I Tmt 1:11 - Testamente Ledrimpswha ni Mapsalma

¹¹ swanga hi kulandra a Ivangeli ya kuphatima ya Xikwembu Nkulukumba lweyi akhensiwaka, leyi nirwexiwiki yone.

I Tmt 1:11 Referans Kwoze

Gl 2:7

Kuti loko vavona leswaku ninyikiwi ntiro wa Ivangeli, akudondrisa lava vakuka vangasokanga, swanga ha Petrosi, ku lava vaku soka;

Tito 1:3

mfuri avonekisiki, hi minkama leyi mifaneliki, a ritu drakwe, ledri nirwexiwiki a kudrirera, hi kuleleta ka Xikwembu Nkulukumba, Muhuluxi weru,

I Tmt 6:15

loku atakakukombisa aminkameni leyi mibekisiwiki, ha Yene ntsena n'winyi lweyi ankhensekaka, Hosi ya tihosi, n'winyi wa vinyi;

II Kor 4:4

Vone lava a swikwembu swa nkama lowu swidlayiki miyanakanyu yava kuka kupfumela, akuva vangati vaningeliwa hi Ivangeli ya kutwala ka Kriste, lweyi angaxifaniso xa Xikwembu Nkulukumba.

Rm 2:16

Hi siku ledri Xikwembu Nkulukumba, hikola ka Kriste Yesu, atayavanyisa leswi swifihliwiki swa vhanu, swanga hileswi a Ivangeli leyi yinene yingahlayaka;

II Tmt 2:2

Ni leswi uswiyingeliki ku mine amahlweni ka timboni letinyingi, swibeke ku vhanu lava kudumbeka, akuva vatadondrisa van'wana.

II Tmt 1:14

Leswi swinene leswi swibekiwiki ku wene, swibekise hi Moya wa Kuxwenga lowu trhamaka ndreni kweru.

II Tmt 1:11

leyi ni bekiwiki kuva mureri ni mupostola, ni mudondrisi wa yone.

I Tmt 6:20

Ke we' Timotewu, bekisa leswi swibekiwiki ku wene hi kudumbeka, udrela a swivula-vula swakuka-ndlela ni swakusandra, ni kukanetana ka kutiva loku kuhlayisiwaka xiswoswo na kungali kutiva;

I Tmt 2:7

vumboni lebyi mine nibekiwiki swanga mureri, ni mupostola wa byone, nihlayelamfuri, anihembi, mine ni mudondrisi wa va-Matiko akupfumeleni ni le xihlayelamfurini.

I Tsl 2:4

Kambe swanga hi leswi hipfumeleliwiki hi Xikwembu Nkulukumba, akuva hidumbiwa Ivhangeleni, hihlayisa xiswoswo, na ingekutrhavisa vhanu, kambe kukutrhavisa Xikwembu Nkulukumba, lweyi a kambaka timbilu teru.

Va-le-Kolosa 1:25

Ledri mine ningayentxiwa murumiwa, hikola ka kuntrhunxiwa hi Xikwembu Nkulukumba, akuva aniruma ntiro wa kuhetisisa a ritu dra Xikwembu Nkulukumba ku n'wine.

Ef 3:10

Kambe swoswi nambi mintamu ni minfumu ya le tilweni n'wifanekela kutiva, hi tlhelo dra Kereke a kuyanama ka vutivi bya Xikwembu Nkulukumba.

Ef 2:7

Akuva akombisa ku madzana-dzana ya malembe lawa mataka, a vukulu bya vupfundri bya timpswalu, ni vunene ku hine, ha Kriste Yesu.

Ef 1:12

Hikuva hitava lidrumu dra kuphatima kwake, hine lava hilaviselaka ku Kriste.

Ef 1:6

Hakuva kudrumisiwa kuphatima ka timpswalu leti ahinyikiki tone, hi mahala ku Murandriwa wakwe.

II Kor 4:6

Hikusa Xikwembu Nkulukumba ati: A livaningo dritavaninga amunyameni. Hikusa Yene mfuri a vaningile timbilwini teru, akuva hi vaninga kutiveni ka lidrumu dra Xikwembu Nkulukumba, amombyeni wa Yesu Kriste.

I Kor 9:17

Hikuva loko niyentxa leswo hi kurandra kwanga, nini hakelo; kambe loko kungali kurandra kwanga, swidjula a kuhlaya leswaku i ntiro lowu ninyikiwiki wone;

Lk 2:14

A kutwala akuve ku Xikwembu Nkulukumba a Matilweni ya le henhla-henhla, ni kurula amisaveni ku vhanu lava atitrhavelaka ha vone.