntiro wa kuhlampswa swihono, ateki vutrhamu byake xineneni xavunkulukumba, a henhla-henhla.

Marka 16:19

Ntrhaku kakuva akhaneli ni vadrondrisiwa, Hosi Yesu atekeliwi atilweni, ayatrhamisa axineneni xa Xikwembu Nkulukumba.

Rm 16:25

I Xikwembu Nkulukumba lweyi angaswikotaka a kun'wiyentxa n'witiya kupfumeleni, kufambelana ni Ivangeli leyi niyitivisiki ni hi ritu dra Kriste, swanga hi leswi hi nyikiwiki kutiva kungu dra matilo dra huluxo. A kungu ledro, dri fihliwiki kehe ku minkama hinkwayu,

Lk 24:4

Vaku nava hakarateka ha swone, lavisani vavanuna vabiri, vahumelela, vayima na vone, na vayambali swiyambalu leswi swakuphatima.

Va-le-Kolosa 1:23

Loko kunene, n'witrhamile kupfumeleni, n'wisimekiwa n'witiya, n'winga titrhindreti kule ni kulavisela ka Ivangeli, leyi n'wiyiyingeliki yihlayiwa ku vhanu hinkwavu vahansi ka misava, leyi mine Pawulosi, ni ndrulukiki murumiwa wa yone.

I Yhn 1:2

Hikusa a vutomi bya vonekisiwile, hi byi vonile, hi timboni ta byone, hi n'wibyela vutomi lebyingahelikiki, lebyi afaka byi li ku Tatana, kutani byi vonekisiwi ku hine.

I Ptr 3:22

lweyi anga xineneni xa Xikwembu Nkulukumba, ntrhaku ka loko atlhantukeli Matilweni, abekiki a hansi kwake a tintrumi, ni vuhosi, ni mintamu hinkwayu.

I Ptr 1:12

Ku vone kupfuleteliwile leswaku afa vangatitireli, kambe afa vatirela n'wine ku mintxhumu leyi swoswi mitivisiwiki ku n'wine hi lava van'wirereliki a Ivangeli hi ntamu wa Moya wa Kuxwenga, lowu wurumeliwiki hi le Tilweni, a mintxhumu leyi nambi tintrumi tidjulisisaka kun'witiva.

Va-le-Kolosa 2:2

Akuva a timbilu tavu titiyisiwa, ni kuva vatlhanganisiwa kun'we alirandrwini, akuva vava ni kufuya loku kunga ni kudumbeka loku kakutiya, akuva vayingelisisa swinene a kungu dra Xikwembu Nkulukumba, anga Kriste,

Va-le-Kolosa 1:27

Lava Xikwembu Nkulukumba avanyiki kutiva a nhlengwe dra lidrumu dra kungu amakari ka va-Matiko, hileswaku, ku n'wine kuna Kriste lweyi anga kulavisela kwenu ka lidrumu;

Va-le-Kolosa 1:6

yitlhasiki ku n'wine ni le misaveni hinkwayu; yibeka mihandru na mikula swanga hileswi swihumeleliki makari kwenu, kusukela ku siku ledri n'witiviki timpswalu ta Xikwembu Nkulukumba hi xihlayelamfuri.

Lk 22:43

Kutani a ntrumi yi voneka ku yene, yipfa Tilweni, yitatamutiyisa.

Mt 3:16

Kaku loko Yesu ababatisiwile, ahuma amatini. Hi nomu-lo, a matilo mapfuleka, avona a Moya wa Xikwembu Nkulukumba wuxikela ahenhla kwake swanga i tuva.

I Yhn 3:5

Kutani n'wine n'wiswitiva ngopfu swinene leswaku Yene ativonekiseli kutata susa a swidoho sweru, kutani ku Yene akuna xidoho.

Va-Heberu 12:2

Na hi lavisa ku Yesu hikutiya, amuvangi ni muhetisisi wa kupfumela, lweyi hi kunyoxa loku abekeliwiki kone atiyiseliki xihambanwini, adrela tingana ta xone, swoswi atrhami xineneni xa xiluvelo xa Xikwembu Nkulukumba.

I Tmt 3:9

na vabekisa a xihundla xa vupfumeli alipfalwini ledri dribasiki.

Yohana 20:12

avona swirun'wa swibiri leswi afaka swiyambali swa ntlhohe, na switrhamile, xin'we atinhlokweni, a xin'wana aminengeni, laha ntrumbu wa Yesu afaka wulatiwi kone.

