I Ptr 5:8 - Testamente Ledrimpswha ni Mapsalma

⁸ Tikhomani, n'wilavelela! A nala wenu, Diyavulosi, aratela swanga hi nghonyama leyi yidruma-drumekaka, na yidjula lweyi yingamuphatlulaka yimuda;

I Ptr 5:8 Referans Kwoze

Ef 6:11

Hlomani hi matlhari hinkwawu ya Xikwembu Nkulukumba, akuva n'wita kota kutiya mintlhan'wini ya Diyavulosi.

Yakobe 4:7

Hileswo-ke, titrongohatani ku Xikwembu Nkulukumba; na n'wiyalela Diyavulosi atatrutruma ku n'wine.

Ef 4:27

N'winga nyikeni vumbangu Diyavulosi.

I Ptr 1:13

Hileswo-ke, pfukani n'witiya akuyanakanyeni kwenu, hanyani hi kutikhoma, na n'wilavisela hi kuhetiseka atimpswalu leti n'wibuyiseliwiki tone akutipfuleteleni ka Yesu Kriste;

I Ptr 4:7

A kuhela ka mintxhumu hinkwayu ku kusuhi. Hileswo-ke tlharihani, n'witikhoma n'witakota akukhongota.

Lk 21:36

Hitekani hi minkama hinkwayu, n'wikombela ku Xikwembu Nkulukumba, akuva n'wikuma ntamu wakuphondla ku hinkwaswu leswi switakayentxeka, n'witakota kuyima amahlweni ka N'wana wa Mhunu.

Lk 22:31

Kutani Hosi yiku: Simoni, Simoni, lavisa, Sathana akombeli kun'wihehera swanga hi mavele

Tito 2:12

tihidondrisaka leswaku hidrela vusandri ni kutrika kunavela ka misava leyi, akuva hihanya hi kutikhoma, vululami, ni hi vukhongoti, ankameni lowu,

Mpfuletelo 12:12

Hileswo-ke trhavani matilo, na n'wine n'wiyakiki kone! Kambe yowee ku lava vayakiki misaveni ni le likhulwini, hikusa Diyavulosi axikeli ku n'wine na tali hi mahlundru lawa makulu, hi kutiva leswaku a nkama lowu anga nawu i wutrongo.

Yohana 8:44

N'wine n'wipfa ku tatana wenu, anga Diyavulosi, kutani n'wirandra kulandra a kunavela kwake. Lweyo i mudlayi wa vhanu ni le kusunguleni, kutani angatrhamanga xihlayelamfurini; hikusa akuna xihlayelamfuri andreni kwake. Loko ahlaya madrimi ahlaya leswi swinga kone ambilwini yake, hikusa i muhembi, i tatana wa kuhemba.

Mt 13:39

A nala lweyi abyaliki lihungu hi yene Diyavulosi, lava vanga vahlengeleti va ntrhovelo i tintrumi.

Mpfuletelo 12:9

Kutani kakutxukumetiwa a dragoni ledrikulu, a nyoka leyi ya khale, leyi vitaniwaka Diyavulosi na Sathana, lweyi a kanganyisaka misava hinkwayu. Yene ni tintrumi takwe vatxukumeteliwi misaveni.

Mt 24:42

Hitekani-ke, hikusa an'witivi a siku ledri a HOSI yenu yitakata ha drone.

Mpfuletelo 20:10

Diyavulosi, lweyi a ngava kanganyisa, atxukumetiwi tiveni dra ndrilo ni wa xivavula, lomu kunga ni xihari xa kulebya ni muprofeta wa madrimi. Vata xanisiwa nhlikanhi ni vusiku hi madzana ni madzana ya malembe.

Lk 21:34

Kambe tivonelani, suka timbilu tenu tibindriwa hi maxovo ni kupopswa ni minhlatiyelo ya vutomi! Kutani siku ledro dritatxhuka drin'witela swanga hi xitxhuketo na n'winga drilaviselanga,

Tito 1:8

kambe ave murureli wa vayeni, ava mhunu wa hombe, wa kutlhariha, murandri wa leswinene, akotaka kutikhoma, mululami, wa kuxwenga, arandraka a kulandra a nawu,

II Tmt 4:17

Kambe Hosi yaniyimelelile, yininyiki ntamu, akuva akurera kwanga ka Ivangeli kuhetiseka ku mine, lava vangeke vakhongoti hinkwavu vakota kuniyingela masiku hinkwawu, nive nihuluxiwa non'wini wa ndrawu.

Tito 2:6

Tratriya na vone lava vampswha leswaku vatikhoma;

Tito 2:2

A vavanuna lavakulu ngopfu, avave lava vatxhavisekaka, vatikhomaka, vatiyiki akupfumeleni, alirandrwini, ni le kulehiseni ka mbilu;

I Tmt 2:15

kambe atahuluka hi kubeleka a vana, loko vatrhama akupfumeleni ni le lirandrwini, ni le kubasisiweni hi kutikhoma.

Mpfuletelo 20:2

yikhoma dragoni, a nyoka ya khale, anga Diyavulosi kumbe Sathana, kutani yakumuboha ha khume dra madzana ya malembe (1000).

Tito 2:4

akuva vadondrisa a vavasati lava vampswha a kurandra vanuna vavu, ni kurandra a vana vavu,

I Tmt 3:11

Aswive xitanu na vone a vavasati, avave lava vafaneliwaka hi xitxhavu, vangavi va mahlevo, vava lava vatipimelelaka akudeni ni le kunweni, vava lava vadumbekaka ku hinkwaswu.

I Tmt 2:9

Hi mayentxela wolawo, na vone a vavasati na vayambali a swiyambalu leswi switxhavisekaka, hi kutikhoma mayentxeleni, vangatixongise hi kulehisa misisi, kumbe hi gole ni maperola, kumbe minkhantxu ya kudula,

Mt 4:1

A Moya wuyisi Yesu ahuleni, akuva Diyavulosi amudringa.

I Tmt 3:2

Hileswo-ke, kudjuleka leswaku a bixopo ava lweyi angasolekiki, anga nuna wa nsati mun'we, adaka ni kunwa hi kutipimelela, atikhomaka, angatitlakuxiki, arurelaka vayeni, ativaka kudondrisa,

Mt 25:41

Kutani a HOSI yitabyela lava vanga ximantrhini yiku: Sukani ku mine, n'wine lava varuketeliwiki; fambani n'wiya ndrilweni lowu wungatimekikiki, lowu wubekiseliwiki Diyavulosi ni tintrumi takwe.

Mt 4:11

Kolahu Diyavulosi amutrika; kutani a tintrumi tita, timutirela.

Marka 4:15

Kambe a tinhleke leti tiweliki andleleni hi lava loko vayingela a ritu, Sathana ahatlaka ata, asusa a ritu ledri dribyaliwiki andreni kwavu.

II Kor 2:11

Akuva Sathana anga ti londrovota ha hine, hikusa ha mativa swinene a makungu yake.

Mpfuletelo 12:10

Kutani ni yingela ritu ledrikulu atilweni, afaka driku: Swoswi kutlhasi huluku, ni ntamu, ni Mfumu wa Xikwembu Nkulukumba weru! Ni ntamu wa Kriste wakwe! Hikusa murambeli wa vamakweru, atxukumetiwile lweyi afaka avarambela mahlweni ka Xikwembu Nkulukumba nhlikanhi ni vusiku,