I Tmt 3:15 - Testamente Ledrimpswha ni Mapsalma

¹⁵ kambe loko nihlwela, utativa a mayentxela lawa mafanekelaka andlwini ya Xikwembu Nkulukumba, dringa kereke dra Xikwembu Nkulukumba lweyi ahanyaka, mhandre ni xiseketelo xa xihlayelamfuri.

I Tmt 3:15 Referans Kwoze

I Ptr 2:5

Na n'wine, swanga maribye lawa mahanyaka, n'wiyakiwa n'wiva yindlu ya moya, avupristeni bya kuxwenga, akuva n'winyikela ha Yesu Kriste, a timhamba ta moya, leti tiyamukelekaka ku Xikwembu Nkulukumba.

I Tsl 1:9

Mfuri vone vadrungula manhingenela yeru ku n'wini, ni hi kundruluka kwenu ku Xikwembu Nkulukumba, n'witrika a swikwembu swakuka ndlela, akuva n'witirela Xikwembu Nkulukumba lweyi a hanyaka ni wa xihlayelamfuri,

Gl 2:9

na kone vatiki vativa timpswalu leti hinyiwiki tone, mine, na Yakobe, Kefasi, na Yohana lava vahlayiwaka timhandre, va hi nyika mine na Barnabasi, avoko dra xinene dra kutlhangana, hikuva hine hiya ku va-Matiko, vone vaya ku vaku sokiwa.

Rm 3:2

I drikulu hi matlhelo hinkwawu. Hikusa kusunguleni Xikwembu Nkulukumba anyiketi Maritu yake ku va-Yuda hi kuvadumba.

Mt 16:16

Simoni Petrosi amuyangula aku: Wene u Kriste N'wana wa Xikwembu Nkulukumba lweyi ahanyaka.

Rm 9:26

Ni mbangu lowu nivabyeliki niku: N'wine an'witiko dranga, lahu n'witahlayiwa vana va Xikwembu Nkulukumba lweyi a hanyaka.

Mintiro Ya Vapostola 1:2

kukondra kuyatlhasa a siku ledri angatekeliwa a henhla-henhla, loko aleletile hi Moya wa Kuxwenga a vapostola lava afaka avalangile;

Yohana 14:6

Yesu aku ku yene: Hi mine ndlela, ni xihlayelamfuri, ni vutomi; akuna mhunu lweyi angataka ku Tatana, loko kunge ha mine.

Mt 18:18

Nihlayelamfuri nili ku n'wine: Leswi n'wiswitrimbaka la misaveni switatrimbiwa ni le Matilweni, leswi n'wine n'wiswintrhunxaka la misaveni switantrhunxiwa ni le Matilweni.

Mpfuletelo 7:2

Nivoni yin'wana ntrumi afaka yitlhantuka hi lomu kuhumaka a dambu, na yini xifungu xa Xikwembu Nkulukumba lweyi ahanyaka, kutani yibandlukana hi ritu ledrikulu ku mune wa tintrumi leti tinyikiwiki a ntamu wa kuhona misava ni likhulu,

Va-Heberu 12:22

Kambe loko n'wine n'witlhasile a nhaveni ya Sion, ni mutini wa Xikwembu Nkulukumba lweyi a hanyaka, a Yerusalema wa le tilweni, madzana-dzana ya tintrumi,

Va-Heberu 3:12

Tivonelani vamakweru, leswaku kungavi na mhunu makari kwenu lweyi angani mbilu ya kubiha, ya kuka kupfumela, yitakafularela Xikwembu Nkulukumba lweyi ahanyaka

I Tmt 6:16

yene ntsena angani kuka-kufa; lweyi atrhamaka alivaningweni ledri dringalikina kutrhindrekeleliwa; lweyi angasamiki avoniwa hi mhunu, mfuri ni mun'we mhunu angamuvonaka. Ku yene akuveni xihluwa ni ntamu lowu wungahelikiki. Amen.

I Tmt 4:10

hi swoleswo-ke hitikaratelaka ni kulwela swone, hikuva hibeki a kulavisela kweru ku Xikwembu Nkulukumba lweyi ahanyaka, lweyi anga Muhuluxi wa vhanu hinkwavu, ngopfu-ngopfu wa vapfumeli.

I Tmt 3:16

Kunene a xihundla xa vukhongoti i xikulu: Lweyi akombisiwiki anyameni, ayentxiwi mululami hi Moya avoniwi hi tintrumi, ahuweleliwi amakari ka matiko (ka va-Matiko), awundliwi lomu misaveni, ayamukeliwi akuphatimeni.

I Tmt 3:2

Hileswo-ke, kudjuleka leswaku a bixopo ava lweyi angasolekiki, anga nuna wa nsati mun'we, adaka ni kunwa hi kutipimelela, atikhomaka, angatitlakuxiki, arurelaka vayeni, ativaka kudondrisa,

Va-le-Kolosa 1:5

Hinkonta yakulavisela loku n'wibekiseliwiki kone Matilweni, swanga hi leswi n'wiyingeliki ke hikusungula hi ritu dra xihlayelamfuri dra Ivangeli,

Ef 4:21

loko kunene n'wayingelile vavulavula ha yene, ni loko n'widondrisiwi ku Yene, hikulandra xihlayelamfuri xinga ku Yesu.