Mt 1:23

A wanhwanyana atava ni nyimba, atapswala n'wana wa wandrisanyana, atatxhuliwa Emanuwele, swihlaya leswaku: Xikwembu Nkulukumba ana hine

Mpfuletelo 7:9

Ntrhaku ka leswo, nivoni ntalu wukulu wa vhanu, lowu afaka kungali na lweyi angakotaka kuhlaya a ntrengo wa wone, vapfaka hi le ku matiko hinkwawu, tinxaka ni tindrimi hinkwatu. Vayimi mahlweni ka xitrhamu-xa-vufumi ni le mahlweni ka Hambana, na vayambali swiyambalu swa ntlhohe, na vani minkindru amavokweni yavu,

I Ptr 1:20

lweyi hi tlhelo drin'we arangiki kutiviwa na misava mingasinavumbiwa, kambe hi tlhelo drin'wana angavonekisiwa avugan'wini bya minkama hikola kwenu,

Va-Heberu 7:7

Kambe akuna kuganaganeka leswaku lweyi anga lwentrongo hi yene lweyi atovokisiwaka hi lwenkulu.

Ef 6:19

Mfuri na mine n'wini khongotela, akuva Xikwembu Nkulukumba anihuhutela, akupfuleni ka nomo wanga ni vulavula hikudumba, akuva a ntiro wa mhaka ya Ivangeli yi vonekisiwa,

Ef 1:9

ahipfuletela xihundla xa kurandra kwake, hikola ka vumbilu byake afaka ayanakanyile kuma yentxa ha Kriste.

Gl 4:4

Kambe-ke, kutlhasa kuhetiseka ka minkama, Xikwembu Nkulukumba arumi N'wana wakwe, lweyi a pswaliwiki hi wansati, lweyi angatumbuluka a hansi ka nawu,

I Kor 15:47

A mhunu wa kusungula, avumbiwiki kusukela amisaveni, i wa misava, a mhunu wa vubiri i wa tilo.

I Kor 2:7

kambe hivulavula hi vutlhari bya Xikwembu Nkulukumba, anga xihundla lexi xifihlekiki, lebyi Xikwembu Nkulukumba abyibekiseliki a kutwala kweru na minkama mingasinava kone;

Rm 10:18

Kutani mine navutisa: Kolahu avayingelanga na kukhaneliwa? Im, kunene vayingelile, mpfumawulu wavu wutwalile misaveni hinkwayu, na wone maritu yavu mayitlhasa avugan'wini bya misava.

Mintiro Ya Vapostola 20:28

Tivonelani n'wine, ni ntlhambi hinkwawu lowu Moya wa kuxwenga wun'wibekiki kuva vabixopo, akuva n'wibyisa a Kereke dra Xikwembu Nkulukumba, ledri angatixavela hi ngati yake.

Gl 2:8

hikuva lweyi a yentxiki akuva mupostola wa lava vaku soka, ayentxi leswaku na mine niva mupostola wa va-Matiko,

Rm 9:5

Vone i valixaka dra vatatana; mfuri Kriste ahumi ku vone, hi nyama, lweyi angahenhla ka hinkwavu, akukhensiwi Xikwembu Nkulukumba hi minkama ni minkama. Amen!

Mintiro Ya Vapostola 10:34

Petrosi, kolahu asungula a kukhanela, aku: Ha kunene swoswi, naswiyingelisisa leswaku Xikwembu Nkulukumba angalangusi vuso.

Rm 8:3

Hikusa leswi afaka swinga koteki ku nawu, hi leswi afaka wu hikola ka nyama, Xikwembu Nkulukumba a yentxile leswi hi ku rumela N'wana wakwe hiku fana ni nyama ya xidoho, xiswoswo, Xikwembu Nkulukumba a yavanyisile Xidoho a nyameni.

Mintiro Ya Vapostola 14:27

Loko vatlhasi Antiyokiya vahlengeleti swiro swa Kereke, kutani vaswidrungulela hinkwaswu leswi Xikwembu Nkulukumba aswiyentxiki ha vone, ni hi laha apfuleliki va-Matiko a swipfalu swa vupfumeli.

Yohana 16:28

Nisuki ku Tatana, nita misaveni; swoswi nitlhela nisiya misava, nimuka ku Tatana.

Yohana 13:3

Yesu, hikutiva leswaku Tatana abeki hinkwaswu amahlweni kwake, ni leswaku ahumi ku Xikwembu Nkulukumba, na swone aya ku Xikwembu Nkulukumba.

Lk 24:51

Na ahavakatekisa, akutravukana navu, antlhantukelisiwa Tilweni.

Mpfuletelo 17:7

A ntrumi yi ni vutisa yiku: Uhlamalela yini xana? Nitakubyela xihundla xa wansati ni xa xihari xa kulebya lexi xingani ntlhanu wa tinhloko na tibiri na khume dra timhondro.

Mpfuletelo 17:5

Amombyeni wakwe, afa kutraliwi vito dra xihundla ledraku: BABILONA LWENKULU, A MAMANA WA VA VUMBUYE, NI VHANU HINKWAVU VA VUMBUYE VA MISAVA.

Va-Heberu 8:1

A xalisima lexi hihlayiki xone hileswaku hinani muprista lwenkulu lweyi wa kutanu, lweyi atrhamisiki avokweni dra xinene dra xiluvelo xa vukulu bya le Matilweni,

II Tsl 2:7

Ku leswo a mintamu ya kuhlamalisa ya vubihi matira swoswi. Kambe akuva hinkwaswu swiyentxeka swifaneli leswaku lweyi amuyalisaka a nyamalala,

II Tsl 1:10

Dri tava siku ledri a Hosi yitaka tela kubekeliwa xihluwa hi hinkwavu ni vahlawuliwa va yone, ni kukutxiwa hi hinkwavu lava yamukeliki vupfumeli. Na n'wine mipfumeli mhaka yeru ya Ivangeli.

Mintiro Ya Vapostola 1:19

A mhaka leyo yitiviwi hi vayaki hinkwavu va Yerusalema, la ka kuva a nsimu leyo yiva yitxhuliwa Hakeldama, hi lidrimi dra kwavu, hileswaku: Nsimu ya ngati.

Yohana 17:5

Swoswi, nitwalise, we Tatana, amahlweni kwaku hi kutwala loku afaka nili nakone ku wene, na misava mingasiva kone.

Yohana 15:26

Kambe loko kutatlhasa Mutxhaveleli, lweyi nitakan'wirumela yene apfa ku Tatana, wunga Moya wa xihlayelamfuri, lowu wuhumaka ku Tatana, hi yene lweyi atakanihambela vumboni.

Yohana 6:62

Switakuyini, a siku n'witaka vona N'wana wa Mhunu antlhatukela lomu afaka ekone khale xana?

Lk 2:32

Yene i livaningo drodritaka vaninga matiko, ni kutwala ka tiko drakwe dra Israyele.

Marka 16:5

Vanhingeniki axireni, vavona kone a ndrisanyana lweyi atrhamisiki axineneni, na ayambali xiyambalu xa ntlhohe. Vatxhuka vava vatxhava ngopfu,

Marka 1:13

ayatrhama kone mune wa makume ya masiku, amakari ka swihari na ali kari adringiwa hi Sathana. Na swirun'wa swimutirela.

Mt 28:2

Kutani vonani, kuvi ni kutrekatreka loku kukulu ka misava, hikusa a ntrumi ya HOSI afa yixiki hi le Tilweni, yitrhindrekela axireni yipfingula a ribye, yitrhamisa ku drone;

Mt 13:11

Avayangula aku: N'wine n'winyikiwi kutiva a swihundla swa Mfumu wa Matilo; kambe vone avanyikiwanga.

Mt 4:11

Kolahu Diyavulosi amutrika; kutani a tintrumi tita, timutirela.

I Ptr 3:18

Hikuva na yene Kriste axaniseki kan'we hinkonta ya swidoho, yene Mululami, hinkonta ya vasomboloki, akuva an'wiyisa ku Xikwembu Nkulukumba; yene hi tlhelo drin'we afiki anyameni, kambe hi tlhelo drin'wana ahanyisiwiki amoyeni;

Rm 10:12

Xileswo akuna kuhambana makari ka va-Yuda ni va-Girika, hikusa yene i Hosi ya hinkwavu ni kunyika vukosi byake ku hinkwavu, lava muvitanaka.

Rm 3:4

Ni kutrongo. Akova Xikwembu Nkulukumba lweyi adumbekiki, vamadrimi i vhanu, swanga hi kuhlaya ka Matralwa: A maritu yaku, we Xikwembu Nkulukumba mata kombisa leswaku u mululami ni leswaku utahlula loko u yavanyisiwa.

Rm 16:26

swoswi dri vonekisiwi hi mabuku ya vahlayi va ritu swanga hi leleto dra Xikwembu Nkulukumba lweyi angakone hila kungahelikiki. Kutani dri nyikiwi matiko hinkwawu leswaku wone mayamukela kupfumela.

II Kor 1:19

Hikusa Yesu Kriste N'wana wa Xikwembu Nkulukumba, lweyi n'wingadondrisiwa ha mine na Silivano na Timotewu, angavanga ina ni im-him ha nkama mun'we. Kriste avi ina ha kunene-nene.

I Ptr 1:21

n'wine ha Yene n'wipfumeliki ku Xikwembu Nkulukumba lweyi amupfuxiki ku lava vakufa amakari ka vafi, ava amunyika ni lidrumo, akuva a kupfumela kwenu ni kulavisela kwenu swiva ku Xikwembu Nkulukumba.

I Yhn 3:8

Lweyo ni lweyo ayentxaka xidoho i waka Diyavulosi; hikusa Diyavulosi adohile kehe kusunguleni. Hikolaho ka leswo, a N'wana wa Xikwembu Nkulukumba ativonekisi akuva atahelisa mintiro ya Diyavulosi.

Lk 20:44

Ke Davida amutxhula Hosi yake; xana Kriste i n'wanakwe ha yini-ke?