Gl 3:1

Hayi! Vagalatiya, masinge ndrun'wine! N'wikanganyisiwi hi mani xana? N'wine lava ni n'wiyentxiki n'wivona Yesu Kriste lwa vambiwiki.

II Kor 6:16

Kuni ntlhanganu muni amakari ka yindlu ya Xikwembu Nkulukumba ni swikwembu swakuka ndlela xana? Hileswaku hine hi tiyindlu ta Xikwembu Nkulukumba lweyi a hanyaka, swanga hi kuhlaya kwake: ni ta yaka makari kwavu ni famba na vone. Nitava Xikwembu Nkulukumba wavu vone va tava tiko dranga.

Mintiro Ya Vapostola 14:15

Vavanuna va-le-kweru! Xana n'wiyentxela yini leswo? Na hine hi vhanu ntsena lava vanga ha n'wine hi ntumbuluku. Hin'witivisa a Ivangeli, akuva n'witrika a mintxhumu ya kuka-ndlela, n'windrulukela ku Xikwembu Nkulukumba lweyi ahanyaka, lweyi angahamba a tilo ni misava ni likhulu, ni hinkwaswu leswi swinga ku swone,

Yohana 6:69

Kutani hine hini kupfumela ni kuswitiva leswaku hi wene Muhlawuleki wa Xikwembu Nkulukumba.

Yohana 1:17

Hikusa a Nawu wunyikiwi hikola ka Moxe, kambe a timpswalu ni xihlayelamfuri switi ha Yesu Kriste.

Va-Heberu 9:14

ngopfu-ngopfu a ngati ya Kriste, leyi Yene atinyiketiki ku Xikwembu Nkulukumba ha swake hi Moya lowu wungahelikiki, na ngeke na xisandru, yita hi basisa timpfalu teru a mintirweni leyi mitifeliki, akuva hitakota kutirela Xikwembu Nkulukumba lweyi a hanyaka.

II Tmt 2:20

Kambe andlwini ya lifuyu, akuna ni swibya swa gole ni silivhela ntsena, na kone swikone ni swibya swaku vatliwa ni swavumba; a swin'we swini ntiro wa lisima ni swin'wana ntiro lowu wutrongo.

I Tmt 3:5

Hikusa loko a mhunu angaswikoti a kufuma a yindlu yake, xana angabekisisa kuyini a kereke dra Xikwembu Nkulukumba?

II Kor 6:7

aritwini dra xihlayelamfuri, antan'wini wa Xikwembu Nkulukumba, nihi matlhari ya kululama, kungava kutimpfekela kumbe kulweni.

II Kor 3:3

Hikuva n'wivoniwaka leswaku n'wimapapela ya Kriste, lawa matraliwiki hikola ka ntiro weru, lawa mangatraliwangakiki hi inki, kambe hi Moya wa Xikwembu Nkulukumba lweyi a hanyaka, na kunge hi swipeperele swa maribye, kambe, atimbilwini ta vhanu.

Yohana 18:37

Pilato aku ku yene: Xana u Hosi wene? Yesu ayangula, aku: Uhlaya swone, ni Hosi. Nipswaleliwi swone, niteli swone amisaveni leyi, akuva natatatiyisa xihlayelamfuri. Mun'wana-ni-mun'wana lweyi anga wa xihlayelamfuri, ayingiseta ritu dranga.

I Kor 3:16

Xana an'wiswitivi leswaku n'wi Tempele dra Xikwembu Nkulukumba, ni leswaku a Moya wa Xikwembu Nkulukumba wutrhama amakari kwenu?

I Kor 10:32

N'wingave xikhunguvanyiso nambi ku va-Yuda, nambi ku va-Matiko, nambi ku Kereke dra Xikwembu Nkulukumba,

I Tmt 3:14

Nikutralela leswo na nidumba leswaku nitata ku wene ndreni ka nkamanyana;

II Tmt 2:19

Nambi swilitanu, amasungulo lawa yakutiya ya Xikwembu Nkulukumba mahayimile, na mali ni nfungo lowu waku: a Hosi yitiva lava vanga va yone; ni leswaku lava vavitanaka vito dra Hosi, avatravukanisa ni leswakubiha.

Va-Heberu 10:21

ni leswi hinga ni muprista lwenkulu, mufumi wa yindlu ya Xikwembu Nkulukumba.

I Ptr 4:17

Hikusa i nkama wa kusungula a kuyavanyisa, kusungula hi yindlu ya Xikwembu Nkulukumba; ke, loko kusungula ha hine, byitava byini a vugamu bya lava va kuka-kuyingiseta a Ivangeli ya Xikwembu Nkulukumba, xana?